هذه وصفة رائعة أخذتها للأمانة من الأخت المبدعة أم شـــوق جزاها الله كل خير مع تغيرات بسيطة جدااا مني
لو تشوفون كيف عجبت أهلي وقضوا عليها ما شاء الله بسرررررررعة :shy:
وطريقتها سهلللللللللللللة وشكلها يجنن
بالأول جيبي صمون وقطعيه لأربع قطعات وصفيه بالصينية ( خليه واقف )
وبعدين ابدي فرغي محتوى كل قطعة بس بدون ما توصلين للقاع
يعني تخلينها مثل الكاس المفرغ
وللتوضيح هذي صورة أم شوق
وبعدين احشيها بحشوة الدجاج الشهية :
وطريقتها كالتالي /
هاتي دجاجة ونظيفها واسلقيها في ماء وملح وشوية بهار وكم حبة هيل وعود قرفة وشوية كركم
حتى نتخلص من الزفرة
وبعدين صفيها من الماء ونتفي الدجاج إلى قطع صغيرة
وبعدين على النار احمسي شوية بصل ولما يحمر أضيفي عليه الدجاج
وتبيلها بالبهارات المفضلة عندك + نصف حبة ماجي وبعدين أضيفي عليه جزرة كبيرة مبشورة + نصف حبة فلفل رومي مقطع شرائح صغار
ألحين طفي النار وأضيفي على الحشوة
ملعقتين طعام مايونيز + ملعقتين طعام جبن كرافت السائل
واحشيها بداخل حبات الصمون
ثم رشي على الوجه وأغلقيه بجبن موزيريلا مبشور بهذا الشكل
هنا صورة مقربة أكثر حتى أجوعكم >>> متعمدة ههههههههههههه
وبعدين دخليها الفرن وشغلي عليها من فووووووووووق بس حتى يتحمر الجبن ويسيح
وهذا شكلها لما طلعتها
وهنا مقربة أكثر للتجويع أكثر وأكثر خخخخخخخخخخخخخ
وقدميها وألف صحة وعاااااااافية يا رب :)
أيام قلائل قد تبقت من الشهر الفضيل
لنستغلها بالدعاء والصلاة والقرآن والقيام ..
ولا تحرموا أختكم في الله من صالح دعائكم ..
