منو جربت اكتئاب بعد الولاده

أنا جربت من أول يوم ولدت فيه وكله إكتئاب واللحين أحاتي واااايد لأني باقي أيام وبولد وأحاتي الإكتئاب أكثر من الولاده.....إذا عندج حل ياريت إتفيديني؟؟؟ ومشكووووره الغاليه

انا بعد ما ولدت حسيت ان انا تعذبت واااايد وخصوصا في الطلق ترقدت في المستشفى 3 ايام وانا فيني الطلق وبعدين تعبت في الولاده فبعد ما رجعت البيت كل ما اتذكر الموقف اللي كنت انا فيه اصيح واتضايق وغير الجراحه والتعب والسهر كله عوامل تضايق فكنت كل يوم في الليل اصيح على عمري وبطني صار اسود وكريهه فحسيت ان خلاص مامني فايده اخترب كل شي فيني فقعدت اقول حق اختي السالفه وابي الكل يقعد معاي لاني مو عارفه شفيني وقالت لي اختي ان فيني اكتئاب الولاده ولين احين اذا اتذكر نفسي في الولاده اصيح ههههههههههه

[glow=CC9933]السلام عليكم ورحمة الله وبركاته..[/glow]

بالفعل..

هذا الشي طبيعي جدا..

عن نفسي جاسني وعقب ما طلعت من المستشفى مع زوجي وبنتي رحنا البيت..ويوم نامو العصر انا يلست طول الوقت اصيح واصيح حاسه نفسي مختنقه ومب رايمه ارمس والا اتنفس.. وما بغيت اراوييي دموعي لاحد ف قمت واتغسلت وتميت اتطالع عمري في المنظره هههههههههههههه..
مع مرور الوقت خف عليي..

بس جد جد اذا عانيتو منه حاولو تخففون عنه والا بيتم في بالكم..

جربت الاكتئاب والله أيام ولا فلم البؤساء تعذبت فى الحمل وبعدين ربيت قيصرى وتعذبت فى الولادة ولما شفت ولدى كانت الصدمه الكبرى كان صغير وايد وما توقعت انه جى كنت اكره اشله او ارضعه تميت على هذا الحال 3أيام لين امى ماتمت تقنع فيه ان احمدى ربج انت احسين عن غيرج من هذا الكلام وبعدين عقب الولادة اخترب جسمى صح سواد ومتن وخياطه وكنت اقرف من نفسى لدرجة انى ما سبحت 4 ايام من كثر منا كارهه العيشة واندب حظى فى هذا الولد بس الحمد اللله تعديت الحاله وزوجى وايد وقف معاى

واهلى بعد

اكتئاب الولادة واقع تعيشة فئة كبيرة من الامهات بس مو الكل يعرف ان اللي فيه اكتئاب
اهم شي دور الاهل والزوج في مساعدة الام لتخطي هالشي

ماعليكم شر
أنا بكبري احاتي رغم اني مو حامل

اووووو انا جالي تالت او رابع يوم كنت بتخانق كتييير مع جوزي و امي (انا كنت مقيمه عندها شهر) و كنت ببكي متواصل حتي و انا برضع و و كنت شايفه نفسي قبيحه و مبهدله و بطني سوداء....بس الحمد لله بعد شهر كنت احسن...
ده شيء طبيعي نس المهم تفهم الزوج و احسن شيء اللمه...دايما يكون في ناس قريبين...ام او اخت و اصحاب قريبيين

اووووو انا جالي تالت او رابع يوم كنت بتخانق كتييير مع جوزي و امي (انا كنت مقيمه عندها شهر) و كنت ببكي متواصل حتي و انا برضع و و كنت شايفه نفسي قبيحه و مبهدله و بطني سوداء....بس الحمد لله بعد شهر كنت احسن...
ده شيء طبيعي نس المهم تفهم الزوج و احسن شيء اللمه...دايما يكون في ناس قريبين...ام او اخت و اصحاب قريبيين

لاااا ارجووكم لاتخرعوني انا بالتاسع واول بيبي لي وما عرف شبيصير!!!!
يعني بطني وجسمي ماراح يرجعون مثل قبل !!!! مأسااااااااااااااااااااه :(
وكل وحده يصيدها اكتئااب؟؟؟؟

اكتئاب الحمل عادة ما يصير في أول حمل لأن الأم ما تكون متوقعة ايش راح يصير بعد الولادة و أثناء الولادة بالإضافة إلى إنة الهرمونات في الحمل تكون مرتعة جداً و فجأة تهبط ..............
............
...........
........
و النفسية تهبط معاها!!
أنا صار لي اكتئاب بعد ما ولدت بنتي حتى اني ما كنت أحس إني أحبها !!تخيلو ..
لما خرجت من المستشفى و حسيت بالمسؤولية الملقاة على عاتقي و حسيت انه كائن حي جدييد معتمد علي كلياً و ممكن يموت إذا أنا غفلت عنه ..حسييت باكتئاب و ضيقة و خصوصاً اني ما أقدر أصلي
و كنت أبكي كل شوية بدون سبب و انصدت نفسي عن الأكل رغم انني متعودة اني لما أكون متضايقة آكل أكتر بس في هذه الحالة غييييييييييييييييييييييييييييييييييييييير
لكن ترى كله عادي يعني كلها 3 أشهر و يتحسن الوضع و النوم .....
و أهم شي يا أمهاات احتساب الأجر عند الله

والله بديت أخاف من هالكلام أنا باقي على ولادتية أسبواع الله يعين ما أدري شو بيصير ................

والله احنا مساكين حياتنا تتغير 180 درجه بعد انجاب الطفل الاول وتزيد المسؤوليه ويكبر الهم مع الطفل الثاني وكل مايكبر يكبر همه فاكيد الوحده يجيها اكتئاب .....

بس عليها بالذكر وتحتسب الاجر عند رب العالمين ..

تحمد ربها وتحس انها بنعمه ..

وهالشي يهون عن شي ثاني ..

اما بالنسبه للجسم فمن الطبيعي يتغير فاي وحده حامل تتوقع ..........

ويحتاج الموضوع وقت ..

والله يهون على كل حامل ..

والله يرزق من تمنى ..

والله يساعد كل من عنده بيبي ..

والله يبعد عنا جميعا الاكتئاب ..

اللهم امين ..


تحياتي
نونو قطر