بنات البحرين ... التمليس ساعدوني.....

اختي انا مااعرف صالونات للتمليس بس انصحج لاتسوينه
لان خصوصا تقولين شعرج ناعم بس سشوار يكفيه وحتى لو من ورا يكش سشوار احس كافي
لانا لشعر يعدم الشعر والله عددددددددددددل وبتندمين اذا سويتيه وهو خاص للشعور الخشنة جدا جدا جدا

واعرف وحدة سوته طاح نص شعرها وصار خفيف واخس من اول وانتي حرة

ماهان علي ماارد عليج بنت ديرتي

مشكورة حبيبتي على الرد

انزين انا بصراحة وايد اتملل اسوي سشوار من جديه ابغي املسه

انزين عيل يصلح لي الريلاكس لو لا

الاهل قالوا لي لا تملسين بيخترب وانت شعرج حلو بس شاسوي متمللة ابيه يصير ناعم على طول بدون نتعب

حمدي ربج خيو ان شعرج ناعم بس يكش

شيقولون اللي شعرهم ع طول كشه

نصيحتي لاتسوين تمليس مامنه فايده وبتتحسفين عدل عقب اذا طلعلج شعر يديد

اختي عندش التملبس المائي خاص بالشعر الناعم

بصراحة خواتي

خليتوني اهون بس ما باملسه

احسن شي اسوي قصير علشان يسشور بسرعة

حبيبتي في شي اسمه العفص اهو عباره عن فرد الشعر باحنا والاعشاب بنت خالتي جربته و وايد مرتاحه منه وسعره 13 دينار في وحده في محرق تسويه وعندي رقمها اذا تبينه ويمكن انج تستفسرين منها اكثر
وانا بالخدمه

اي اختي
طرشيلي رقمها

لأن انا من المحرق

في انتظارج

اختي وينج ؟؟؟

جيكي اختي الخاص وصلج؟؟؟؟؟؟

مشكوووووورة حبيبتي
ما قصرتي يا بنت ديرتي

العف حبيبتي
وسلامي لج يالغلا

ودي اسووووويه بس اخاااااااااااف

سمعو يا اخواتي العزيزات مافي شي اسمه تلميس بالأعشاب كل التمليس تمليس بعني كله مواد كيماوية
واللي عندها فلوس تروح اتسوي اليوكو في الرجنسي يبدأ من 200 دينار للشعر القصير لي تحت الأذن

او اليوقو هذا بعد ممتاز بس ها لازم تختارون الشخص الصح عشان اتسويه ولا بعدين ترا ماينفع البكاء على الماء المسكوب <<=== يبا الفيت مثقفه

عندي اخت شعرها مكسسسسر وايد يعني كيرلي وايد فمدحو لنا صالون من قبل 3 سنوات في منطقة الخميس ورحنا سووا لها اب 110 بس بصراحه كان كأنه تمليس عادي مافي شي يفرق

والحين قبل العيد مدحو وحدة فنانه في التمليس (اليوقو) فرحنا وودينا اختي بصراحه كانت مهتمه وايد بشغلها وكل دقيقه اتشك شعرها تقريبا واقفة على راسها المهم ان النتيجه كانت اقسم بالله العضيم رووعه صارت تتسبح وتفله عادي واذا تبي تكشخ سشورته صار نفس شعر التايلنديات
سوته لها 80 دينار عشان يبتدي من 50 عندها

وييييييين يسوونه في السعوديه تحديدا الريااض تكفوون ردووووووووووووووووو

حبيباتي ياما من الريلاكس واليوكو واحترقت شعور...الروحة والجية على اليد العاملة اللي بتسويه ما تنفع جودة المادة بدون ايدي خبيرة .. تعرف الزبونة من شعرها كم تحتاج من المواد عند خلطها..وكم تحتاج المادة من الوقت على شعرها علشاان ما يحترق ولا تصير في مضاعفات.. تساقط وتلف ودمار للشعر..وصدقوني الشعرة اللي تتلف وتطيح من اي مادة تمليس صعبة ترجع..لأن جذرها في الاغلب يكون احترق..

اللي تسأل عن اليوكو في السعودية
كان فيه موضوع كامل عنه بأرقام الصوالين
وحبيبتي الفرد يتم فرد احسه ادمان
الطبيعة افضل
الله يسهل اموركم

عزيزتي جوجو الاموره في وحده بالرياض اتسوي تمليس اقسم بالله مره خطير انا اجيها من جده تمليس طبيعي بس مااعرف الماده لانه طبيعي ..وذا الصيف مارحت الرياض اللحين باروح املس الجذور لان الاطراف يتم مفرود.اذا تبين اناتحت امرك

بحرينيه كوول كوول:
حبيبتي في شي اسمه العفص اهو عباره عن فرد الشعر باحنا والاعشاب بنت خالتي جربته و وايد مرتاحه منه وسعره 13 دينار في وحده في محرق تسويه وعندي رقمها اذا تبينه ويمكن انج تستفسرين منها اكثر
وانا بالخدمه

اختي مثل ماقالت اختي بحرينية
انا شفت وحده مسوية شعرها بالاعشاب وااااااااااااااااااايد روعه ،،
خذت رقمة من الوسيط اسمها ام ابراهيم ،،

وسوت شعرها ب13 دينار ،،
وهو يعطيج لون اسود وفي نفس الوقت مافي كيماويات ويطول الشعر ويشيل التقصف اللي في الشعر ،، ويحافظ على الشعر ،،،

الصراحه انصحج فيه احسن من الكيمايويات اللي تحرق الشعر ،، وتتعبه ،،

انا من الخبر واقدر اروح البحرين وين تمدحون اسوي شعري

مع العلم ان شعري خشن بس خفيف ابي شي مره ينعمه لاني اول مااسويه بالاستشوار اوكي بعدين يكش مرررررره

خصوص من قدام

ياليت الي تعرف تدلني بس على شس مضمون وكويس ياليييييييييييت
لي لها جزيل الشكر بنات البحرين والخبر

بس ابي اسوي شي مايبين اني مسويه
يعني انا اشوف بعض البنات اذا سوو يضل واقف باين انها مسويي ويجيك مررررره بااااين ابي شي يخليه طبيعي

قريت عن العفص وسمعت كثير يمدحونه بس وربي سويته وماقدرت احطه عشان الحنه
مره اكره الحنه مااقدر احطها لاني اقرف منها وامرض
يعني شي بدون الحنا وشكككككرن