استعملتي سياسه التطنيش ويا زوجك؟؟تعالي خبرينا

انا الحمد الله ما استخدمها وانشاء الله ما استخدمهاااا
وتسلمين على الموضووع
...

تسلمين اختي على الرد وان شالله ما تستعملينها موفقه اختي

صدقيني التطنيش في معظم الأحيان يأتي بالمنفعة و الايجابية ،، والله العظيم كلامك عسل ،،

مو تطنيش اسميه لا ..... فتره تفكير ومراجعه النفس لكلا الطرفين ومو بالضروري ينفع مع كل الازواج كل له تربيته وطريقه تعامل تختلف من زوج لزوج
وعلى الزوجه ان لا تكثر منها لان ضررها اكبر من نفعها ويمكن تنفع وتأدب زوج ويمكن ان تثير غضب زوج اخر ومو بكل المرات تنفع كل مشكله ولها ظروفها وحلها اتمنى من الله التوفيق للجميع وان يبعدنا عن المشاكل جميعا :gum: وعن التطنييييييييييييش :gum:

صدقوني ينفع في بعض الاوقات احيانا يكون الزوج مال من اهتمام الزوجة فيه ما اقصد الاهتمام المادي مثل الطبخ والغسل لا هاذي لو طنشتيه فيها وراك العين الحمرا لا اقصد التطنيش المعنوي يعني بدال ماتقابلين وجهه وتقولين له سولف طنشي ما كان احد جالس معك وخففي من جلساتك معه بعدها هو راح يلاحظ ويمل من الصمت ويبدا فالكلام .... عن تجربه... لكن مو تاخذونها حلا بس اذا كنت طفشانه حيل وودك انه يسولف ...

الله يوفقكم يالغاليات

الحمدلله ماجربتها و عساني مااجربها

مستحيل اتحمل

صراحة انا استخدم طريقة التطنيش في اخر مرحلة .... يعني اذا اتحاورت مع زوجي بطريقة وحسيت انه مش مهتم للموضوع ... اطنش بش والله من الداخل تحترق اعصابي لأن ما احس ان في فايده منها الا 20% ...

تسلمين عبورة على الرد اختصرتي كل الكلام بجمله وحدة وانا معاج باللي قلتيه

اختي كنافه تسلمين على الرد وانا معاج بان كل زوج يختلف ويا الثاني بس متاكده من ان سياسه التطنيش تنفع ويا كلللللللل

الازواج لكن بمقدار يعني فتره التطنيش تختلف من واحد للثاني

الوجه السعيد هههههههههههههههههههه العين الحمرا اكيد بتجيج عين حمرة اذا طنشتي بالواجبات الماديه ضحكتيني والله

ههههههههههههههه بس كلامك مظبوط ميه بالميه وهذا التطنيش اللي انا اقصدة والله يبعدج عن المشاكل والتطنيش

فيد باك تسلمين على المرور

تلوله الله يبعدج عن المشاكل والتطنيش ياااااااااااااااااااااااااااااااااااارب

ضي القمر يعجبني تفكيرج واسلوبج يعني اول شي تتفاهمين واذا ما نفع تطنشين الله يوفقج يا رب

انا عني توني عرفت انها تنفع لما بعدت عنه وحس اني مطنشته قام هو يتقرب ويطلب اني اقعد معه كنت من اسبوعين بس انا اللي الي اسولف واجيه وهو مطنش بس الحمد للله انه نفع قولو ماشاء الله ههههههه

ياليت يحس فيني حتى وانا مطنشه المشكله انا في نظره طفله ماياخذ برايي ولا يسولف همه الطلعات والانتر نت وانا وعيالي اخرشي يفكر فيه وانا مهما حاولت ما فيه فايده تعبت وياه ماهو راضي يرحمني ويحس فيه الغيره زي فقدها والاهتمام بوجودي يكاد ينعدم اتمنى احد يقدر كلامي ويجاوب على غموض زوجي ارحموني ياناس انا دايم اتقرب اتكشخ وكلي امل انا رومنسيه جدا وغيوره وهو العكس انتظر الاراء من كافة الحاضرين باااااااااااااسرع وقت

ليه مافي رد طفشت

حبيبتي شمس يمكن فيه شي هو يبيه ومالقاه ...دام هذا حاله واجهيه وعبريله عن احتياجاااتج قوليله انا احتاجك ومالقاك دوم مشغول عني ..... كسري خاطره بكلمتين


سوري قطر221 عالمداخله

انتظر المشاركه وشكرابنت الغالي

اتا واعودبالله منكلمه انا يوم طنشته صراحه وصراحه طال التطنيش امتد لشهور حسيته بدا يراجع نفسه وصارت نظراتي له غير ونبرة صوتي صارت رسميه جدا حسيته بعدين يهابني شوي وصار يفكر بي وما يظغط علي

ردود حلوة

بصراحة التنطيش تكون بعض الاحيان ضرورية عشان الزوج كمان يطنش بعض الاحيان زوجته ....

وانا بس اجربها بخبركم هههههههه

وخاصة انا ما احب حدا يطنشني ... يا ويييله ....ههههه

ريوف اختي مشكورة على الرد اي والله تنفع ترى استعمليها بس لاتكثرين لاتنقلب عليج هههههههههههههههههههه

شمس حبيبتي مشكورة على الرد بس تبين نصيحتي؟؟؟؟؟ طنشييييييييييييييييييييييييييييييييييييييييييييييييييييييييييييييه

على الاخر يعني عادي اكشخي والبسي واشغلي نفسج بعيالج ولاتعطينه وجه ادي واجبج اتجاهه على اكمل وجه

بس لاتعطينه وجه دايما سولفي ويا عيالج والعبي وياهم واضحكي واعتبريه قطعه اثاث بالبيت ولا يهمج اطلعي واستانسي

ويا عيالج وهلج ولما تكونين وياه بالبيت او بالسياره خلج ساكته ولا تفتحين اي موضوع وخلج عاديه شغلي الاذاعه

مثلا وسوي نفسج منطربه ويا الاغنيه ولا ويا البرنامج اللي بالاذاعه مثلا ولما يفتح معاج اي موضوع ردي برد سريع

وبس لاتطولين السالفه ابد

ولما يكون قاعد وياج جيبي كتاب مفيد وابتدي اقريه مثلا ( الرجال من المريخ والنساء من الزهرة ) راح تستفيدين منه وايد

, وحاولي تنشغلين عنه وبعد شوي قوليله تصبح على خير وروحي نامي واذا قالج تصبحين على خير قوليله وانت من هله

انا بتم اقرى شوي هالشكل همشيه ترى بيخاف ويبتدي يقرب منج

مشكورة حبيبتي بنت الغالي على المداخله الموضوع موضوعج فديتج ونبي مشاركتج ورايج

مروووووم اختي انا معاج بهالشي ترى الرجال ما يجون الا بالعين الحمرا والله يوم تطنشينه يهابج صدقتي

فجر اختي مشكورة على المشاركه

كوفي روز تعجبيني كلامج صح ميه بالميه طنشي بس باعتدال

مرحبا خواتي..

انا مرة قريت عن هالموضوع , وفعلا التطنيش يجيب نتيجه كبيره وتلقين الزوج هو اللي يصير يركض ورى الزوجه , بس المشكله لو تكرر التطنيش بيصير الزوج تعود على هالشي وماراح يأثر فيه مثل اول مرة , وبيصير هو يطنش بعد مادام الزوجه مطنشه , يعني نقدر نقول ان التطنيش حل غير دائم ينفع لمرة او مرتين بس وبعدين يصير عند الزوج مناعه من التطنيش وما يأثر فيه وفي هاذي الحاله لازم تشوفين حل غير التطنيش!!!

تحياتي:shy: