يا احلى خوات خصوصا المتزوجات الي عندهم اعيال ويسون ليالي رومانسية

أولا كيف بنتك هي اللي تسيطر عليكم وتمشيكم حسب هواها ... ؟!

علشان انتما سمحتما لها بذلك !!

بنتي عمرها سنتين الحين والله آكلها لو لمست باب غرفتي بإيدها طالما مقفول الباب خلاااااااااااااص ممنوع تقربي منه ..

هي لم تولد هكذا .. أنا اللي ربيتهم على كده . ولله الحمد ..


ثانيا .. يعني ليش المحروسة للحين في البيت ؟ ليش ما وديتيها حضانة ؟

وعلى فرضية ما عندك رغبة توديها الحضانة ... يبقى لازم تعوديها على موعد نوم ثابت وموعد استيقاظ مبكر وتقضي معها وقت خاااااااااص وحدك ومع أبيها ويكون لها وقتها الخاص وحدها مع أبيها كذلك .. وبعدين تتعشى وتنااااااااام في سريرها في غرفتها .. وتنبهي عليها ما في قومة من السرير بالليل .. ولا تيجي على غرفة ماما إلا في حالتين .. عايزة حمام أو تعبانة لا قدر الله ...

والله حتى الحمام في سنها تروح وحدها ..

أختى وضعكم صعب جدا.... البنت تعودت على عادات خطأ وكأنها هي المسيطرة ..

لازم تنوميها مبكرة الغي عنها نومة الظهر يكون عندك وقت بعدها لزوجك، انا الحين الغي نومة الظهر عليه لو زوجي كان يومها بالبيت يكون ينام مبكر ونستغل الوقت الباقي لنا لوحدنا،،،
لا تقولي لا أستطيع فعل ذلك، دخليها الحمام قبل النوم وحطيها بالسرير وخلاص قولي لها الحين وقت نوم مو كل ساعة تصيحين ماما....

صدق اللي قال اذا شفت مصايب غيرك تهون عليك مصيبتك. اختي يمكن انت عودتيها انها على طول بحضنك ما عودتيها على اهلها. علشان تتباعد عن حضنج شوي لان حياتج مو بس هي بهذي الطريقة اختي زوجج بيتضايق وبتصير حياتكم خالية من الاستقرار الاسري والعاطفي وهل ترضين عليها تعيش في هذي الاجواء، اكيد لا ....... يعني لازم تضبطي برنامجها وتعدلين اوضاعج مع زوجج ولا بيطفش.

انا صدق بنتي ما تحب تنام لكن متعلقة بأهل ابوها بشكل فظيع فتضي بعض الوقت عندهم بينم انا اتفرغ لابوها شوي.

طولت عليج اختي بس والله همي مصلحتج.

السلام عليكم ورحمة الله وبركاته

فعلا هذه مشكلة يعاني منها الكثير...

أحب الحزم في التربية...مع إنه بنتي تظل سهرانة طول ما إحنا سهرانين...

يعني أمس مثلا دخلت نامت معانا على الساعة 2 و نصف...عادي

أنا أحبها تقعد معانا...نقعد نتسلى و نلعب معاها...و تتعشى معانا و كذا...

بس في أوقات أقول لها ياللا ننام...آخذها أينمها و أرجع لأبوها ثاني...

يعني أختي حاولي تضعي حدود شويه...كل واحد له حقه :)

نفس مشكلتي.....

أنا ولدي عمره سنة وشهرين..

عاد للحين نومه متأخر ومخربط..

وأنا و زوجي ورانا دوام..

زين الصبح أخذه لأمي وينام إلى جيتي من الدوام..

هو زين انه يريح أمي وما يغربلها..

بس أنا يهلكني على ما ينام وأما الأوقات الخاصة لازم يكون في بيت اهلي عشان أقدر اتفرغ شوي..
لا وخواتي كل شوي تعالي ولدك يبكي..

ومحتارة عدل وياه.. شلون أقول إلى أمي تصحيه من النوم عشان ما يغربلني اللي ..

كأني أقول لها خله يأذيك ويتعبك وأنا لا......

ساعدونا.. ولكم ألف شكر.....

شكرا خواتي للرد لمشكلتي اولابنتي تخاف من ابوها ويقولي انتي مخربتها نومها مخربط يعني تنام الفجر وتصحى 5العصر وبعدين تشتغل حارس واذاعدلت نومها ثاني يوم رجعت ريما لعادتها القديمة اختي اسماء زكي اذادخلتها الحضانة راح تضيع وراح تصيح لانها ماتفارقني

:sad: :sad: :confused: شكرا خواتي للرد لمشكلتي اولابنتي تخاف من ابوها ويقولي انتي مخربتها نومها مخربط يعني تنام الفجر وتصحى 5العصر وبعدين تشتغل حارس واذاعدلت نومها ثاني يوم رجعت ريما لعادتها القديمة اختي اسماء زكي اذادخلتها الحضانة راح تضيع وراح تصيح لانها ماتفارقني

وكيف الي عندهم عيال يسون ليالي رومانسية

fbi5225:
:sad: :sad: :confused: شكرا خواتي للرد لمشكلتي اولابنتي تخاف من ابوها ويقولي انتي مخربتها نومها مخربط يعني تنام الفجر وتصحى 5العصر وبعدين تشتغل حارس واذاعدلت نومها ثاني يوم رجعت ريما لعادتها القديمة اختي اسماء زكي اذادخلتها الحضانة راح تضيع وراح تصيح لانها ماتفارقني

طيب وايش فيها لما تصيح لها يوم يومين عشرة حتى وبعدها بتتعود ... :angry:



أختي إحنا الحمد لله والشكر .. عندنا بدل العيل اثنين وثلاثة وناس عندهم أربعة وبيسووا ليال رومانسية في البيت كله مو في غرفة النوم .. والسبب الحزم والنظام ... :shy: :shy:


لا تزعلي مني (f) لكن واضح إنك ما بتعملي على توجيه بنتك التوجيه الصحيح وعلشان كده أحلى أيام عمرك ضايعة بسببها عاد لا تبكي .. أنت اللي عودتيها على كده. :sad:

شكرا اختي اسماء لتجاوبك معاي وصح كلامك الحقيقة ما ينزعل منها:ok: :ok: :clap:

الله يكون في عوونج نحن المفرووض نخفف عليج ونساعدج ومانعاتبج يالله الي استوى استوى انتي الحين حاولي اتعدلين ارقادها وتصلحين الي فات حبيبتي وان شالله الله يعطيج على قد نياتج انا ماعندي خبره واايد لانه ولدي بعده صغير 6 شهور وان شالله نستفبد منكم..
تحيااتي لج حبووبه.

شكرا اختي ميهودة للتجاوب:salam: :ok:

موضوع حلو على فكرة

انا أعرف ناس ما يقدروا يسكروا الباب عليهم


قال شو


ابنهم ما يخليهم


و الله غلط

الزوج ما بيفهم

الله يعينكم ..

ما أعرف شو اقول الصراحه الا انج تغيرين اسلوبج معاها ..

ذكرتيني باختي عمرها ماشاءالله 6 سنوات ... ولين الحين ماترضى تنام الا يم امي ..

الله يهدي الوالده مدلعتها عالآخر .. ومخربه قوانين البيت كله بدلعها

اختي انتي تشتغلي ولا جالسة في البيت؟

أولا حبوبه
ضبط النوم شي ضرووووووري في سنها و الله بس تدخل الحضانه بتطلع روحج معاه
باجر وراها مدرسه وش بتسوين
باين عليج ما تقدرين تحزمين معاها و انتي الخسرانه و الله حرام ترى في راييل وايد يطفشون من بيوتهم و السبب هالشي
لاتقولين طيب هم عياله مثل ما هم عيالج .. بقولج بس هو متزوج علشان يرتاح و التربيه عليج مو عليه

انا نصيحتي لج
1- دخليها الحضانه و كلها كم يوم بتبكي و بعدين بتسكت ما بتظل طول عمرها تبكي ... و بعدين الحضانه بتعودها شوي تبعد عنج مو 24 ساعه بحضنج .. ترى هالشي مو زين لج و الله باجر تنشغلين عنها بشي راح تضبح عمرها و اللي معاها من الصياح

2- نظمي نومها و صحيها بدري كمن يوم و لا تنيميها الظهر و بس يصير الساعه 9 و لا 10 وديها على سريرها و ليت النوم و قصه و خلاص على النوم يعني على النوم ...

انا مثلا عندي بنت وولد و معاي في نفس الغرفه بس و الله مو معطلين حياتي و الحمد لله

انيمهم في وقت معين في ركنهم المخصص في الغرفه و في شبه حاجز بين سريري و سرايرهم
و بس انيمهم اعرف مليون في الميه انهم ما بيصحون لاني عودتهم انه خلاص نوم من الساعه 10 و يصحون الصبح و نوم الظهر ما يزيد على ساعتين

و بس ينامون اعيش حياتي و اسوي كل حركات الحب و الرومانسيه و الحمد لله مريحه زوجي و مرتاحه


الحزم ثم الحزم ثم الحزم

السلام عليكم ورحمة الله وبركاته

بنات...و الله كلامكم يشجعني على الحزم أكثر و أكثر...

مع إني أحب القعدة مع بنتي...يعني بس تنام أحس بفراغ كبير في البيت...

طيب خليني أبدأ أنيمها بدري شويه...بس تشفى بس من الإلتهاب اللي فيها :sad:

البنات ما قصروا ... اذا الله عطاني بيبي مستحيل اخليه يتحكم في حياتي
حرام اخسر احلى سنين عمري واخرب علاقتي بزوجي
لازم شوية حزم مثل ما قالت لك الاخت اسماء والاخت مرموم
ترى اذا عودتيها من الحين على هالشي بكرة تكبر ويصعب عليك تسيطري عليها في تصرفات ثانية اخطر من كذا
لازم انتي اللي تتحكمي في وقت نومها لانها مو صغيرة وكلميها لانها في سن يسمح لها تفهمك

بكرة زوجك يطفش ويتضايق حتى من بنته
خليه هو يكلمها
تعاملي معاها باسلوب المكافآت .. اشرطي عليها تنام بدري في سريرها واوعديها توديها الملاهي مثلا يوم ثاني
او لعبة هي طالبتها منك
ولو قدرتي تخصصي غرفة ثانية تنام فيها يكون احسن خلاص البنت كبرت تخيلي تشوفكم في وضع مثلا والبنت تظل تسأل وتتعقد

هذي مشكلة الغالبية ينيمون عيالهم معاهم بعدين يشتكون لكن لو الام عودت نفسها من البداية الطفل ينام في مكان منفصل على الاقل بعد شهور من ولادته ما كان هذا كله يصير

خليك حازمة معاها بهدوء وفي نفس الوقت بحنان وبتشوفي نتيجة حلوة .. حتى لو تعبتي شوي بعدين بترتاحين
ولو وديتها الحضانة مثل ما قالت لك الاخت اسماء شفيها لو صاحت يوم يومين
صحيح قلبك بيتقطع .. بس راح تفيديها تكون في الحضانة تتعلم شي ينفعها وبعدين ترجع البيت تلعب وتاكل وراح تتعب بدري وتنام بدري
الا انتي تفضين لنفسك شوي ولابوها

بالتوفيق

و الله العيال ترى مشاكل انا و الله انتظر بس شهور قليله ارتب اوراقي و بغير مكان سكني علشان احط غرفه للعيال بروحهم العين شقتي غرفتين وحده لنا و وحده للخدامه


و الله بقول لكم موقف صار لصديق زوجي
يقولج ساكنين مع اهله و نايم مع زوجته و ناسيين يقفلون الباب
و الجد ارسل الولد الصغير ينادي الابو للغدا و فتح الباب و الام و الابو في وضع .... العلاقه الحميميه
و بسرعه تداركوا الموقف و ليومكم الولد كل ما يشوف الجد يقول ماما و بابا و يقلد الحركه

و الله الرجالمفتشل و لا هو عارف شلون ينسي ولده هالشي

فتحذروا و اللي يرحم والديكم لا بعدين تندمون ندم ما بعده ندم