عندي مشكله مين تقدر تحلها

من بدايه زواجنا وارجوكم ساعدوني في حلها وهي من أول سنه زواج إلين هذي السنه في كل رمضان من بدايته إلين ثاني او ثالث يوم في العيد انا وزوجي نكون في خصام وبين كل فتره وفتره تصير مشكله ويصير زعل صار لي هذا رابع رمضان بيننا وإحنا على ذا الحال بتقولون لي لا تدققين على كل شيء صدقوني المشكله مو بي بزوجي اتمنى اني أجلس في رمضان معاه ونطلع نفطر مع بعض في مكان خارج البيت واتمنى العيد يجي علينا واحنا راضيين ومبسوطين لكن هو لازم يسوي مشكله لدرجه انه في سنه حطيتله هديه العيد على التسريحه وكتبتله فيها كلمه (مع انك ماحاولت انك تراضيني وتعيد علي لكني مانسيت عيديتك وماراح انساها وكل عام وانت بخير )رد فعله عادي اتعطر بالعطر وراح صلى وبعدها انا فاتحته بالموضوع وانه اشلون يهون عليه كذا وحاول أنه يراضيني بعدها وتكلمت معاه بصدق وقلتله ان من وقت زواجنا ماتهنيت بالعيد مثل كل المتزوجات مع أزواجهم وانه لازم نلقى حل للمشكله هذي جلس يضحك ويقول ليش مكبره المسأله وهي صغيره وهذي السنه من بدايه رمضان وهو مايجلس عندي من أول مايجي من الدوام وهو عند أهله ويجي وقت الفطور يفطر ويروح ينام يصحى لصلات التراويح وبعدها ماأشوفه إلا إذا دقيت عليه ولما يجي ينام مايجلس معي صبرت يوم ورا يوم إلي قبل يومين كلمته وش صار قاللي خلاص راح أجلس معاك وبصراحه جلس وما جلس من اتصال إلى إتصال وبعدها نام والبارح طلبت منه نروح السوق وياليت ماروحت يسويلي مشكله على أي شيء وانا ماحب أحد يكلمني بصوت عالي قدام الناس وكل ماشفته رفع صوته إما اني أسكت أو أحاول أشغل نفسي بأي شيء المشكله وبعد ماخرجنا من السوق حاولت اني أكلمه وان هذا الاسلوب مااحبه انه يكلمني قدام الناس قام يصارخ وأنتي بدل ماتشكريني اني جبتك وهذي جزاتي قلتله ماقصرت والله يعطيك العافيه لكن أبغى أطلب منك طلب ان إذا عندك انتقاد على أي شيء يكون بعد مانخرج من االسوق وجاس يخاصم ولما أحاول أفهمه يقوللي بعد ترادديني في الكلام و قلتله هذي حياه ولازم نتفاهم قال مافيه تفاهم ولا فيه كلام بيني وبينك وقفلي على كل المواضيع ألي بيني وبينك

أرجوكم ردو علي وانصحوني ايش أعمل حسيت كلمته فيها إهانه لي وانه مومتقبل مني شيء
بنات أنا ماأبغى أعيد الناس كلهم :salam: وأغلى الناس مااعيده:sad: