عرايس ممكن مساعدة - منتديات عروس

@

@بنت السلطان@

عروس متألقة

07-10-2006 | 02:02 AM

كيف الحال يابنات ..
انا محتاجة لخبرتكم بنات لوسمحتوا الي عندها خبرة في ألاجهزة تفيدني
أبي أعرف الأجهزة المحمولة (الاب توب) وش المميزات الممتازة لأي جهاز
يعني مثلا السرعه والاشياء الثانية
ياريت تفيدوني....:shy:
تحياتي للجميع

ا

الهــ unprofessional ـــاوي

عروس فضية

08-10-2006 | 01:54 PM

اختي اسمحي لي بالرد عليك ..

بالنسبة للاجهزة المحمولة فموديلاتها كثير ومواصفاتها كثير ولاازم تحددي نوع عملك يعني تصاميم أو ميلتي ميديا أو برمجة أو استخدام عادي يعني على الانترنت والطباعة لااكثر ..

عموما راح اعطيك اهم المواصفات وأنتي وإختيارك ..

المعروف عن اجهزة المحمول انها مزودة بمعالجات بتقنية Intel Centrino وهي تقنية تضاعف سرعة المعالج يعني المعالج بسرعة 1700 ميجاهيرتز يوازي المعالج بسرعة 3200 ميجاهيرتز ..

لاكن هذه المعالجات لاتتوافق مع نسخة ويندوز اللتي سيتم طرحها في الاشهر القادمة وهي نسخة Windows Vista لأن تطبيقاتها تعتمد على 64 Bit وهذه التقنية متوفرة فقط في معالجات Intel Duo Core2 ومعالجات AMD ...

بأختصار حاولي انك تدوري على الجهاز اللي مزود بمعالج اسمه Duo إذا كنتي تبغي تركبي ويندوز Vista الجديد في المستقبل ...

هذا بالنسبة للمعالج .. وسرعة المعالج يفضل انها تكون من 1.7 فما فوق ..

وبالنسبة لذاكرة الـ RAM او الذكرة المؤقتة فيستحسن انها لاتقل عن 512 ميجابايت من نوع DDR2 علشان تخدمك في عملية فتح البرامج وصفحات الانترنت ...

وبالنسبة للذاكرة الاساسية أو ذاكرة التخزين Hard disk فيستحسن انها لاتقل عن 60 جيجابايت

وبالنسبة لكرت العرض أو كرت الشاشة VGA فيستحسن انه لايقل عن 64 ميجابايت ليعطيك صورة افضل ونقاوة اقوى ..

وبالنسبة لشاشة العرض فأنتي مخيره بين هذي النوعين LCDTFT وهي شاشة مسطحة وبدون اشعاع لاكن وضوحها مو قوي كثير وماتعطي وضوح مرضي لما تشغلي فيلم أو تستعرضي صور لاكن ميزتها انها ماتستهلك من البطارية الشي الكثير ...

وفيه النوع الثاني وهو Crystal يعني شاشة كريستالية وميزة هذا النوع ان درجة الوضوح فيه عالية جداً وخالي من الاشعاعات لاكن عيبه انه يستهلك الكثير من بطارية الجهاز ...

فالخيار لك اختي ...

وطبعا اغلب الاجهزة يكون متوفر فيها BlueTooth و Wireless وقارئ لشرائح SD & MMC

وقارئ الاقراص في أغلب الاجهزة يكون قارئ اقراص عادية واقراص رقمية DvD وناسخ اقراص عادية ... لاكن بعض الموديلات فيها ناسخ للآقراص الـ DvD وهذي ميزة حلوه يعني اطلبي انه يكون قارئ الاقراص من نوع Multi

وهذي هي الموصفات الاساسية والمهمة .. أما عن نوع الجهاز فالخيار لك لأن كل شركة لها سعر معين وجودة معينة بالنسبة للقطع ...

ومن ناحيتي ارشح لك Dell أو Acer أو Hp ... لأن سعرهم مو غالي كثير ومواصفات الاجهزة ممتازة وراح تلاقي مثل المواصفات اللي ذكرتها لك وبسعر يبداء من 3200 ريال فما فوق ...

وإذا كان السعر مو مهم بالنسبة لك فجربي شركة Toshiba ونوع Tecra f بالتحديد ... أو جربي شركة Sony ونوع Vaio بالتحديد أو شركة IBM ونوع Lenovo بالتحديد أو شركة Acer ونوع Aspire بالتحديد ...

هذي الانواع مرتفعة في السعر لاكن جودتها عالية جدا ومواصفاتها قوية وممتازة وسعرها يبداء من 5400 ريال فما فوق ....

اتمنى أختي اني اكون افدتك باللي اقدر عليه وأي حاجة مو واضحة خبريني ...

أخوك الهـــاوي :)

فمان الله ...............

@

@بنت السلطان@

عروس متألقة

09-10-2006 | 02:33 AM

شكرا جزيلا على مساعده
يعطيك العافية أفدتني بالمعلومات الرائعه لأن وبصراحه أنا ماعندي أي معلومات عن الاجهزة المحموله أو أجهزة الحاسب بشكل خاص
شكرلك....

ر

ريمااااااا

عروس جديدة

10-10-2006 | 01:12 AM

الهاوي ..

جزاك الله خير .. على هذهِ المعلومات .. اللي راح تفيدني وتفيد كثير غيري .. عند اختيار الاب توب المناسب ..

بنت السلطان .. يعطيج العافيه ..على طرح الموضوع ..