سويت كولاجين

الفراولة القطرية 07-10-2006 24 رد 3,836 مشاهدة
ا
[grade="8B0000 FF0000 FF7F50"]هلووووو,,
صبايا باركولي سويت كولاجين اول امس
بشفايفي وخدودي
طلعووا واااااااااااااااااااااااااااااااااااااااو
شفايفي تههههههههههههههههههههههههبل[/grade]
m
هلا اختي فراوله الصراحه ماادري ابارك لج ولا لا


بس اختي انا معلوماتي الدينيه متواضعه بس اللي اعرفه ان هالاشيى حرام:sad:



ياريت اذا حد عنده فكره يفيدنا



تحياتي
m
مبروووووووووووووووووووووك مبرووووووووووووك كولولولولولوش :)
الله انا احب هالسوالف تصدقين عاد انا يوم جا الدكتور اللبناني فادي الجيز بمستشفى العمادي رحتله على طووول... على اساس اني بنفخ شفايفي بس على اخر لحظه ترددت وقلتله بزيارتك الثانيه انشالله بسويهم...
بس لما اشوف الممثلات بالتلفزيون اتخرع وواهون تخرع شفايفهم جنهم ضفادع :)
بس لين الحين بمخي السالفه يعني عاجلا ام آجلا.... :)

بس انتي شلون طلعو اوكي ؟؟؟؟ شفايفج وخدودج ويبين انج مسويتهم ولا جنهم طبيعييين؟؟؟
وشلون جازفتي وتجرأتي انا على اخر لحظه اهون اخاف :)
وعند منو سويتيهم؟؟؟؟

سوري ادري اني حنانه بس اشتطيت شوي :) اففففف بخاطري
ا
[grade="DEB887 D2691E A0522D"]ههههههههه هلا أموره انا من زماااااااان ابي اسويهم وأجل
بس تمت صديقتي تحن وتحن لي حجزنا عند د0 حبيب البسطي
اوكي وكنت انا كبش الفداء وسويت بس الشفايف تعووووووووور بس الم ثواني
وبعدين خدودي كلش كلش ماتعور
وبعدين صديقتي الحنانه وعلى حنتها بس شوت شفتها الفوقيه جبااااااااانه
بس طلعوا وااااااااااااااااااو
لاني لما رحتله قتله ابي شي طبيعي[/grade]
ا



واااااااااااااااااااااااااااااااو انا خاطري بكذا خصوصا خدود

بس اللي اعرفه انه حرام :(

بس حطيت سؤال للشيخ وبشوف رده اذا يجوز سويت وافتكيت

واذا مايجوز

نقول

(من ترك شيئاً لله عوضه الله خيرا منه )











تـــجــــمع لبنات التقويم (اللي حاطين تقوووووويم اسنان)

طريقة السينامووووووون وبالصووور
ق
اقولكم شيء بس ماتزعلون احسكم فااااااااااااااضين

لانك اذا مارضيت بخلقة ربي مستحيل ترضين باي شيء ثاني


راي متواضع اقدمه لكم

تحياتي
&
مبرووووووووووك وعقبااالي بس بشفااايفي
ن
مبروووووووك

بس كيف طلعوا نفس نانسي واليسااا

او تبين انهم منفوخات مثل الماي داخلهم

مثل هالممثلات في المسلسلات الخليجيه
ب
لا مستحيييييل اسوي لاني على
الطبيعه اكيييد احلى حتى الشفايف والخدود تغيرونهم سبحان الله

وجهة نظر

اسمحولي
ر
" وخلقناكم في أحسن تقويم " ................ يا حلوين .............

في اشياء ثانية تكبر الخدود بدون تدخل الجراحة .....

والله يوفقكم
ع
متزعلوش مني يا بنات انا مقتنعه ان الحاجاتي حرام :sad: وتغيير لخلقت اللة احنا مطالبين اننا نهتم بنفسنا عشان نبرز جمالنا الطبيعي اللي ربنا وهبوا لنا بس منغير ما نغير فالخلقة:shy:
(f) (f) (f)
ك
إي والله ..

حرااااااااااام تلعبون في خلقة ربكم ..

أنزين مافكرتوا عقب لو راحت موضة هالشفايف ؟؟ أش بتسون ؟؟

وقسم بالله لا أحد يقول في حد مسويها ويبين طبيعي .. لا والله الكل يبين إنه مب طبيعي ..

ومايقدر حتى يتحكم في تعابير ويهه مثل قبل ..

الله يهديكم بس ..
م
قمر_2006:
اقولكم شيء بس ماتزعلون احسكم فااااااااااااااضين

لانك اذا مارضيت بخلقة ربي مستحيل ترضين باي شيء ثاني


راي متواضع اقدمه لكم

تحياتي



(((((((((((مو عيب الواحد يهتم بنفسة وبجمالة......خصوصاَ البنت

لكن ماننسى قبل مانسوي أي شي..........أننا نرضي رب العالمين

ومانقلد الموضة ونصير مسخ للممثلات أو فنانات أصلاَ ماعندهم عقيدة أو دين ومافي رادع لهم

لازم نكون راضين ومقتنعين بخلقة ربي سبحانة.......ومانفقد ثقتنا بأنفسنا )))))))

تحياتي للجميع..............وربي يزينا ويجملنا بطاعة الرحمن(f)
ا
[grade="8B0000 FF0000 FF7F50"]شفييييييكم أول شي هو مش حرام لانه شي مؤقت
وثاني شي حتى لو راحت الموضه هو حق 6 شهور وخلاص
وبعدين عن اللي سألوا هو حلو والا لأ ترى رووووووووووووووعه
وبعدين احرتم وجهة نظركم[/grade]
f
فراوله يعني التاثير يبين على طول.... والكولاجين بالبنج ولا لا ...
ل
مرحبا أختي
بس تأملي هذا الحديث :
قال رسول الله صلى الله عليه وسلم : لعن النامصة والمتنمصة ، والواشمة والمستوشمة ، والواصلة والمستوصلة ، والمتفلجات للحسن ، المغيرات لخلق الله

الفراوله القطريه:
شفييييييكم أول شي هو مش حرام لانه شي مؤقت


الغاليه مب زين تفتين من عندج .. هذي الأمور تكلموا فيها وايد وحكمها ثابت
ما نقدر نحط الأحكام الشرعيه على حسب ما نبغي
ناخذ منها إلي نبغي ونترك إلي ما نبغيه
وبعدين منوه قالج هالأشياء المؤقته حلال!!
الباروكه حرموها لأنها من الوصل .. وهي نفس الشي مؤقته ممكن تشلينها
ليش ما قالوا عنها مؤقته وانها حلال
حاولي توزنين الأمور بعقلج وتقيسين الأحكام الشرعية
الموضوع مب محتاج فتوى من شيخ علم .. الموضوع واضح
والله خلق لنا عقول نفكر فيها

وياليتج تعرفين معنى اللعن ..
يعني مطروده من رحمة رب العالمين
تخيلي تمرين في أزمة وتكونين في أمس الحاجه لأستجابة الدعاء
تدرين أنه لما ترفعين ايدج للسما دعاءج ما يرتفع !!
لأنه الموضوع فيه لعن
وإذا طلبتي الرحمه من رب العالمين .. ابداً مافي رحمه

لا تقولين انج عايشه حياتج ومتوفقه في كل شي
ترى من علامات حب الله لعبده إنه يبتليه بالمصائب علشان يكفر ذنوبه ويختبر صبره
والعكس صحيح
إلي الله مب راضي عليه .. يزيده من خيره علشان يزيد في ذنوبه ويضله
فكري بينج وبين نفسج ..
شفتي علامه من علامات حب ربج لج ؟؟

هذا عقاب الآخره .. لكن عقاب الدنيا شو بيكون
كلنا نسمع في الكولاجين والبوتوكس والسيلكون
لكن قبل ثلاثين سنه ما كنا نسمع فيه
يعني توه يديد ظاهر .. وحتى لو كان مؤقت 6 شهور
فكيف بتعرفين اذا فيه اضرار على المدى الطويل..
يعني باجر يوم بتوصلين 40 وإلا 50 سنه
ضامنه خدودج وشفايفج تبقى طبيعيه!!
أو ما يبتليج الله بمرض مثل ما غيرتي في خلقه .. يغيّر فإلي سويتيه وتتشوهين!!

الفراولة القطرية:
وبعدين عن اللي سألوا هو حلو والا لأ ترى رووووووووووووووعه

على فكره ..
أي وحده تقرى موضوعج وتقلدج .. تشلين اثمها
"من سن في الاسلام سنةً سيئه كان عليه وزرها ووزر من عمل بها من غير أن ينقص من أجورهم شيء"
وبعدين المسأله مب مسألة حلو و روعه .. المسأله مسألة نقص ثقه
إذا الوحده ما بتعزز ثقتها من داخل بنفسها .. شو فايدة القناع إلي من الخارج!!

وعلى فكره في شخصية خليجيه معروفه
وأنا متأكده إنج تعرفينها
ما بذكر اسمها .. هي لا فنانه ولا مطربه
لكنها أشهر من نار على علم
شفت لها صوره قبل سنه كانت توها مسويه الكولاجين
والحين شفت لها صوره ثانيه في مناسبه من المناسبات
تغير شكلها 180 درجه للأسف .. من عقب هاك الجمال .. ابتلت
والعلامات واااضحه عليها

الله يهديكم انشالله :sad:

ك
أختي لولو بحر مكنون

جزاج الله الجنة على هالكلام الحلو

واتمنى كل بنت تفكر تسوي هالخرابيط

تفكر في اللــــــــه قبل كل شي
ر
عاشووووو و تجاهرون بالمعصيه بعد

انا اول ماقريت الموضوع قلت الحمدلله انهن مب من بلادي
و الله يهدي الجميع
ل
رعبوووبة:
عاشووووو و تجاهرون بالمعصيه بعد

انا اول ماقريت الموضوع قلت الحمدلله انهن مب من بلادي
و الله يهدي الجميع


الغاليه ..
على فكره .. في بلادنا "الإمارات" يسوون أكثر عن جيه
وأعرف وايدات والله يهديهم ان شاء الله

السالفه مب سالفه من بلادي وإلا مب من بلادي
نحن يجمعنا دين واحد .. مب مهم البلد أو العرق أو النسب
كلنا خوات وما شي فرق من بيننا

والوحده منا لو غلطت بشي .. واجب علينا ننصحها
حتى أنا لو غلطت بشي .. المفروض تنصحوني لأنه واجب عليكم
ن
اختي لولو بحر مكنون

كلامج درر

وجزاج الله خير

احس انه الشفايف بعدين تتهدل من داخل

مثل المذيعه البنانية ماغي
X