ساعدوني

حبيبتي

الله يشفيها ان شاء الله
بس هذا الفيروس معدي

حاولي تودينها الطبيب على طول دون تردد

اخذيها ووديها الحين الحين وبيعطيها حقنه تقضي على الفيروس على طول ويركب لها سيلان علشان ترجع اللي فقدته ولا تعطينها ولا شي تأكله

وديها بسرعه علشان لا تعادي اليهال

وقولي لي اصار

احسن حل تودينها الطبيب وماتشوف شر ان شالله

الله يشفيها ويعافيها .. لكن .. أيه يعني (تزاوع)؟

حبيبتي اسماء .. يعني ترجع كثير.. ( تستفرغ ) :)


حبيبتي القرموشة ما اتوقع انك للحين ما وديتيها المستشفى.. اذا لا لا تتأخرين لحظة وحدة..

الحين الجو متقلب وصاير ما نقدر نقعد بدون مكيفات واذا شغلناهم يكون بارد جداً .. لذلك معظم الاطفال عندهم توعكات بصحتهم..

بالنسبة للترجيع.. ممكن تطلبي من الطبيبة بعد ما توصفلك العلاج انها تكتب لك على تحميلات تخفف الترجيع.. او ممكن نفس الدواء على شكل شراب.. تعطينها قبل ما تاكل .. اسمه اعتقد motillium بس تحملي تاخذينه من نفسج اطلبي من الطبيبة الوصفة افضل لأن المستشفيات الحكومية للاسف ما تعطيه .. فاخذيه من صيدلية برع..
خففي عليها الاكل.. بطبيعته الانسان المريض ما يشتهي ياكل.. فلا تغصبيها عشان ما يزيد الزواع وتمرض اكثر واكثر..

بالنسبة لسوائل الاملاح.. نصيحة لا تعطيها اياها كأنها ماء عادي.. اعطيها كأنها جرعات دواء.. لو ما شربت الا مقدار ضئيل .. لأنها ممكن تعوف تشرب الماء والسبب الاملاح وهنا تكون مصيبة..

وشيء طبيعي كثري من الماء.. وكل شوي عطيها تشرب جرعة او جرعتين.. خلي الماء فاتر وليس بارد.. او على الاقل مخلوط.. لأن الماء البارد على المعدة الخالية ممكن يسبب لها انقباضات وتقلصات في المعدة وترد تفرغ..

ما عليها شر.. وخليها دوم منسدحة ومرتاحة.. ابعدي الاطفال وازعاجهم عنها الى ان تشفى ان شاء الله...

لا تنسين طمنينا..

شكرا جزيلا جمانة على التوضيح .. الله يجزيك كل خير.

السلام عليكم ورحمة الله وبركاته

جزاكم الله خير خواتي على النصايح الحلوه .. بس الحمدلله لح الحين ما ياها شر ...... كانت البنت المريضه تصير بنت عم بنتي والمشكله ولد عمتها الله صابه الفيروس امه ودته العياده وعطوه ابرة عن الترجيع واليوم احسن الحمدلله ....... بس الله يستر على بنتي اخاف يصيبها الفيروس انا وايد احاتيها فديتها ......وادعولهم بالشفا...:sad:

الحمد لله مافيها الا كل خير،،، مثل ماقالت الأخت جمانة دائما خلي معاك تحاميل الترجيع motillium، آنه أحتفط فيها لولدي، بس مو معناه ماخذه الطبيب...