اللي تعرف وصفات للنفاس

احنا نعمل العصيده والساقو الجلاب يكون طعمه شويه فيه حراره من الفلفل الاسود على ما اعتقد والله جدتي اهي الي تسويلي ها الاشياء وامي بعد

العصيده
وكمان البغات (وصفه مصريه )لادرار اللبن بكثره
المفتقه للبن
والمرق للبن
الحليب بالزنجبيل للمغص

[grade="00008B FF6347 008000 4B0082"]الحمد لله علي سلامتك
للمساعدة على النقص من نزيف الرحم اخلطي شوية تمر مع زيت زيتون وسخنيهما على النار مع دعكهما وبالهناء والشفاء[/grade]

احنا بالبحرين نسوي

الرشاد و العصيدة والحسو

اذا تبين الطريقه انا حاضره لج

[

انا راح اقلك الطريقة الي كانت امي تعلمها لاخواتي في نفاسهم

كانت تاخذ كمية من الرشاد وتغليه مع الحليب الكامل الدسم جيدا ثم تزيله من على النار وتضيف له 2 ملاعق كبيرة عسل طبيعي و بيضة بلدية او اثنتين حسب كمية الحليب وهو ساخن طبعا وتخلط جيدا جيدا وتشربو النفساء وهو ساخن " يوميا وقبل الافطار بحوالي ساعة طيلة الاربعين يوما. و وتستعمل خلطة من الاعشاب تسمى عندنا باسم " راس الحانوت " تتكون من اكثر من 100 عشبة . وتتبل ويطهي بها الاكل المقدم للنفساء لمدة 10 ايام الاولى . والله ما يجي عليها الاربعين الا وتكون استعادت عافيتها بالتمام والكمال. اتمنى اكون افدتك

مرحبا... في البداية الحمدلله على سلامة كل والدة ومبروك ما يابت ....
بخصوص الاكل..
انصحج تآكلين اكل صحي وما تكثرين مثل ما يقولن امهاتنا كلن وايد عشان يقوا عظمكن وسوااااالف....
المهم .... عالريوق حلو تشربين حليب دافي مخلوط وياه تمر (سح) في الخلاط بدون سكر طبعا لان التمر حلو..وخبز مال البيت في الفرن تآكلينه ويا زيت سمسم وعسل أصلي تغمسينه يعني....والعصيده بعد وااايد زينه.
عندج الغدا والعشا ...لاتكثرين في اللحم مره في الاسبوع او مرتين كفايه جدا.. السمج وايد اوكي وعندج مرق الدجاج او اللحم ويا العيش او الخبز البيتي...السلطه ...الشوربات بأنواعها...
العصر شربي عصاير طازجه وشوي سويت زين يعطيج نشاط..
ولادرار الحليب... عندج الرهش ( الطحينية ) صح تمتن بس اوكي لليابسات...هههههه
الحلبة بعد اوكي لو ما تعرفين طريقة عملها بقولج؟؟
زيت الحلبة تلاقينه عند العطار .. ملعقه مع الحليب
بخصوص النظافه ..
تسبحي في اليوم مره ولو اكثر لازم يمون المكان دافئ لأن اذا تعرضت النفاس للهوا وااايد خطير عليها انا كنت اتسبح في اليوم ثلاث مرات وياتني حمى النفاس وواااايد تعبت وقالتلي الدكتوره لازم ما اتعرض للهوا واتم في مكان دافي قدر المستطاع..
لبسي ملابس واسعه ومريحه والوانها مريحه نفسيا ...
تدهنين جسمج بزيت الزيتون وياه ليمون في الليل وشعرج بعد تحطينله الزيت المناسب..
وكل اسبوع سويلج حمام مغربي لو تعرفين في البيت...
قربة الماي الحار اللي تحطين داخلها ماي حار وتحطينها على بطنج عشان الدم الفاسد يطلع..
تحاميل لتنظيف المنطقه من الافرازات والدم الفاسد بعد الاربعين
شووووووو بعد؟؟؟!! هذا اللي اذكره حاليا انشاء الله اكون افدتج باللي تبينه....

حبيبتي اهم شي الصبح التمر بالحليب وبعدين (السخينه) وهي عباره عن حلبه بالعسل الاسود والخبز المحمص بالسمن وتاني شي (المغات) وهو مسروب ساخن يباع عند العطار رائع جدا وكل تل ذلك يفيد على ادرار اللبن ولاتنسي الحلاوه الطحينيه