حبيت انقل لكم تجربه من تجرباتي الرومانسيه مع خطيبي .. يوم رجع من السفر بسلامته
سبق وذكرنا ان خطيبي ماله قعده الا في الميلس:cool2:
يله .. بسم الله
اول شي بقولكم عن الاشياء اللي استخدمتها..في التنسيق
مجوعه من ريش الطاوس
قطع من القماش الشيفون بتدراجات لون ريش الطاوس(( اخضر +فيروزي+ بنفسجي وخلطت معاه اللون الزيتي والاحمر))>> ما يكلف ربع متر من كل لون بس
جبت 8 الشموع مع قواعدهم وكانت مختلفه في الالوان والحجم(( كل شمعتين نفس الشي))
وحطيتهم في اطراف الميلس(( كل شمعتين في طرف))
نثرت بتلات الورد الاحمر والقرنفل البنفسجي وبعض من رؤوس ريش الطاوس على الارض واكثر شي على مدخل الميلس
القرنفل البنفسجي
عطرت الميلس .. وضويت شمعه الفواحه بعد ما صبيت عليها زيت عطري من بودي شوب
وكان العطر بريحه الفواكه .. وكانت ريحه الانتعاش تارسه الميلس
شغلت المكيفات طفيت الاضاءه وسكرت الباب وبديت اشتغل على الشيفونات اللي عندي
جبت لولو ملون(( صناعي طبعا))
:gum:
ولصقته على الشيفونات
رجعت الميلس والا الجو ممتع ورمانسي جدا
رميت كل قطعه من الشيفونات على جزء من طرف كرسي من كراسي الجلوس.. الا اللون الزيتي
خليتها حق طاوله الطعام
انتهينهنا من التنسيق(( اللي بديت فيه قبل موعد الزياره بأربع ساعات))
ننتقل للمطبخ..
فكرت له بقبقه خفيفه(( سحور ))
وسويت له سندويشات صغيره (دجاج بالمايونيز وسندويشات جبن بالزيتون)+ سلطه فتوش ومحلبيه
وحطيت له عصيره المفضل في كاس شفاف ساده ، لصقت عليه من ((الخارج طبعا)) ريشتين طاووس وفي كاسي نفس الشي
وباقه الورد اللي وسط طاوله الطعام كانت ورد احمر مع قرنفل بنفسجي ومجوعه من ريش الطاووس بين هالورد
خلصت من تجهيز السحور واستلمت نفسي
اول شي سبحت وتعطرت
وبديت اتمكيج حطيت مكياج برونزي وزيتي واشوي من الشادو الاحمر.. بس بودره الاساس بدل ما استخدم ماي عادي فيها استخدمت ماي الزهر
.. وكان ريحه وجهي تجنن طول الجلسه:shy:
رفعت شعري بتسريحه بسيطه وغرست ريشتين الطاووس على جنبين التسريحه .. حتى حلقي لزقت فيه اطراف من رؤوس ريش الطاووس ولبسي كان لونه مقارب جدا للون ريش الطاووس
قبل ما يجي موعد جيه شيخ الشباب كتبت له هالمسج
السلام عليكم .. انا قلب زوجتك حبيبتك .. تسلم عليك وايد وتقولك ان هي مشتاقه لك
وتنتظرك على نار
على فكره مب بس هي اللي تحبك ومشتاقه لك حتى انا وعيونها بعد تموووت عليك
(( اللهم اني بلغت))
وربي يحميه .. وصل من عقب ما دزيت المسج بعشر دقايق يعني جا قبل الوقت
وتم زياده عن الوقت اللي المفروض يطلع .. وااايد اعجبته وانبسط على الحركه:yes: :yes:
واتمنى من الله للجميع التوفيق والسعاده
وربي يرزق جميع البنات زوج خلوق يسعد قلبهم
