لحقووووووووووووووني

السلام عليكم ورحمة الله وبركاته



عزيزتي الله يهديج تدرين ان الصبغه والا الحنى السوداء صعب انج تتخلصين منها.. وحتى ان مرو اكثر عن 5 اشهر!؟ وانتي الله يهديج تبغين حل بعد ما صبغتيه بفتره قصيره!؟

ما ابغي احبطج بس عزيزتي هذا هو الواقع..

ونصيحتي لا تغسلين شعرج في اليوم الواحد اكثر عن مره.. لان الفروه تفرز زيوت مهمه للشعر وانتي تقضين على هالزيوت المفيده..

الحين انصحج بعنايه فائقه للشعر..
1- استخدمي زيت معين الي ترتاحيله كل 4 ايام مره.. لان الزيت بيسهل على نزول الصبغه مع الاستمراريه.. ويساعد على نموه بسرعه.. هني بيقوي البصيلات وتقدرين تصبغين بعد فتره طويله..

2- حمام زيت اسبوعيا..

حالتج شرات حالتي حنيت شعري اسود وبعد 7-8 اشهر ورحت الصالون علشان اصبغ عند وحده خبيره.. احبطتني لما قالت لي شعرج انعدم وهذا وانا محافظه عليه.. وعقب قالت مش اي صبغه تقدرين تصبغينه الشعر وسوت لي هايلايت لان اللون الاسود ما يطلع الوان ثانيه بسهوله لانه يغمق الشعر..

وحتى بتلاحظين ان كلما تغسلين الشعر ينزل اللون وفي كل مره بعد..

الغاليه ام اسعيده مشكوووووووووووره على ردج
بس حبيبتي مكتوب على الكرتونه انه يثبت بس شهر والله انج نزلتي من معنوياتي
ام سعيده انت عرفتي الحنه اللي انا اقصدها ؟ الكرتونه فيها خمس اكياس صغار ويوم اعجنهم يستوون مثل الماي يعني بس لون مو مثل عجينه الحنه وتدرين بعد انها نشفت شعري اكثر ماهو ناشف ياريت اتساعديني
وعندي طلب ثاني ماعليج امر ممكن تعطيني خلطه عجيبه رهيبه من خلطاتج الحلوه ايطول الشعر بصراحه انا شعري صعب انه ايطول وحده لين الكتف وخااااااااااااااااطري على الاقل ايطول لين نص ظهري بس مب طماعه
وبسألج شو رايج بخلطة زيت العافيه بالحلبه تنفع؟
ادري الغاليه ثقلت عليج بسألتي بس استحمليني وانت اخت عزيزه وغاليه
وانشاءالله تولدين بالسلامه

اختج ااالوله

[glow=CC0066]السلام عليكم ورحمة الله وبركاته[/glow]



عزيزتي والله ما بغيت احبطج.. ما حبيت الف وادور واجذب عليج.. ترا كل انواع الحنى وخاصة السودى اتجفف الشعر.. بس بدرجات يعتمد على نوعية الشعر نفسه..

ما اعرف عن النوعيه الي تتكلمين عنها ما اعتقد اني جربتها؟ بس طرقها واحد..

اتمنى تزورين الروابط وبتفيدج اكثر عن كيفية المحافظه على الشعر لتطويله وتغزيره طبقيهن كلهن.. وكلهن عن تجربه..

زيت الخروع والشمس

سر غلاظت الشعر

حمام الزيت

وعن زيت العافيه والحلبه ما جد جربته حبيبتي بس ان شاء الله هالروابط بتفيدج عن المجربات وتقدرين تسالين الأخت عذباء لان هي يالسه اتجربه بعد..

الحلبه وزيت العافيه

الحلبه

وشكرا..