تعالو .....وشوفوا .....مشكله المشاكل والله.....

النصيحة انها تدعي الله و ربي اللي يكتبه فيه الخير ممكن نزعل للحظة و نقول يا رب يا ليت سار كدة و كدة .....بس مع الايام نفهم ربنا ليش ما كتب لنا هذا الشي و ممكن يكون عوضنا بالاحسن او ابتلانا عشان ناخذ اجر بلاخرة

السلام
كلامي ما في زود على الإخت tooota.
_____________________

:) إختج:

انا اقول نفس الشي ابصراحه هي صح بتزعل في البدايه بس خلاص هذي امور الدنيه صح ايش رايك انتي؟؟؟؟؟؟؟؟؟؟؟

مرحباً غصن الرند


انا رأيي تبدأ الموضوع مع الأهل وبالين يمكن كبير من العائلة يقدر يقنع الباقي بس انتي تقولين الأهل ممكن يوافقوا المشكلة اذاً باقي الأقارب
تترك الموضوع للكبار لأن موافقة الأم والأب ةالأخوان بتساعدها على اقناع الباقي من اعمام واخوال ..

يعني لما يطلبها من ابوها ويتناقشون بالموضوع وتتم الموافقة اذا ربك رايد ان الموضوع يتم كل شئ بيتسهل وماراح تكون فيه مشكلة اصلاً ...

لكن لو سمح الله وصارت معارضه اتركي الموضوع على الوالد والوالدة يسعون في حل الخلاف ومحاولة الأقناع ...

وكل شئ نصيب

تتوكل على الله واللي مكتوب بيصير ...

اتمنى ان الله يكتب لهم نصيب ويجمع بينهم ويبارك لهم

هو له فتره بسيطه متخرج من الجامعه....والى الأن ماتوظف يعني ماكون نفسه....يعني مايقدر يجرب ويخطبها.....وهي كل مايخطبها احد ترفضه......ورافضه انها تتزوج غيره تقول..لو ماتزوجته باارضى بنصيبي وماراح اتزوج احد لأني احس اني بأظلم اللي بيتزوجني....ومااحس اني اكون زوجه لغيره....ذا هو ردها لي ...


ها ايش رأيكم !!!!!

ابغى سعوديين او خليجيين يردون لأنهم يمكن يكونون اكثر المام بذا الموضوع....ويعرفون قصص صارت .....

هي بس تبغى تعرف ممكن في امل اولا......

تحياتي للجميع....

من واقع مجتمعنا مايرضون بزوجات مثل كذا ودايماا البنت الي تعاند اهلها وتسوي الي في راسها تندم نصيحه خليها تدعي الله يحطها بالخيره المباركه مافيه مثل الدعاء وبعدين تفكر في وضع اولادها بعد الزوج بيطلعون خضيريه يعني مو من مستوى خوالهم وكل زواج لواحد من اولادها بيصير فيه مشاكل الا مافيه احسن من الي تاخذ من نفس اصلها

بس ليش نستمر على الخطأ ذي عادات جاهليه ليش نتمسك فيها .....ليش ندعي اننا مسلمين وملتزمين بإسلامنا واحنا ابسط مبادئ الاسلام المساواة....مانتقيد فيه ....الرسول عليه الصلاة والسلام زوج زينب بنت جحش وهي قرشيه زوجها زيد بن الحارثه وهو مولى وعبد.....وكرهت ذلك الشئ زينب ولكن الرسول اراد ان يثبت بفعلته هذه ان المسلمون سواء وافضلهم عند الله اتقاهم ....


ابغى نتاقش بذا الموضوع من باقي الاعضاء عشان نضع له حل....


تحياتي لك....
غصن الرند

السلام عليكم ورحمة الله وبركاته
مرحبا اختي غصن الرند انا وحده اشكي من نفس المشكله وانا مخليتها على الله سبحانه وتعالى وانشاء الله يكتب لي نصيب مع الانسان الي احبه ويرزقنا بالذريه الصالحه ويوفقنا اللهم آآآآآآآآآآآآآآآآآآآمين فاتمنا تدعون لي انا وجميع من تمر بنفس مشكلتي
اختكم المحبه لكم :
ام سعود

اذا ماتزوجتيه!!!ايش بتسوين تتزوجين غيره !!!!هو اكيد مع الزمن لو عمره 60 بياخذ بنت 18اما انت لا ......تدرين هي مشكله عادات جاهليه حقيره بس ماادري كيف نحلها.....

تحياتي لك

السلام اختي الغاليه غصن الرند
بصراحه اكذب عليج اذا بقول لج اني راح اخذ غيره لاني بصراحه احبه حيييييييييييييييييييييييييييييل وبصراحه ماودي اخذ واحد اظلمه معي بعدم حبي له بس ماقول الا حسبي الله ونعم الوكيل على هالعادات الخايسه
اتمنى من الله ان ينصرنا على هذي العادات الي كانها عدوه لكل وحده مثلنا
مع خالص تحياتي واماني بالتوفيق للجميع:
ام سعود

يالله انتم حطيتوا ايدكم على الجرح

انا وحدة من الفتيات اللي عانيت هالمشكلة لاني قبيليه وهو مو قبيلي
والوالد ماكان رافض لكن اقاربه رفضوا قامت الدنيا علي وعلى والدي
لان هالعادة الحقيرة هي السبب ..عندهم ان الشخص يتزوج رقاصه ولا يتزوج خضيريه!! الشخص كان خضيري وانا قبيليه (والله ما ادري على اي اساس يحكمون عالانسان) والله سبحانه يقول( وجعلناكم شعوبا وقبائل لتعارفوا) وقول الرسول عليه السلام( لافرق بين عربي على اعجمي الا بالتقوى) لكن هالناس جعلوا التقاليد والعادات هي الشريعه
المهم انو كل شي تفركش بس بصراحه انا زعلت فترة وبعدين هديت لانو قلت خيرة ويمكن الله كاتب لي السعادة مع شخص ثاني ويمكن كنت ما راح اكون سعيدة معاه ونسيت والحمد لله وماادري يمكن اكون سعيدة مع شخص قبيلي او من نفس القبيله..
عشان كذا انصحها لاني مجربه انو ما تعلق نفسها فيه وحتى لو كانت تحبه
عشان ماتتعب بعدين وتتعقد من الزواج بغيره
لكن غايتي من كلامي بالبدايه انو ما يجوز يفرقوا بين الناس على اساس القبيله لان افضل شخص هو التقي..

عروس البحر .....

يعني افهم من كلامك انه مررررره مافي امل ...هي دايم تقولي ان ابوها ممكن يرضى المشكله من الأقارب....

ادري يالغاليه انه نصيب وخير للوحده ....بس ذا شئ خطأ وعاده جاهليه يعني لوانت سكتي وهي سكتت ماراح نلقى حل......

ممكن سؤال .....وهل انت الأن متزوجه قبيلي!!!!!

تحياتي لك

صغيراتي رويدكم رويدكم على ارواحكم البريئة لماذا هذه القسوة على العادات التي لم توافق هواكنَّ ......
تمهلنَّ قليلاً وانظرنً بعد الزواج بستة اشهر .... ماهو شعوركِ وانتِ منبوذه من اهلكِ ... او الامباله بكِ من قبل اهله لانه حاسين انك شايفة حالك ومغرورة ومتكبرة لانك اصل ... او هو شخص غير محبب الى أخوانك او اعمامك طبعاً .. راح يطلقك بعد سنه اذا صبر لانه سيشتكي من اخوك الكبير الصارم بنظراته الى هو يراها احتقار له لانه خضيري وانتِ تصبريه طبعاً او انك تقولين لا اخوي ما يقصد وتسير خناقه من ثاني يوم ...الاسبوع الاول يجيء يشتكي من اخوك الصغير سليط اللسان وكلامة جرحة وسط الرجال عشان هو خضيري وتبدأ المشكلة من جديد وتنامين وانتِ زعلانه ...
وبعد كم شهر صادف خالك وصار نفس الموقف وبعد سنه لقي ولد عمك في احد المناسبات وهم بعد صارله موقف محرج ...... هل يترى بتمشين معاه وسط الرجال وكل ما دقه واحد بهرجة دافعتي عنه .....
السالفة ليست سالفة دين واخلاق وانسان قمة في الدين والالتزام ..
ولكن انتنَّ تدافعنَّ عن هواكُنَّ ... فلا تحرجنَّ انفُسكُنَّ وسط اقاربكُنَّ ولا تتسبباً لجرح كرامة رجال صانوا كرامتهم وسط اقاربهن ..
هذا الحب غير شرعي وهذا الزواج غير متكأفئي اسمعوا نصيحة ام تحب بناتها ليس لها اي ضرر من زواجكن ولكن سداً لما سيحصل غداً ,,,
ستدخلون مشاكل لاحصر لها ,, مع اهل هذا الذي ليس من قبيلتكِ وان كنتي انت خضيرية ستواجهين نفس المشاكل مع اهله واخرتها هذا الانسان الاليف سيصبح متوحش من كثر المشاكل واحساسه انك احسن وافضل منه في الحسب والنسب وتهربين منه الى اهلك واقربائكِ .. فالتكافؤ مطلوب في جميع الامور راجعي نفسك عزيزتي وادعي الله سبحانه وتعالى ان يسخر لكِ الزوج الذي يختارة المولى عز وجل , ونعم الاختيار , ولكن لاتحاربي وتخسري نفسك واهلك بشيء انتِ تقدريه وتختارية ... استعينوا بالصبر والصلاة .... الدعاء في جوف الليل بالرجل الطيب الصالح الذي تتمنين فيه جميع الصفات التي تحبينها واتركِ امر العشق المحرم والهوى وليد المعصية بارك الله لي ولكم بالقران العظيم فهو شفاء لكل عله وسقم استعينوا به على الهوى والحب الذي يجلب الخراب بينكم وبين اهاليكم ... حفظكم الله ورعاكم واصلح لكم نيايتكم ...

انا والله عجبني ويمكن اقنعني كلام
الاخت الام الحنون.. لانو ببالفعل سمعت ناس
صار لهم كذا ..وماتدرين عن الدنيا اختي:(

اما بالنسبة لسؤالك ..

لساتني صغيرة:o توني ما تزوجت بس الشي الاكيد
انو راح اتزوج من قبيلي لان مثل ما حكيت لك قبل

الف شكر

عليها بالدعاء

امي الحنون ......اشكرك على مرورك ....

عروس البحر.....اشكرك على التواصل ....

بس تدرون مااقتنعت باللي تقولونه ......والاختلاف بالرأي لايفسد للود قضيه .....يعني الناس هم اللي بيحكمونا وكلامهم عنا ......الرسول صلى الله عليه وسلم جاء بمجتمع جاهل وامي وفيه كل المفاسد .....واحنا عااااااده حقيره حتى الدين يرفضها ......تنتجنب حتى الكلام فيها...

كل شئ بدايته صعبه ......لكن مع الوقت يصير عادي .....

بس انتم ادعوا لنا بالتوفيق.....

تحياتي لكم.....

اهلين فيكم بنات ....

انا هذا الموضوع طارحته من زماااااااااان لكن احس انه مااخذ حقه في النقاش.....

ياليت تفتحون باب النقاش ونحاول نلقى له حل .....

لأن احس المجتمع تغير والناس تغيرت افكارهم ....واللي سامعه اوعاشت تجربه مماثله تحاول تفيدنا......

الله يخليكم لاتفشلوني مع صديقتي ....انا امدح لها فيكم واقول انشاء الله تلقين الحل عندهم.......


مع العلم ان في تطور فالقصه وهو ان الشاب صار جاهز الحين للزواج ..... ها ايش رأيكم كيف يجي يخطبها وكيف تقنع اهلها!!!!!


لاتفشلوني


تحياتي للجميع

أختي العزيزة غصن الرند...


للأسف أنا لا أفهم في هذه العادات و ما معنى خضيري و قبيلي و ما الفرق بينهما...


يا ريت لو تشرحيلي شوية الموضوع...علشان بس أعرف أستوعب المشكلة...


و أكون شاكرة لك....



تحياتي...

مرحبا أختي غصن الرند ,,,
مشكلة صديقتك مشكلة صعبة جدا بصراحه وأنا راح أحكيلك تجربة يمكن تفيدك
أنا قريبه لي قبيلية أحبت ( خضيري ) وما قالت حق أحد غيري لانها تثق فيني مره
الولد يصير أخو صديقة قريبتي ,,
طبعا أنا لما عرفت أنه خضيري قلت له مستحيل أهلك يوافقون علية يعني إقطعي الموضوع
من البداية لانك راح تتعذبين لما تتعلقين فية وتحسين إنك مالك نصيب فية
طبعا عاطفتها كانت أقوى منها ولا سمعت النصيحة واستمر حبهم لمدة 8 سنوات حب قوي
قوي علما ان قريبتي جامعية وهو نفس الشي طبعا تقدم لها وجو أهلة أم قريبتي رحبت فيهم
على أساس انهم ضيوف في بيتها بس لما عرفت انهم جايين عشان يتقدمون انصدمت صدمة
كبيرة علما ان أهل الولد كانو جايين يخطبون بناء على رغبة ولدهم و إصراره لأنهم عارفين أن
ما في أمل يوافقون طبعا ردت أم قريبتي عليهم با حترام وقالت لهم البنت شورها عند أبوها
جات الطامة الكبرى لما فاتحت الأم الأب طبعا الأب جلس يضحك وقال انتي تمزحين ؟؟
هذولي ما سألو عنا ؟؟!!
طبعا بدت رحلة العذاب حاول الولد يكلم أخو قريبتي وطبعا قوبل بالرفض لما المسأله زادت
عن حدها بدت أم قريبتي تشك وبعد فترة عرفت إن بنتها لها علاقة بالولد راحت الأم حق بيت أهل الولد
وقالت لهم أحنا بنات قبايل وخلي ولدكم ياخذ من ثوبكم وقالت لهم أحنا ماهوب أحسن منكم ولا انتم أحسن منا
يمكن انتو أحسن منا عند الله وأحنا ما نزكي على الله أحد ولدكم له نصيبة وبنتنا لها نصيبها ,,
طبعا قريبتي عاشت في صراع مع أهلها و نفس الشي الولد عاش صراع مع أمة وأبوه وصارت مشاكل مالها أول ولا تالي ,,
قريبتي بعد حب أكثر من 8 سنوات خلاص بدت تفقد الأمل لانها حست نفسها قدام مشكلة كبيرة لانها مو مشكلة فرد مشكلة مجتمع كامل وهي لحالها ماتقدر تجدف ضد الطوفان
وصدقيني يااختي الزواج لازم يكون نسبة وتناسب أنا معك أن الولد ممتاز وفية كل المميزات لكن مجتمع الولد
وعاداتهم غير عن التقاليد الي تربيتي عليها وحتى لو قلتي أنا ماراح أحتك فيهم وراح أعيش مع زوجي بعيد عن أهلة مستحيل لأنك في يوم من الأيام بتعاشيرنهم إنتي فكري في أولادك يااختي يعني لا تصيرين أنانيه وتفكرين بنفسك بس
وربك قال وخلقناكم قبائل وشعوبا ...
صديقتك في عيونها حبيبها كامل وما فية إي عيوب والعادات والتقاليد هي اللي فرقت بينهم بس صدقيني في النهاية ما يصح إلا الصحيح
وانصحي صديقتك إنها ما تحاول لانها راح تتعذب والله العظيم وراح تفتح باب ما يتسكر راح تثير الشكوك في نفس أهلها ويفقدون الثقة فيها ,,,
اعذريني للإطالة وأخيرا نسيت أقولك أن قريبتي اللي حبت الخضيري تزوجت الحين واحد قبيلي يحبها ويموت فيها وهي نفس الشي وجابت بنوته وصار حبها القديم ذكرى من ذكريات الماضي ,,
الله يعين صديقتك على ما بلاها ,,