ساعدوني بالحليب الصناعي.....

شوفي ياااختي

انا بنسبه لي افضل ابتاميل كمفورت1
لانه مايسبب امساك
واحسن من اي حليب اخر

انا ولدي كان يستخدم سيميلاك
وجاه امساك ونصحني دكتور بهذا الحليب
وفعلا وايد نفعني وماشاء الله وزنه زاد بشكل حلووو

اسالي اي صيدلي عن هذا الحليب
وان شاء الله ينفعك

ما عندية فكرة بها الاشياء ان شاء الله يساعدوونج

سألي الطبيب

وجربي معاه الحليب النان وبعدين خليه لمده اسبوع بس لا تكثرين عليه يعني اول شي قليلي نسبه الحليب لين يتعود وشوفيه بعد اسبوعين اذا مشه معاه خلاص واذا رجع او سهل غيري له النوع لين يمشي معاه

لان كل طفل غير عن الثاني

والله معاج

أختى سمعت عن إبتاميل وايد زين بس ماجربته لولدي..
أستخدمت لولدي نان والحمد لله كان مرتاح منه...

مشكورات على الرد يالحلوات

اختي

انتي حاولي تعطيع رضعه او رضعتين صناعي مع حليبك

وانا انصحك بنان الذهبي لانه فيه مادتين اللي بحليب الام وهي اللي تغذي المخ والعين

وان شاء الله يناسب له

اختي تستخدم بيبي لاك نفس لي يعطونه لهم في المستشفى

وممكن تشفطين الحليب من صدرج وتحتفظين فيه

وهالرابط انا سالت فيه الخوات نفس السؤال

http://3roos.com/forums/showthread.php?t=201403

اختي انا استخدمت نان لبنتي وكان اوكى وياها الحمدلله


الافضل لج انج تسالين الدكتور بافضل حليب يناسب طفلج

الغاليه ..

قبل كل شي استشيرس الدكتوره .... وبعدها هيه بتقرر ...

وانا اسنخدم لبنتي حليب نيرسي 1 ...

انا كان ولديا ضعيف وايد وما كان يرضع مني وعطيته حليب اس 26 الذهبي
وشفته وايد زين معاه
بس حد يستخدمه يقول يسبب الامساك
من طفل لطفل غير

سلام ...

انا اول ما يبت تم في المستشفى فترة وما رضع مني بس كنت اشفط له.. ولما ما يكفي كانوا في المستشفى يعطونة سيميلاك .. ويوم يبتة البيت عطيتة اول شي سميلاك وشفتة مب متقبلنه وبعدين غيرت الى نان بس بعد ما كان متقبلنة .. سرت عند الطبيبة وكتبت له ابتاميل كومفورت 1 وايد ارتاح له وخفيف وما يسبب امساك وبعدين ما الحليب ما يمتن الياهل مثل سميلاك والانواع الثانية يعني ألحين حجمة ووزنة طبيعي ... ولين ألحين استخدمة له ..وكنت كل ما اروح عند اي طبيب اطفال اخبرة عن الحليب يقولي انه احسن حليب .. ما عليه كلام...

وانا استخدمت لولدي s-26 وعقبه بروميل والحين ما شاء الله عليه سنه و4 شهور استخدمله بروجرس

وبنتي عمرها اسبوع اعطيها طبيعي بس ..

وان شاء الله اذا اضطريت بعطيها نفس ما عطيت ولدي لاني وايد ارتحت منه .. لا امساك ولا اسهال ..

اما عن الغازات .. مافي حليب صناعي ما يسوي غازات ...

طبعا حليب الأم لايعلى عليه .. وعلى فكرة كل مازدت الرضاعة كل مازادت كمية الحليب ..
وبعد نوع الطعام اللي تاكلينه .. كثري من الخضروات والفواكه والتمر والماء والعصاير والحلبة والحلاوة الطحينية بس انتبهي على وزنج
طبعا لو حبيت ان تساعدين طفلك برضاعة صناعية جنب الطبيعية خاصة لو كنت موظفة
حطي في بالك ان اللي يناسب طفل مب شرط يناسب طفل ثاني
فانت لما تقررين وتعطيه اي نوع لاحظيه هل عمله اي امساك او اية مشاكل ثانية ..يعني اذا حسيتي انه طفلك ماارتاحله انتظري كم يوم وغيريله نوع ثاني
انا عن نفسي استعملت لولدي الاول سيميلاك والحمدلله ارتاح عليه وكانت صحته زينه ووزنه اوكي
اما ولدي الثاني ماناسبه فاستعملت S-26 وناسبه الحمدلله ..
البدائل كثيرة حاولي انك تستقري على نوع وتوكلي على الله.. وربي يحفظلك ابنك ويباركلك فيه

اللهم انك كريم عفو .. تحب العفو .. فاعف عنا

مشكورة على النصايح والرد الروووووووووووووووووووووووعه

السلام عليكم اختي لاتوسوسين دام ولدج الحمد لله ينمو لاتعطينه صناعي .. ترى بيقل حليبج ,, وبعدين ممكن يسبب له حساسية لاتدخلين عمرج في هالدائرة الصناعي ينعطى للي ما ينمون بالمعدل الطبيعي ودام إنه يكبر ما له داعي وهذا الشي تحدده الطبيية

علا انا انصحج انة تعطينة حليب نان الذهبي لانة فية وقاية عن الحساسية

انا ولدي ناسبه السميلاك مرررره وماكان عنده اي مشاكل منه

مرحبا بنات انا استخدمت حق بنتي وولدي حليب كيكوز ,, بس حق البيبي الجاي باستخدم انشاء الله ابتاميل كل الدكاترة اللي رحت لهم امدحوه لي .......:bigsmile:

:ok: