محتارة؟!؟

اختي ماسه
احس بشعورك والله يعينك
اول شي يا عمري صلي استخاره
واذا كان في فرصه ممكن تكلمين الريال وتشرحين له اسبابك وتفهمينه انك الحمدلله متحجبه وملتزمه وانشالله بتكونين غير متبرجه وما بتحطين مكياج مبالغ فيه اللي يلفت النظر فما في داعي لسالفة النقاب وانشالله كل شي بالتفاهم يصير بس لا تضغطين على نفسك
والله ييسر لك يا رب
وبشرينا

والله بصراحه مادري شاقولج

بس باقولج سالفتي

انا تقدم لي زوجي وكنت انسانه موظفه ((على فكره موظفه معاه في نفس الدوام)) وكنت انسانه المكياج ما يطيح من ويهي وبناطلين وكاشفه وحريه لابعد الحدود

ويوم تقدم لي قالي ما بغيج تحطين مكياج حق الدوام ولا تلبسين بناطلين قلت اوكي (( يعني باخذه بالسياسه )) تزوجنا اوكي قمت احط مكياج خفيف اذا باروح الدوام شوي شوي قام يقول لي بس كريم اساس بدون ماي يعني بودره وكحل بدون روج تخيلي انزين ويوم نطلع برع ذكرني بالنقاب مني مناك مافي قمت البس النقاب حق السوق والمجمعات بس شنو خليت النقاب كشخه يعني مالبس اي نقاب البس عين الصقر والا الثاني اللي بدون طرحه شنو يطلع رزه قام كله يبي يطلعني

حملت بعد الزواج بشهر ونص ولاعت جبدي كل ارجع ولوعه لمدة 5 شهور وبعدين خلاص صرت مابي اتنقب علشان الكتمه وصرت ماداني المكياج انزين ولدت بالسلامه ورجعت الدوام ما قمت احط مكياج صارت بشرتي زبده تجنن وقلت خلني على طبيعتي احسن >>>> واثقه من نفسها

بس بعدين قلت ليش مالبس النقاب حق الشغل بعد هو كان عادي بس يبغيني البسه برع وقمت وفاجأته ذاك اليوم ولبست النقاب حق الشغل شنو استانس وطار طار طار من الاناسه والله ماتتصورين شلون اذا رضى الزوج شلون يصير كل شيء يتيسر لج والحمدلله مافي مشاكل بينج وبين الزوج الحمدلله وبس وانا الحين باكمل السنه وانا لابسه النقاب في الشغل وكل يوم شيله كشخه وساعه وشنطه اكشخ من النقاب

ملاحظه:

بتحصلين انتقادات وكلام من ربعج وتعليقات ولا اهلج بس عادي تقبليها بروح رياضيه وقولي اهم شيء ريلي راضي علي مثل امي وابوي لين رضوا علي

بس والله اتمنى قصتي تكون افادتج وخلتج تقتنعين

يت على النقاب يا حلوه

يعني نحن المنقبات ما نكشخ ؟؟؟ شو قصدكم
رتانا زعلنا

يعني نحن مب حلوات و لا نكشخ لرياييلنا
بعدين يالغاليه الكشخه للزوج ما تكون لما تطلعون تكون في البيت

انتي لو كشختي وياه يوم بتطلعون بيقول هاي تكشخ للناس مب لي

ادري بتقولين لا بس انا ابغي الناس يقولون شوفوا زوجة فلان كاشخه بس رياييلنا ما يرضون و لا يهمهم هالكلام

دامج انتي حلوه في عيونه ما يهمه كلام الناس
باريح له انج تتنقبين و يشوف جمالج في البيت مب برع البيت


و انا رايي من راي البنات

اذا ما فيه عيب لا تردينه بسبب النقاب لانه ما تدرين الله شو كاتبلج يمكن ما يتقدم لج حد غيره و تندمين


استخيري و الله يوفقج

بصراحه
انا استانس اذا خطيبي طلب مني هالطلب

هذا معناه انه حريص عليي ويحبني

سحايب دبي:
يت على النقاب يا حلوه

يعني نحن المنقبات ما نكشخ ؟؟؟ شو قصدكم
رتانا زعلنا

يعني نحن مب حلوات و لا نكشخ لرياييلنا
بعدين يالغاليه الكشخه للزوج ما تكون لما تطلعون تكون في البيت

انتي لو كشختي وياه يوم بتطلعون بيقول هاي تكشخ للناس مب لي

ادري بتقولين لا بس انا ابغي الناس يقولون شوفوا زوجة فلان كاشخه بس رياييلنا ما يرضون و لا يهمهم هالكلام

دامج انتي حلوه في عيونه ما يهمه كلام الناس
باريح له انج تتنقبين و يشوف جمالج في البيت مب برع البيت


و انا رايي من راي البنات

اذا ما فيه عيب لا تردينه بسبب النقاب لانه ما تدرين الله شو كاتبلج يمكن ما يتقدم لج حد غيره و تندمين


استخيري و الله يوفقج

العفو الغالية انا ما اقصد ان المنقبات ما يكشخن بس قصدي ان الحين كل من هب ودب لبس النقاب يعني والله مرات اشوف جنسيات اسيويه ولابسين النقاب

وانا احس ان شباب ها الايام ما يامرون الحرمة تلبس النقاب من باب الدين بس من باب انه ما يبا ربعه يشوفون حرمته

بس مثل ما قلتي مدام ما فيه عيب ما ينرد بسبب النقاب

ويزاج الله خير عا النصيحه

مدام خلوق ما يتعب توكلي على الله.....

لا تفوتين الفرصه من ايدج...ممكن باجر ايج واحد يقولج عادي لا تتنقبين وعادي اشتغلي بس ما يكون زين

شوفي وايد راييل لما ايون يخطبون يوافقون على شروط البنيه يقولها عادي اشتغلي عادي لا
000000تتنقبين بس بعد العرس يغير رايه

بس هو كان صريح من البدايه هذا دلاله على اخلاقه الطيبه

في نهايه لا تنسين صلاه استخاره ما خاب من استخار الله

ربي يسهل امورج