كيف حالكم و أخباركم ويا المطبخ في رمضان
تعالوا ويايه براويكم الخمير اللي سويته البارحه في الفرن
قريت موضوع وحده من الخوات عن طريقة اعداد الخمير و اشتهيته البارحه و روحت البيت و في خاطري اسويه
سويت العجينه و تذكرت انه ما عندي قدر الخمير اللي مصور في موضوعها قلت انا بسويه في الفرن و اللي فيها فيها ان شاء الله بيضبط
سويت فرن خمير مش قدر خمير من اختراعي :)
أعلمكم شلون
على الفرن من فوق حطيت مقلاة و خليت النار والعه تحتها
و الفرن الداخلي ولعت فيه النار العلويه و خليته يسخن
شكلت عجينة الخمير على شكل دواير و خليتها نص ساعه لين خمرت عدل
بعدين فردت العجينه و حطيتها على التاوه و خليتها تحمر من تحت
بعدين لما بدت تنتفخ ... حطيت عليها بيض و رشيتها بسمسم و دخلتها في الفرن علشان تتحمر من فوق
و اول ما دخلتها صواني و لا اشوفها تنتفخ و تصير نفيخه
و تحمرت عدل و طلعتها و على هالموال لين خلصت
بس و الله طلع الخبز رهييييييييييب
شوفوا الصوره :)
