وفاء بلا حدود .. ادخلي عزيزتي .. ما تندمين..

هلا صبايا وصبيان ..
هذي قصه من خمسه اجزاء من اختياري.. قصه تجسد معنى الوفاء والحب في هذا الزمن .. اللي اكثره غدر وخيانه ..
وهذا الجزء الاول .. من الفصه الرائعه .. اذا عجبتكم خبروني ..
عشان اكملها ..
(l)(l):D(l)(l):D(l)(l):D(l)(l):D(l)(l):D(l)(l):D(l)(l)

(l)كانت مستلقيه على سريرها تقرأ الصفحات الأخيرة لروايه في حجرتها المظلمه لولا نور الأباجورة الصفراء ورائحة فواحة الليمون تعبئ المكان ..

دخلت عليها والدتها تقول : ميساء للحين مالبستي وش قاعده تسوين .. لاحووووووول أنتي وهالروايات مدري متى راح تفكين عمرك منها ..
ميساء : الساعه كم ؟؟
> الساعه أربع الفجر .. بسرعه ألبسي خلينا نلحق على الطياره ..
> ياربي ماحسيت بالوقت ..يالله ..



كانت ساعتها تشير إلى السابعة صباحا عندما كانت تنزل من السياره إلى منزل خالها .. كانوا في استقبالهم .. فرحب بهم خالها يقول : ياهلا والله بأختي الغاليه .. كيف حالك .. ووين بنتك الصغيرة موس ..
> خاليييييييييييي ..
> وش أسوي علق هالأسم فيك .. كبرتي أشوف ماصرنا نحط بكلات وشرايط ..
> حرام عليك .. عمري ماحطيتهم .. تدري خالي حتى أنت شيبت .. يوووووه بعدين متصير تعجب خالتي .. خالي أصبغهم .. خذها نصيحه من بنت أختك إللي تحبك ..

خالتها : هلا ميساء .. حمد الله على سلامتك ..
> الله يسلمك .. تصدقين اشتقت لك .. ولقلبك الطيب ..

والدتها : ساحره هالبنت ..
> من يومي ..

خالتها : أنا اشتقت للسانك الطويل ..
> خالتي تكسرين خاطري .. خالي أقولها .. لالا خلاص خلوني محضر خير .. وين سهام مااشوفها ولاخالد ولاعمر ولا الدب عبد الرحمن ..
> نايمين ..
> أجل خالتي اسمحي لي بروح أنام بغرفة سهام .. مانمت من أمس ..

نظرت لها أختها فاتن باشمئزاز وقالت : ميساء !!
الخاله : خليها يافاتن ..
ثم حولت الخاله كلامها لميساء : ومن راح يسولف لي لانمتي ..
> يووووووووه ياخالتي عندي لك سوالف .. بس خليني أصحى .. بعدين صدقيني راح تملين مني .. خالي أعرف أنك تكرهني أللحين .. تعرف ليش .. خلاص لاتقول بعدين تنفضح .. تمسون على خير ..

تركتهم ذاهبه للغرفة .. فقال خالها لوالدتها : بنتك هاذي من وين جبتيها ماحد يسلم من لسانها ..
ميساء من بعيد : خالي سمعتك ..
والدتها : ميساء تغطي زيين ..



كانت الساعه الرابعة والثلث عندما خرجت إلى الصاله بعد ان استيقظت وبدلت ملابسها .. نظرت إليهم .. فكان عمر بالقرب من الباب وبجانبه سهام ثم خالتها ووالدتها وفاتن أختها ثم الخال ثم خالد وعبدالرحمن في الطرف الأخير من الصاله .. فدخلت تقول : سلام مربع للجميع ..
ردوا عليها وقام أولاد خالها للسلام عليها فصافحت عمر تقول : كيفك عموري .. وش أخبار طيحة الصيفية اللي راحت .. جهز كرة السلة فيني حرة لعب ..
> ووووه طيران ..
سهام تقاطعهم : لحظه .. اليوم حفله يعني السله خلوها لبكرة ..
> الناس يسلمون أول ..
> هلا عمري ..
> هلا عمري .. وين أصرفها وأنا أجي وألقاك تشخرين .. طيب سهاموه أردها لك ..
> والله انتظرتك حتى الخمسه والنص .. وماحسيت بنفسي إلا على الفراش .. تكفين ميساء عديها ..
ميساء تهمس لها : وش آخر مغامراتك ؟؟؟
> هههههههه بعدين أقولك ..
صاحت ميساء : يعني ماتبتي ..

شعرت بأنها قد خربطت الأوضاع فقالت : خالتي بالله واحد شاهي لحتى ماأخلص من الشباب إللي هناك ..
وعندما اقتربت من خالد قالت : يمه لاماني مقربه .. وش هالطول الله يصلحك .. خالي وش توكلون ولدكم هذا ..
فضحكت بعد أن شعرت بأنها أحرجته وقالت : هلا خالد وش أخبارك ؟؟
> تمام الحمد لله .. كيف أحوالك ؟؟
> أنا ضاعت علومي مع هالطول ..أعطونا قليلا مماوهبكم الله ..

خالتها : وين تبين توصلين ماشالله عليك طويله ..
الخال : أنا إللي أعرفه أن لعيبة كرة القدم مايهمهم الطول ..
ميساء : بس يتورط لما يلعب معهم سلة ..

أصبح عبدالرحمن يصفر بلحن أغنيه فقالت : جايتك مانسيناك .. أنت يالدافور .. هب عليك علمي وامتياز ..
خالد : لا بنسبة 99 ..
عبدالرحمن : قليل مماعندكم ..
ميساء : وخروا أحرجني .. ماراح أعرف أرد ..
الخال : غريبة ..

فاتن : إللي يسمعها يقول تقديرها ضعيف والا جيد .. مو حتى أنتي امتياز لا والخامس على الدفعه .
ميساء : خليك محظر خير ..
> طيب أنا وش قلت ..

كانت يدعبد الرحمن مازالت مصافحه ليد ميساء طوال الوقت .. وميساء محرجه من أن تطلب أن يدع يدها ..
عبدالرحمن : ماعليك منها .. هي كذا دايم تدخل الدنيا شمال في يمين ..

لم تتكلم ميساء تتمنى فقط أن يترك يدها .. فاحمر وجهها خجلاً مبتسمه لتخفف قليلاً من إحراجها .. أصبحت تفكر بالذي ستفعله .. فلم يشعرها أحد بهذا النوع من الإحراج من قبل .. فعامت الدنيا أمامها بينها وبينه .. وكأن عقارب الزمن قد تاهت دروبها وأصبحت تتحرك بلا معايير .. ولم تصبح تسمع أي شئ أو تعي من الدنيا شئ سوى أن يدها مازالت عالقة في يديه ويطبطب عليها باليد الأخرى ..

فعادت إلى الدنيا من جديد بعد أن ترك يدها يقول : ميساء .. ميساء .. أمي تقول تبين الشاهي ..
> ها .. أيه .. هههههههههههه
> عمتي بنتك هاذي ميب صاحيه ودوها لشيخ يقرا عليها ..

لم ترد ميساء فقالت سهام : ميساء ايش فيك مسبهه ..
> مافيه شي .. بس تذكرت شي .. ههههههههههه

جلست دونما أن تشعر بنفسها .. ولا تسمع من ماحولها سوى كل مايأتي بعده ميساء .. تشعر بأن بداخلها شئ ما يرتجف .. يرتجف بقوة زلزال ضخم ليس له هواده .. كانت عيناها تتقلب فيما حولها ترتجف من فكرة أن يشعر أحد ببراكينها .. استمرت على هذه الحاله لفترة ليست بقصيرة حتى دخلت سهام للصالة تقول : ميساء وش حاطه بشنطتك ؟؟..
> شوفي أنتي بنفسك ..
> روايه وااااااااو ..

فقفز عبدالرحمن أمام سهام وجلس على قدميه وهو يقول : هاتي أشوف الروايات اللي تقراها ..
فقالت والدتها : يوووووووه هي ماتبقي ولاتخلي .. كل مانزلنا للمكتبه أو للسوق ماترجع إلا بدرزن ..
تصفح عبدالرحمن القصة ثم نظر للغلاف فقال : هاذي الروايه قريتها مررررررة رووعه ..

ثم جلس بجانب ميساء يتناقشون بمحتوى القصه بعد أن تحولت براكينها إلى حمم تسيل حرارة بين شرايينها وأوردتها حتى قالت : عبدالرحمن لاتتعب نفسك .. أنا أقترح أنك تحط أحداث للقصة غير الموجوده وش تقترح .. لكن لازم تراعي ترسبات الماضي في نفس الشخصيه وطريقة تفكيرها ومدى ثقافتها وأهم مبادئها ..
> ماأجاريك في هذا استسلم ..
> أنا حطيت لها ردة فعل ثانيه .. حسيت أنها أقرب للواقع .. يمكن لأن والدتها المجنون أوحت لي فيها ..
> أشوفك أبحرتي في القصة بالطول والعرض ..
> في العميييق ..

الخال : بتقلبونها جلسة روايات .. بلا قصص بلا هم ..

وبعد أن عادوا الى نقاشهم قال عبدالرحمن : تدرين أحسك لما تقرين رواية .. تعيشين العالم حقها بكل بحوره .. دقيقة ملاحاظاتك وتحليلاتك للشخصيه .. حتى المؤلف نفسه مايجاريك ..
> أنت تبالغ شوي ..
> يمكن مالاحظتي نفسك .. أباسألك ..
> سم ..
> سم الله عدوك .. تحبين الشعر ؟؟
> أموت فيه عامي وفصيح ..
> والخواطر ؟؟
> يعني مو مرة ..
> على كذا راح أقريك دفاتر الشعر اللي عندي معظمه عامي .. لأني أموت بالعامي ..
> أنت تكتبه ؟؟
> من وين ياحسره .. لابس أحب أجمعهم ..
> طيب ماحاولت تكتب ؟؟

قاطعتهم سهام : قوموا أجهزوا للحفلة .. باقي ساعه ويجوون الناس ..


وبعد ساعه خرجت ميساء من الغرفة بكامل زينتها لتجد خلود وطلال بالصاله فضمت خلود ونسيت طلال تماما فقالت خلود بعد أن انفصلتا : ايش في ايدك بارده لا وترجف ..
> من فرحتي ..
> يابعد عمري ..

طلال : ميساء .. مالي رب أنا ..
> معليش طلال .. وش أخبارك ؟؟.. يوه يوه يوه .. نحفت يالدب ..
> البركة في عبدالرحمن .. ماخلى حارة مالعبنا فيها كورة ..

أصبح قلب ميساء يخفق بقوة رهيبه مع ذكر اسمه وكأنهم عندما ينادون أسمه يقصدون بذلك قلبها .. بل روحها .. فغرقت من جديد وضاعت معالم الدنيا أمامها حتى سمعت صوت خلود تقول : ميساء .. هيه .. نحن هنا .. ياسلام مين ماخذ عقلك ..
> عمى هو الواحد مايتذكرله شي حلو بحياته ..
> علي هالكلام .. طيب ليه شفايفك صاروا يرجفون ..
> خلودوه .. مو أنا اللي ينقال له هالكلام ..
> طيب تعالي معاي وأنا أقولك ..
> خليني أسلم على أمك ..


أغلقت خلود الباب جيدا وقالت اللحين بتتكلمين .. موس مو أنا إللي يمشي عليه هالكلمتين اللي قلتيهم بالصالة ..
> ممممافيه شي .. مافيني شي ..
> قسماً بالله لو ماتكلمتي .. أنه يكون آخر مابيني وبينك ..
> واللي مايعرف وش اللي فيه وش يسوي ..
> يكفي تقولين لي ليه سرحتي فجأة ..
> لاتضغطين علي ..
> طيب أنتي حرة .. أخسريني بسبب سر تافه مثل هذا ..
> لاعاااااد .. طيب بقولك .. وأمري لله ..
> وناااااسه أسمع ..
> اسمعي يافهد الهريفي ..
> قلنا سمعنا ..
> مدري وش عاجبك بالنصر الله يهديك ..
> لااااااااا .. أقول لاتضيعين السالفه ..
> اللي صار مدري .. سمعت اسمه .. وحسيت بعدها أني غرقانه للراسي ..
> مين وكيف وشو ذا .. حب ياميساء من ورايه .. مين لأصطرك بجزمتي ..
> اللي قال اسمه طلال ..
> ميييييين ؟؟ .. أصلاً اللي كان مع طلال أنا كنت مركبه كاميراتي كلها عليك ..
> يمه منك ..
> اسمه بس .. ايش بك ترجفين كذا ..
> مممممممادري ..
> يوووووووه .. أنتي بتموتين فيه .. منهو شوقتيني ..
> لاتضغطين علي خليني أقققققولك بنفسي ..
> بسم الله عليك .. والله بيجننك .. هههههههههه
> عمى .. تتشمتين ..
> عاد تدرين كني عرفته ..عبدالرحمن الدب صح ..
> ( لم ترد بل أصبحت في ذهول تام )
> قومي .. هالدب ماراح يحس فيك حتى لو حفيتي ..
> خلود واللي يسلمك أنسي الموضوع ولاكأنك تدرين عن شي .. مابي أحد يعرف ..
> ولا عبدالرحمن ؟؟
> ولاأحد قلت ..
> على العموم أنتي حرة ..

ثم خرجوا من الغرفه ..

لعلنا أحياناً نشعر بأن الإحساس بالحب جريمة كبيرة ..
وأن المجتمع لن يرحمنا لذلك نؤثر الصمت ..
لعلنا بعدان نسمع بقصص حب كثيره تنتهي دوما بالعذاب ..
نتوقف عند حدود الحب ونقول له لا ..
خوفاً من يحرقنا أحياء بعذابه ..
دون ان نصل إلى النهايات السعيده التي نعرفها ..

(l)(l)(l)(l)
أختكم .. امونه المزيونه..