صرت اكره يوم الجمعة

مرحبا يا بنات كيف حالكم وكل عام وانتو بالف خير خليني ادخل بامشكلة اللي مش لاقية لها حل انا صرت اكره يوم الجمعة ليش انا موظفة بداوم كل الاسبوع ما عدا يوم الجمعة والسبت وزوجي المصون بداوم كل الاسبوع ما عدا الجمعة والله كل جمعة صرت احسبلها ميت حساب لانو زوجي عامل برنامج انا شخصيا صرت اكره يا بنات كل جمعة بعد الغذاء زوجي بحضر حالوا هو والاولاد ويروح عند اهله كل جمعة ابدا ما بفوت ولا جمعة على شاني الا قليل جدا يعني يا دوب جمعة او جمعتين بتذكر ان كنا مع بعض بس انا ما بكره انو يروح عند اهله والله اني ما بزعل بس على الاقل يفكر فية والله صرت مثل الخدمة يوم الجمعة بصحة من النوم على الاولاد وحمام الاولاد وتحضير الغذاء مثل المجنونة عشان انهي الغذاء بكير عشان يذهب لعند اهله وانا الله العالم اني بكون مقهورة ونفسي يكون معاي انا والاولاد يوم الجمعة بضطر اروح عند اهلي واذا اهلي مش بالبيت بروح عند اي احد من خواتي طيب وبعدين لامتى هذا الموال والله اني زهقت واكيد انتوا رح تسئلوني ليش ما بروح مع زوجي واولادي عند اهلة بدي احكيلكوا لانه صار مشكلة كبيرة بيني وبين اهلة والله هانوني وبهدلوني بدون سبب وجرحوني كثير وقدام زوجي وهو بعرف بالموضوع وانا طبعا ما هانت عليه نفسي ما بقدر اروح عندهم لانهم هم اللي غلطوا معاه وعلى فكرة مش مرة وحدة اكثر من مرة ولا تحكولي روحي عندهم خلص والله ما بقدر نهائي اروح عندهم لانه اللي عملوه معاي كثير جرحني واكيد بتسئلوني اني اتكلم مع زوجي وافهمه اني محتاجه انو يكون معاي يوم الجمعة والله تكلمت مهاه من جميع الابواب والله مش مقصرة معاه باي اشي رغم اني موظفة بس بجبر علي نفسي وبسعده لكن هو مش مقدر وهذا اللي مجنني كل ما بحكي معاه بسمعني يوم وعشرة لاْ يعني كله على الفاضي بس مش عارفة ليش يا ترى اهله الهم علاقة ولا شو والله اني رح انجن كيف بتغير فجأه وبسرعة وبنقلب ضدي والله اني بحبه وبتنازل عن حقي عشانه بس المشكلة الكبيرة اني انا حاسة انو ظالمني كثير مش حاسة اكيد من خلال حياتي معاه والله اني اكتشفت انو هو اللي ظالمني والله بحن عليه وبتغزل فيه وكل اللي بطلبوا بس شو اعمل عشان اخلي زوجي يقعد معاه يوم الجمعة على فكرة ما خليت ولا طريقة لا سويتها احكولي الله يخليكم اللي عندها خبرة تحكيلي شو اسوي والمصيبة الكبيرة كمان لما يصير خلاف بيني وبينو بروح عند اهله وبتأخر كانهم اهله عقاب الي بس ارجوكم لا تحكولي صالحي اهلى لانه لا استطيع ابداً والله صعب حدا يطعن فيكي ويسبك ويبهدلك ويهينك بشرفك ويعايروكي انك اكبر من ابنهم وكلام كثير ما بدي اذكروا يا بنات يا ريت اتساعدوني وانا ما بكره اهله بس حابه على الاقل ما يزيدها ويحرمني من حقي انتو بتعرفوا انه يوم الجمعة راحة وضيافة وتغير جو يعني من حقي اكون معاه انا والاولاد.
واسفة لاني طولت بس والله مقهورة كثير حتى في رمضان كل جمعة بحكيلي انو في عزيمة عند اهله ولازم يروح شو الحل احكولي والله تعبت صرت بدي اطفش لما يجي يوم الجمعة اخذ الاولاد واطلع من الصبح لكن برضوا لامتى طيب وبعدين وين اروح. وشكرا اكثير لكم يا بنات.