مضــــــايجة بشكل محد يتصوره ........

زين ليش ما تواجهينه...قوليله انته بعدك تحبها ...معناته تبى تسمي عليها...واصري على موقفج...

وعليكم السلام ورحمة الله وبركاتة

الله يبارك فيج
ومبروك الشهر عليج


لاتضايقين وسعي صدرج

وعليج بالدعاء ترى الإلحاح بالدعاء يغير القدر
بمشيئة الله تعالى

وخاصة في الايام المقبلة علينا وهي العشر الاواخر من رمضان

والله يهدي ريلج ويصلح بالة
ويسعدج معااه
وتكون حياتكمـ كلها أفراح ومسرات أن شاء الله تعالى


مع خالص أحتراممي
لج
اختج رفيعة الشان^.^

اعانج الرحمن حبيبتي

الرياييل هالزمن ماشي اوقح منهم بصراحة

الحين لو انتى مكانه جان عطاج كم طراق وطلقج وانتى حامل

وهم يخونون ويزنون ويرمسوون جدامنا وعيونهم زايغة وبعد يشكون فينااااااا

حسبي الله ونعم الوكيل فيهم

اعانج الرحمن حبيبتي

الرياييل هالزمن ماشي اوقح منهم بصراحة

الحين لو انتى مكانه جان عطاج كم طراق وطلقج وانتى حامل

وهم يخونون ويزنون ويرمسوون جدامنا وعيونهم زايغة وبعد يشكون فينااااااا

حسبي الله ونعم الوكيل فيهم

اختي هذا الموضوع لج ونفس القضيه

[web]http://www.3roos.com/forums/showthread.php?t=202321[/web]


شو اللي استجد الحينه ؟؟
هل حاولتي معاه بالتفاهم
- هل طبقتي كل النصايحه اللي عطنج الخوات ؟
- هل ادخلتي طرف ثالث في الموضوع ؟
- هل صارحتيه برفضج المطلق لهذه الفكرة ؟
- هل هو يمزح و يلعب بأعصابج ؟

الله يعينج

ما اقدر اقولج الا الله يعينج على مشكلتج

و عليج بالدعاء و الاستغفار

والله اني واجهته وكل الي قلتوا لي اياه سويته ..... ماشي فايده

الي فتح الموضوع مرة ثانية اني امس رحت عند الدكتورة عسب اطمن على البيبي ويوم رجعت سألني بنت ولا ولد قلت له بنت هو عارف بس يبا يتأكد .....
ونحن في السيارة عقب ما قلتله بنت ....
سكت شوي وقال بسميها مريم .........
طبعا انا عصبت وقلت له لا وكل الكلام الي قلتولي اياه .....
رد علي بكل برود محد يخصه فينا ومحد بيتشمت فيج ومن هالكلام يعني ......
آخر شي قالي أنا الي بروح اسوي شهادة الميلاد وبتشوفين ....
قلت له انزين ...... اكتب اسمها وشوف شو بيستوي .......
( عاد شو بيستوي مادري هييج الساعه شو أسوي ؟ )

انتي شكلك قلتي له حرام عليك بتجيب لنا الشبهه والناس وش بتقول ........الخ

بس مادري قلتي له حرام عليك حس فيني

انا آدميه ولي احاسيس ومشاعر لهدرجة انا ما اهمك ؟

قولي انت هامتك شعورها اذا وصلها الخبر طيب وانا ؟؟

انا عايشه معك وام عيالك شلون ترضى علي كذا

قولي ماتسوى علينا صدقني بتصير مشاكل والسبه الاسم












تـــجــــمع لبنات التقويم (اللي حاطين تقوووووويم اسنان)

طريقة السينامووووووون وبالصووور

خلاص لا تعاندين معاه .. و كل ما قالج مريم قولي لنفسج اللهم اني وكلت لك امري و طنشيه من الحينه .. و كل ما ياب اسم مريم خليه في الغرفه و اطلعي ولا تقولين اي شي .. و مالج غير الدعاء ان الله يهديه ..

يمكن هو يعاند معاج لان الريال ما يحب يحس ان زوجته تهدده ..


و بين فترة و فترة راويه دموعج بدون ما تتكلمين .. و لا تفتحين معاه الموضوع ..


و ان قالج ليش تصيحين قوليله لاني عرفت الحينه بعد هالسنين كلها مكانتي عندك و ان مالي قدر ولا احترام .. عطيه من هالكلمات اللي تكسر الخاطر و لا تجادلين ابدا لا تعاندين .. و قوليله سو اللي تباه خلاص ما تفرق عندي ..

ما ادري يا اختي شو اقولج بس

حااااااااااااااااااااولي اتبينيله انج مجروووحه من الخاااطر

هو بعدين بحس فييييج انشاللله

انتي حاولي مثل ما قلوا ليج البنات يعني سوي عمرج زعلانه وتبكين,,, وإذا مافي فايده

سيري عند امه او ابوه كلميهم ,,, لازم شي حد لهذي الموضوع


وبعدين قولي له انه خلاص شو تبي منها هي متزوجه وانت بعد متزوج ولازم ينساها واذا ما ينساها زين خلاص ممكن الواحد ما يقدر ينسه شخص يحبه ,, بس لا تحط اسم بنتك على اسمها منو هي عشان تسميها على بنتك. بعدين ما عنتها انك ما تحترمني ولا تحترم بنتك بعد ,, لو كبرت وعرفت ان اسمها على اسم حبيبتك الاوليه,,, شو تتوقع انها تقول ,,, يعني حاولي بكل قوه,,

هلا بالجميع

اختي الله يعينك


انا أختي كانت حامل وقالت الدكتورة انها حامل ببنت

ولـ أخر لحظة كنا عارفين انها بنت


بس ربك ما يتعاند الله نصرها علي حماتها اللي كانت تبي تسمي البنت بأسم فر راسها


ويوم الولاده تفاجئنا انها جابت ولد


والمشاكل اتمنعت


الله يصلحلك حالك

اللحين اسكتي ووكلي امرج لله

وعليج بالدعاء

وان شاء الله يوم الولادة تتغير نظرته

هو اسم مريم حلووو بس القهر سبب تسميته

لا تتناقشين معاه
فكري بنفسج وبالجنين

الحالة النفسية وايد تؤثر على الجنين

اذا ما نفع معه اي طريقه ,,, يعني ما سمع كلام امه او ابوه

او حسيتي انه ممكن يزعل او يتغير عليج ,, بسبب الموضوع


خلاص خليه على مزاجه ,,,

بعدين انتي قلتي انه والحمد الله ووووايد يحبج وانه مب مقصر عليج اي شي ,,, صح
وهي متزوجه وبعيد عنكم ,,, وهو ما يكلمها خلاص


اتوكلي على الله وخليه يسميها ,, ولا خراب بيوت ,,, صح يا بنات؟؟

لاحول ولا قوة الا بالله

اتجهي الى رب العباد حلال المشاكل

صدقيني كلامي مابيسرج ولا بينفعك علشان كذا انصحج بالصلاه وقيام الليل وقراءة القرآن

واتجهي الى الله بقلب صادق وايقان بان الله سيحل الازمه وماتدرين شنو بيصير بين ليلةٍ وضحاها

بعطيج ادعيه


وإن شاء الله يتقبل منج




دعاء الهم والحزن

1) اللهم إني عبدك ابن عبدك ابن أمتك ناصيتي بيدك, ماضٍ في حكمك, عدل في قضاؤك أسألك بكل اسم هو لك سميت به نفسك أو أنزلته في كتابك, أو علمته أحدا من خلقك أو استأثرت به في علم الغيب عندك أن تجعل القرآن ربيع قلبي, ونور صدري وجلاء حزني وذهاب همي



2) اللهم إني أعوذ بك من الهم والحزن, والعجز والكسل والبخل والجبن, وضلع الدين وغلبة الرجال



دعاء الكرب

1) لا إله إلا الله العظيم الحليم, لا إله إلا الله رب العرش العظيم, لا إله إلا الله رب السموات ورب الأرض ورب العرش الكريم



2) اللهم رحمتك أرجو فلا تكلني إلى نفسي طرفة عين وأصلح لي شأني كله, لا إله إلا أنت



3) لا إله إلا أنت سبحانك إني كنت من الظالمين

سميها مريم وفوضي أمرج لله
وقولي يارب تكون مثل مريم بنت عمران
وناديها بهذا اللقب
وسكري الموضوع ولا تفتحينه للأبد
وخليج العاقل...
ولا تخلين الشيطان يدخل من صوبج..
والله يهداه ويصلحة وأزواجنا جميعاً

الصراحة الرجال كلهم واحد ما يستاهلوا خذوها من كلمة