بنتي مشاغبة وايد

حبيبتى الضرب والصراخ يزيد الياهل عناد ..
لازم اتكونين حريصة على عدم اظهار العصبية عليج ..

اللعبى وياها وحددى ساعات للعب ويبى الها دفتر وخليها تلون وتلعب وطلعيهى للالعاب واذا سوت شىء غلط نزلى نفسج لمستواها وقولى الها انج غلطتى وانا ما احب هذا الشىء وقولى الها اذا غلطتى راح احطج على كرسى ولما بتخلصين صريخ او غيرة تعالى رمسينى ..
وكل ماسوت شىء اوكى قولى الها شاطرة حبيبتى ..
وخليها اتساعدج فى اشياء بسيطة والهيها ووضحى الها شطورة وانا احب البنت الى جية ..
والله يوفقج يارب

اتمنى ان يكون عندى نونو ياحلاتهم .. ادعيلى ان ارزق بالزوج الصالح يارب



فى أمان الله

هم شجون:

هلا خواتي

ترى بنتي وايد مشاغبة واعنادية وايد حاولت معاها بالضرب والصراخ لكن ما في فايدة

وعمرها سنة وشهرين ما شاء الله

شو الحل وياها؟؟؟؟؟

تحياتي

هم شجون

هههههههههههههه ح أتموتيني ضحك .. هذي سن تشتكي منها ؟1
يا أختي ظنيت من عنوان الموضوع بنتك عندها 6 سنين مثلا ... إلا طلعت بيبي رضيعة ...


حبيبتي اللي بتسويه بنتك مهما كان .. استكشاف يعني بتتعر على العالم من حولها .. فتكسر شي وتلخبط شي ويا سلااااااااااااااااااااااام بالذات علبة الكيلينكس يعشقوا اللعب فيها شد واحد يطلع واحد مكانه وبيحسوا إنه نهر لا ينضب ....


وجيرل يو .. قالت كثير هي محتاجة تلعب وتتلاعب .. مو تنضرب؟!


يا شيخة هذي بعدها بيبي ... اصبري عليها ودلعيها ...:shy:

هلا حبيبتي

والله حرام ياهل عمرها سنة وشهرين تتعاملين معاها بالضرب والصراخ عيل اذا صار عمرها 5 سنين شبسوين

هالسن سن اكتشاف ولازم تبي تكتشف العالم خليها تتعرف على العالم بطريقتها وعليمها الصح من الغلط بس بالهدووووووء

هدي معاها واستمتعي بتربيتها والله اليهالو حلوين

معليش اختي سايريها تعامللي معها بليييين ورفق وصوت خااافت وكلااام حلو هلا بنتك كل شي بتقتبسه منك انتي
واصبري عليها والهيها بالعاب صغيرة تناسب عمرها وربي يكون بالعون

أختى تحمليها هالسن صعب ، توهم يمشون ويبون يكتشفون المكان،،، هدي من نفسك ولا تعصبي عليها ترى بتزيد من عنادها وحركاتها...
دايما قولي لها غلط ولا تسوين ترى آزعل ومثل ماقالوا الأخوات نزلي لمستواها وكلميها ، آنه علمت ولدي لما يسكب شي على الأرض او ينثر آقول له هات ممسحة او هات المكنسة يكون ينظف المكان والحين تعلم لما يصير شي يروح بنفسه وياخذ الممسحة ينظف المكان...

واااااااااااااي ذكرتيني في بنتي صايره قليلة ادب كل تقول جب و دبه ياربي يحفظها بس مش حلوه قدام الناس ان عمرها سنه 4 شهور وتقول هالكلام وطقني بعد امس اختي هاوشتهااا مسكينه عورتي قلبي

الحال من بعضوووووو انه بعد بنتي سنه و3 شهور وما شاء الله عليها ما تقعد دقيقه في مكانها كله تحوص وتلووص وما في شي يضل مكانه العابها تمووووت اذا تشوفهم في السله لازم تنثرهم عالارض
وكلمة جب هذي بكووم من احد يقول لها شي ما يعجبها تقول له جب ......>>>> الله يسامح اختي الي علمتها :(