بسم الله الرحمن الرحيم ,,
وأخيراً قدرت أتنشط شويونة صغيرونة وصورت لكم واحد من لوكاتي , وهاللوك توني
حاطته من قريب وكان حيل حلووووو الحمد لله , مع إني حطيته وأنا مستعجلة ,,
الخطوة الأولى :
أول شي رشيت على وجهي النظيف من مثبت ماك البخاخ وبعده بشوية حطيت من ستروب كريم
ونطرت شوية يمكن دقيقة بس وبعدين رشيت على وجهي مرة ثانية من مثبت ماك البخاخ ,,
الخطوة الثانية :
حطيت نقط صغيرة من كونسيلر فور إيفر ووزعته بحرص حول منطقة العين وعلى خطوط الضحك ,
وبعدين خلطت من ديفينورا + فل كوفر من ماك ( اللي بعلبة صغيرة وهو عبارة عن سامبل ) ووزعته على كامل
الوجه أول شي استخدمت فرشاة ماك رقم 187 وبعدين ولتأكيد التوزيع استخدمت إيدي
وبعد ما وزعته عدل حطيت اللوس باودر من كانيبو ( نسيت أصورها ) ووزعتها بنفس الفرشاة 187,
الخطوة الثالثة :
أول شي حطيت من البينت على كامل الجفن , وبعدين حطيت الشادوووو رقم 1 تحت الحاجب
وبعدين وزعت الشادووو رقم 2 على الجفنين الثابت والمتحرك وبعدين حطيت من الشادوووو رقم 3
تحت الرموش السفلية استخدمت نفس فرشاة الباليته وهي نفسها اللي وزعت فيها الشادوووو رقم 2
ولما مررتها على الشادوووو رقم 3 كان فيها آثار من الشادوو رقم 2 فعطاني لون حيل حلوووو
وبعدين حطيت على الجفن العلوي آيلاينر ماك الكريمي بفرشاة فور إيفر رقم s2 ,,
وآخر خطوة آخذت من الشادوووو رقم 4 وهو عبارة عن إضاءة فيها جليتر وحطيتها تحت الحاجب
الخطوة الرابعة :
حطيت الماسكرا واستخدمت ماسكرتين ,, ديور شووو وكلينك اللي تطور ,,
الخطوة الخامسة :
حطيت من بودرة ديفينورا بفرشاة ماك كخطوة أخيرة ولإزالة أي آثار على الوجه من آثار الشادووو
وبعدين حطيت من بلاشر نارس أورجازم , وبعدين حطيت من إضاءة ماك الوردية على كامل الوجه حيل حلوة هالإضاءة ,,
الخطوة السادسة والأخيرة :
حطيت تحديد ماك spice + روج ماك faux + جلوس سيسلي ,,
هاللوك ما أخذن مني يمكن 20 دقيقة وترى تغاضيت عن أشياء
كثيرة ,, مثل استخدام بعض الفرش في الدمج أو فرش ثانية لأني أحب لما أستخدم عدة درجات من الشادووو
أحب أستخدم للشادووو الفاتح فرشاة وللغامج فرشاة عشان يكون الشادوو
مرتب ونظيف وعشان ما تختلط علي الألوان ,,
أتمنى يعجبكم هاللوك الـ express :) ,,