كلمه لسيدات الاعمال

عيون النرجس 11-10-2006 22 رد 254 مشاهدة
ع
مساء الخير ان الصراحه تصفحة ركن التسويق ولاحظه كل من تجارات حاطه بضعاته بس باسعار اغلى من السوق وفيه منتجات ماتستهال بالسعر يلي حاطين عليه يعني غالي في نفس الوقت شي مب هالاكثر يستاهل ياليت من التجارات انهن يحطن اسعار معقوله مثل السوق لاني نحن عارفين اسعار السوق وعارفين البضايع يعني ماله داعي لمغالاة صدقون راح تلاحظون كل في المنتدي راح يشتري من عندكم انا مااقول هذا اني اخرب على التجارات بالعكس علشان التجارات يكون بالعلم الناس يعرفون اسعار السوق
اتمني انه ماتزعلون مني واذا في كلامي غلط ابي اسمع ردود كل بنات المنتدي اذا في شي انا قلته غلط والسموحه :shy:
ع
ليش ماحد يرد كلامي فيه غلط
B
انا بعد لاحظت هالشي ان في اشياااء وايد سعرهااا غالي

بس الحمدالله احس الي اطلبه سعره زين
ع
صح فيه اسعار معقوله فيه اسعار دبل
د
أكييييييييييييييييد ماراح يردون عليج الأنهم مايحبون حد يقولهم أنهم مبالغين في الأسعارغاليه ، وبصراحه في تاجرات انتهازيات واااااااايد وهذا راي
ن
امممممم صدقج شي اسعار وايد خياليه و اكيد كل الناس اللي يدشون النت يجوفون اسعار السوق و انا بالنسبه لي اشتري الشي اللي يناسبني من ناحية الذوق و السعر يعني لو جفت شي مبالغ بسعره و خاطري فيه لا والله ما اشتريه و عنا نحن ما شاء الله يميع الأسواق و مب مقصره

و يبقى هذا رأيي الشخصي

دمتم بحفظ الرحمن
h
اخواتي العزيزات
بالنسبه للاسعار تختلف حسب نوعيتها وهناك الاصلي والتقليد حتى الاصلي او التقليد متشابهين في لاشكال لكن النوعيه تختلف لذلك تجدي الأسعار مختلفه وهناك الآف الشركات تنتج بضائع متشابهه لكن مختلفه بالسعر
انا عن نفسي اضع سعر اقل من السوق حتى في اسواق امريكا لاني لا ادفع اجره محل ولا عمال واحاول دوما الرضا بالربح القليل
وكل وحده قبل ان تشتري تأكد ان سعره مناسب ولا تتسرع بالشراء
ا
لا ياختيه والله صدقتى ماجذبتى في شى
u
اختي انتي يمكن جفتي سعر البضاعه والتوصيل طلع وايد..

مايخصه حبيبتي..

البضاعه سعره غير..

والتوصيل مب نحن اللي ناخذه ..

الشركه روحه تاخذه..

:)
ع
للتجارات انهن يستفيدن بسعر معقول بس مب سعر دبل لانه الصراحه فيه منتجات طرحة اسعارهن اغلي من السوق وبعد ماشي توصيل للمنزل واذا فيه توصيل تكلفه مع السعر يعني كل تجاره تبيع تتكفل بالكل شي اذا كانت من الدوله يعني ماتاخذ عموله يكون جذيه افضل
غ
كلامج صدق ولو انى انا تاجرة واول وحدة ترد عليج ، الاحظ من خلال دخولى لبعض المواضيع فى ركن التسوق .
ف
االسلام عليكم

اشكرج على هلفته الطيبه
لاكن مو كل البنات امبالغات بالسعار
وبعد لا تلومين الكل لان بعض التاجرات يشترون بضيعهم من السوق بسعر المستهلك وعلشان هذا الشي يكون سعره غالي في المنتدى
المفروض يشترون بسعر الجملة واللي تبي اي مساعدة وتبي تطلب اي بضاعه من المورد الرئيسي انا ممكن اساعدهم
والتوفيق للجميع
L
[grade="4169E1 FF1493 800080 0000FF"]السلام عليكم ورحمة الله وبركاته،،،
بالنسبه للغلا،،فصراحةَ انا ما مريت على كل المواضيع،،،
بس ياليت من سيدات الاعمال والتاجرات اللي ياخذون بسعر الجمله
ما يغلون ويكون مناسب كسعر السوق، وفي كل الاحوال هن الربحانات

والبنات ماشاءالله عليهن يعرفن اسعار السوق ويواجهن التاجره
شو فيها الصراحه؟

ماحد ملزوم يشتري بس التاجره الشاطره بتعرض البضاعه بسعر السوق او
اقل حتى.

بس قلت اللي في خاطري

والسلام عليكم ورحمة الله وبركاته
..........................................
..........................................

Last Designer Designes[/grade]
ع
هو صح يااخت فرس شقراء بس المفروض مثل ماقالت الاخت last designet التاجرات يعرفن اسعار السوق قبل عرضها في المنتدي كذيه بيكون افضل
نصيحتي لتاجرات شوفن اسعار السوق قبل العرض في المنتدي
ل
كلامج صح اختي.............
من كم يوم سرت المعرض اللي في
بوظبي..........وشفت اشياء وايده
مثل اللي عند الأخوات في المنتدى
وإستغربت من الأسعار!!! وايد الصراحه
مغليات علينا..............الصراحه مب كلنا نعرف
الأسعار...........................أتمنى من الأخوات انهن يراعن الله اكثر..
ورمضان كريم :shy:
ع
اتمني من التاجرات يسمعن كلام كل عروس من المنتدي و تراعي بالاسعار
ياتكون الاسعار مثل السوق او اقل منها نتمني هذا الشي
m
يا ريت لو كانت على مسالة الفلوس بس
التاجرة تي و تحلف بالله جذب بس عشان وسخ الدنيا
وهالنوعيه موجوده وااااااااااايده من غير ذكر اسامي
مثال على هالشي
وحده تحلف على انها تيب بضاعه من الهند و تبيعه على 50 اعتقد
قلت في نفسي خلني اشوف هالشي قبل لا اطلبه تلاقيت ويالحرمه
و شفته و انصدمت
هالشي موجود في محلات الهنود و على درهمين الحبه
ابى اعرف ليش جذبت ؟
والقهر اذا يت وحده وقالت حق التاجرة ترى الشي ينباع في الامارات
ترد التاجرة بكلامها اللي حفظته
ليش الحسد وليش الحقد وانتي تبين تخربين عليه تجارتي
عنبو على شو بنحسدج على جذبج
الحمدلله احنا ما علينا قصور عشان نحسدج على كمن ريال تحصلينهم من ورى جذبج

لا حد يزعل من كلامي شي وشفته وحبيت اني اقوله
h
لا حول ولا قوه الا بالله
اللهم اهدي جميع المسلمين
أ
آنه معاكم في كل اللي قلتوه
والحمد لله بالنسبة لأسعار الصواني
اللي أسويها وايد مناسبة
وأحب إن كل وحده خاطرها فيها
تقدر تشتري بسهولة.........
أما عن مسابيحي..
تراها أصلية 100%
وأسعارها غالية
لأن سعرها فيها...
وأنا وضحت لهم أنه كهرم أصلي مب معجون
مع إني قبل ما كنت اعرف الفرق
وممكن أنخدع...
علشان جذي لازم كل وحدة تكون فطينة
وتعرف الأصلي من التقليد ...
@@@@@@@@@@@@@@@@@@@@@@@@@@@@@@
وعلى فكرة...
أنا وايد شفت معروضات غالية
وتنباع في أسواقنا....
وياخذون على البنات سعر غالي...
لا وغير الشحن....
والله حرام...
وأنا أخاف اني أقول إن البضاعة موجودة في الدوحة بسعر أقل
أو نفسها بدون شحن
بس أخاف أقطع رزق حد
....................................................................................................................
والله يهدا الجميع
ل
[grade="008000 008000 008000 32CD32 008000"]كل واحد وأصله وذمته..
الصراحه أستغرب من بعض التاجرات الله يهديهن
تبيع كريم مثلا على البنات وتحلف بالله إنه يسوي جيه
وجيه وأنها جربته مع خواتها وقرايبها عشان جيه باعته
وتحلف بالله وفي الأخير تلاقيها شاريه كريم من الجمعيه
وحاطتنه في علبه وبايعتنه على البنات .....
استغفر الله العظيم هذا واحنا في رمضان ........
يارب يهدينا ويعافينا جميعا [/grade]
:sad:
X