أمي وأبوي ....... مو راضيين

الصراحه الله يعينج

احلى شي الذكريات ..

عزيزتي ممكن اتييبنها من باب ثاني ..

كلمي ريلج خليه هو يحجز التصوير .. وبجي اهلج ما بيتدخلون لأنه المعرس له حق يسوي الي يباه في عرسه ..

وان كان عليكم انتوا التصوير .. بعد خلي اهله يتكلمون او ريلج بطريقه لطيفه انهم يبون تصوير وعلى ضمانتهم ومن هالكلام

والله يوفقج ان شالله

اذا ما رضوا خلاص خلي وحدة من خواتج تصور شو تسوين مب لازم معدله
المهم صور للذكرى

اللهـ يعيينج أختي صغيـرونهـ ،..

حااولي تكلمينـ ريلج إن يقنعهمـ بطريقتهـ ، وإن ماااانفع خلاااصـ يمكنـ أخيـر لج ..

وهلج أدرى بمصلحتج ، وسبحانـ اللهـ أختي صغيـرونهـ لو أصريتي على أنج تجيبينـ مصورهـ !

يمكنـ تصيـر لج مشكلهـ ،.." اللهـ لايقولـ " وإنتي في غنى عنهـا وبعدينـ تحسفينـ عليهـا ،...

صدقيني أختي صغيرونهـ اهمـ شي سعاااااااااادتج مع ريلج ولا الصـور وهالمظااهر كللللهـا

راااح تنسي وماارح يتمـ لج غيـر ريلج وسعادتج وياهـ ..


واللهـ يوووفقج إن شــــــاللهـ ويسعدكمـ دنيا وآآآخرهـ ياربـ ...

سبحان الله

الللللف مبروك و الله يوفقج يا رب و يرزقج الذرية الصالحة اللهم امين

عاد تدرين ان انا قلت لاهلي في عرسي انا مابي كاميرا بس خواتي بغوا ياكلوني بس كيفهم انا قلت ما راح اجيب كاميرا

و انتي تقولين انج تحبين الذكريات بس صدقيني ان مردج بتخلين هالذكريات بالدرج و تنسينهم هذا غير الوقت هذا غير مضمون و اهلج اكيد خايفين عليج مو قصدهم انهم ينقصون من فرحتج

على العموم اخذي انتي كاميرا عادية خلي اختج تصورج و لو صورة وحده و انتي قاعده على الكوشة

و دمتم سالمين

بالعكس الفيديو حلال لكن التصوير الفوتوغرافي هو الحرام شرعا
تقدرين تخلين اي وحده من هلج تصورج بكاميرة الفيديو وتعطيج الشريط على طول اضمن وافضل لوجه الله

أول شي مبروك ثاني شي يمكن أمك وأبوك شايفين أن هاذا الشي من مصلحتك
تحياتي لك...

لا تزعلين نفسج يالغالية انتي عرووس ومب زين لج الزعل خلج طبيعية ولا تهتمين لهذي السالفه

انتي اول ماتطلعين من الصالون روحي مع ريلج الاستيديو وصورو هناك ولا تقولين لهلج

الصور لاهي حرام ولا فيها شي بالعكس عادي والكل يصور

هذي ليلة عمرج ولا تضيعين هذي الليلة ...

واذا انتي ماتبين تزعلينهم خلي احد من هلج يعرف للكاميرا عشان يصورونج انتي وريلج

اهم شي لا تتكدرين تراها محلوله يالغلا ...

الله يوفقج ويهنيج ياااارب ويجعل ايامج كلها فرح ويرزقج بالذرية الصالحه يارب

اول شي الف مبروك
الله يهنيج ويسعدج
لاتخلين هالشي يخرب فرحتج
تقدرين تخلين وحده من خوات ريلج ( احسن عشان هلج مايتضايقون منج وكأن انتي ماتعرفين شسالفه خخخخ )

بقولج شي عشان ماتزعلين

قبل فتره واحد من المعارف تزوج وهو عنده محل تصوير
تخيلي هو بنفسه يقول العروس مو لازم تتصور يوم عرسها
وهو كلش ماكان يشجع هالشي
بس لان زوجته تبي تصور فماحب يكسر بخاطرها

انا اقول دام هو قال هالكلام يعني يعرف البير وغطاه ويدري بمشاكل الصور وتوزيعها

حبيبتي اذا مره مره مب راضيين ... حاولي في حد من اهلج يصورج بكيمرت فيديو ويكون بروفشنل .. وتاخذين كيمرت الديجيتال نفس الشي تتصورين انتي وريلج

صح خلي احد يصورج بكاميرا انتي اشتريها يعني مالت تصوير حلو عرفتي 0



والله يوفقج


كاسكو

مثل ماقالو البنات اشتري كاميرا وخلي وحده من اهلج يصورج

الله يبارك فيكم يا بنات

وما تدرون شكثر ريحتني ردودكم الطيبة


وجزاكم الله كل خير


والأمس أخوي شرالي كاميرة ديجتال وحط فيها مومري 500 صورة

علشان مايزعلني


الله يخليهم لي يارب


وأهل زوجي صار عندهم خبر بالموضوع وهم أحجزوا تصوير


الحمدلله تسهلت الأمور


وأنا ماكنت مقتنعة أن خواتي يصوروني بس لما قريت كلامكم اقتنعت

اولا احب انبه الاخت اللي افتت بتحريم التصوير .. الافتاء امانة اختي ايش اللي حرام .. ليش حرام ؟؟
هي بتصور وبتوزع صورها يعني ؟
سبحان الله الفوتغرافي حرام والفيديو حلال !!!

المهم
اختي لا تزعلين اهلك ولا شي
بس انتي بعد عروس ومن حقك تفرحي وتحتفظي بذكريات عرسك

من قال ان الصور تنرمي في الدرج ولا تردي عنها
انا صور زواجي من ثلاث سنوات واحنا كل يومين طالعين البومات الصور نطالعها هذا غير صورنا في كل البيت
ليلة العمر هذي
بس انتي لازم تمسكي العصاية من النص
لا تزعلي اهلك ولا تزعلي نفسك
شوفي لك مصورة ديجيتال وياكثرهم بحيث تصورك واشرطي انها تنزل الصور على طول في لاب توب خاص فيك
وخلي احد يقعد معاها وقت تطليع الصور
ومعظم هالصور تطلع وقت العرس
حتى لو طولت معليش تقدر تطلع مجموعة صور وقت العرس والمجموعة الثانية بعدين
احنا عندنا بنات كثير الحين يصورون ديجيتال يكونوا مجموعة
ناس تصور وناس تطلع الصور ونستلمها في نفس وقت العرس
ولو على الامانة والخوف من تسريب الصور انتوا تقدروا تتحكموا بهالشي ومثل ما نصحوك البنات خلي زوجك هو اللي يطلب

ليلة من أحلى ليالي العمر وان شاء الله الكل يعيشها مرة وحدة بس في حياته ليش اخليها تمر من دون تصوير
انتي بالتفاهم راح تحلي الموضوع بس اهم شي لا تزعلين اهلك .. وتقدري كبداية تشتري ديجيتال متطورة وتخلي احد يصورك فيها وبعدين تشتغلي على الصور في الكمبيوتر تنفع لوقت جلستك على الكوشة وتبديل الدبل

مشكلتك اهون من صاحبتي اللي رفض زوجها المتخلف انها تصور اصلا لا في استيديو ولا حتى في البيت ولليوم متأسفة

الله يتمم لك بخير

لا تضايقين يا الغاليه بس والله صج اقنعي امج وابوج ان زوجج اللي يبغي يصور وهو يحب التصوير

ومن هالكلاااام لين تقتنع امج شوي شوي وقولي لهااا هاي ليلة العمر وانا ابغي اشوف الصور

واحتفظ فيهااا وبس شوي شوي

اول شي الف مبروك الزواج

انا من راي اختي فاتنة العرب

RoOoOmy:
اولا احب انبه الاخت اللي افتت بتحريم التصوير .. الافتاء امانة اختي ايش اللي حرام .. ليش حرام ؟؟
هي بتصور وبتوزع صورها يعني ؟
سبحان الله الفوتغرافي حرام والفيديو حلال !!!

المهم
اختي لا تزعلين اهلك ولا شي
بس انتي بعد عروس ومن حقك تفرحي وتحتفظي بذكريات عرسك

من قال ان الصور تنرمي في الدرج ولا تردي عنها
انا صور زواجي من ثلاث سنوات واحنا كل يومين طالعين البومات الصور نطالعها هذا غير صورنا في كل البيت
ليلة العمر هذي
بس انتي لازم تمسكي العصاية من النص
لا تزعلي اهلك ولا تزعلي نفسك
شوفي لك مصورة ديجيتال وياكثرهم بحيث تصورك واشرطي انها تنزل الصور على طول في لاب توب خاص فيك
وخلي احد يقعد معاها وقت تطليع الصور
ومعظم هالصور تطلع وقت العرس
حتى لو طولت معليش تقدر تطلع مجموعة صور وقت العرس والمجموعة الثانية بعدين
احنا عندنا بنات كثير الحين يصورون ديجيتال يكونوا مجموعة
ناس تصور وناس تطلع الصور ونستلمها في نفس وقت العرس
ولو على الامانة والخوف من تسريب الصور انتوا تقدروا تتحكموا بهالشي ومثل ما نصحوك البنات خلي زوجك هو اللي يطلب

ليلة من أحلى ليالي العمر وان شاء الله الكل يعيشها مرة وحدة بس في حياته ليش اخليها تمر من دون تصوير
انتي بالتفاهم راح تحلي الموضوع بس اهم شي لا تزعلين اهلك .. وتقدري كبداية تشتري ديجيتال متطورة وتخلي احد يصورك فيها وبعدين تشتغلي على الصور في الكمبيوتر تنفع لوقت جلستك على الكوشة وتبديل الدبل

مشكلتك اهون من صاحبتي اللي رفض زوجها المتخلف انها تصور اصلا لا في استيديو ولا حتى في البيت ولليوم متأسفة

الله يتمم لك بخير

الأخت RoOoOmy

السلام عليكم ورحمة الله وبركاته

اختي الفاضله أحب انوه اولا بأنني لا اتكلم وأفتي من عندي والعياذ بالله وانا لست مؤهله لمثل هذا العمل والحمدلله لم يكن قصدي أبدا هذا الشي والله اعلم بما تخفي الصدور ..
لكن كل ما قصدته والله يشهد على ذلك هو الامر بالمعروف والنهي عن المنكر لانني وبفضل الله تربيت على يد شيخ في العلم وعرفت هذي الفتوى منه وانا صغيره وبعدما كبرت وتطلعت وسمعت لاكبر علماء المسلمين كالشيخ بن عثيمين وبن باز وافتاء اللجنه الدائمة وغيرهم من اهل السنه والجماعه وجدتهم متفقين في هذه النقطه وهو التحريم وللاسف كثيرون منا جاهلون لهذه النقطه رغم أن عقوبتها عظيمه جدا جدا فهي تدخل في دائرة اللعن عافانا الله وإياكم ..
ولكي لا تظني يا غاليه بأنني أصدر الفتوى من نفسي دون علم ودرايه
أحببت نقل هذا الموقع بأكلمه ليستفيد الجميع لان به كل ما يتعلق بالفتاوى الخاصه بالتصوير وانواعه لاكبر علماء الدين المعروفين عندنا وان شاء الله تقتنعين وتستفيدين وتتاكدين بانني لا أفتي لكن هذا رأي جمهور علماء المسلمين من هذه الناحيه

ولان الاخت صاحبة المشكله ارادت التصوير في الزفاف وهو ليس كالتصوير لحاجه مثل جواز السفر وغيره من البطاقات المهمه لتيسير الحياه .. وانتم تشجعونها على فعل هذا المنكر هذا غير ان الاحتفاظ بالصور للذكرى محرم شرعا أيضا !!!
التصوير لحاجه هو فقط المشروع لنا في الدين وهذا ما ستلاحظينه اخيه والله يهدينا ويثبتنا على الايمان امين

تفضلي الرابط

http://go.3roos.com/0CpM7RQdn0X

مبرووووووووك قبل كل شي
بس والله قهر ماتتصورين يوم عرسك 00
حاولي تقنعينهم 00 او تخلين احد يقولهم 00 يعني عشان خاطره 00
واذا مره مره معزمين 00 جيبي كاميرا دجيتال واسحبي الصور على الورق بتاع التصوير0
والله يعينك جد

الله يبارك فيج ليالي

وألحين أخر حل صار عندي كاميرة ديجتال


واليوم الصبح كلمت أمي وبجيت عندها وأحسها حست فيني


وان شاء اللله بينفع الي صار اليوم


لانها قالتلي بنشوف الاستديو الي موجود بالصالون حق يوم العرس اذا ترضى نصور ونطلع الصور بنفس اليوم



والله قلتلها ودي بصورة وحده بس



الحمدلله على كل حال


وأهل ريلي بيصورونا مع بعض بالكوشة



هذا حل وسط مع أني أحس روحي أقل من البنات الباقيين بس شسوي

مع أن ثوبي من أغلى مصممة بالكويت

بنات كل كلامكم برد علي وااااااااااااااااااااااااااااااااااااااااايد


خنفورة وفاتنة العرب وكلكم بلا استثناء صج ماقصرتوا ولولا اني مشغولة ألحين ودي أكتب بكل وحده فيكم رد شكر كبييييييييييييييييييييييييييييييييييييييييييييير


بس كل ما أزعل برد وأقرا كلامكم الشافي الي طلع من قلبكم ووصل حق قلبي