ساعدوني بنات قطر ......

ينقل لركن الاستفسارات :)

وينكم يا بنات قطر .. ادري بكم ماتقصرون ..

ريم الكواري مادري

بس امنه شاهين انا تمكيجت مره عندها من زمان وشفت مكياجها

مكياجها حلو يعني ماتشوفين فيه شي غريب كلش بس حلو

وتسوي لج اللي تبينه وتعاملها حلو وتضبط لج الرسمه

طبعا مكياجها كله مائي ورسمات العين هي نفسها اللي تشوفينها عالبنات

تسوي لج اللي تبينه وبالالوان اللي تبينها وشغلها صراحه حلو

اذكر احنا جبناها الفندق وعادي لو تبين تجيبينها وصالونها بالعزيزيه

بس هالكلام صار له سنه ومادري اذا تغير شي الحين من هذا

بس عالمكياج صراحه حلو

ان شاء الله اكون افدتج

والله كان خاطري اساعدج بس ماشفت مكياج ريم ولا امنه شاهين

ماقصرتو خواتي فديتكم ... ويعطيكم الف عافيييييييييه ....بس مكن اعرف اسم صالون امنه شاهين

مرحبا...

بالنسبه لمكياج ريم واااايد حلو وراااااقي جدا لبناني وناعم بس ناعم يبين مب ناعم خفيف شفتها مكيجه عروستين والله كانهم لبنانيات طالعين واااااااايد ستايل

آمنه شاهين ماشفت مكياجها بس صديقتي تمكيجت عندها ماتمدحها تقول رسم ودفش وخطوط والبودره تقطعت في العرس

هاي اللي اعرفه وقلته لج وبالتوفيق:shy:

احترت والله ... ماعرف حق من اروح
بس الي تعرف عن ريم اذا تجي البيت او عندها صالون؟؟؟

انا جربت مكياج آمنه شاهين
مكيجتني في خطوبتي
حلو مكياجها والكل قال لي هالشي
وطريقة مكياجها تعتمد على العين
عن نفسي انا يناسب عيني السموكي
واهيه اتي البيت او الفندق عادي

اختي احلام صغيره .. انا مب عروس يعني مكياج عادي .. تيي لي البيت ول لازم اكون عروس ؟؟

وصج عندها صالون بالعزيزييه ؟؟ اذا تعرفين اسمه خبريني ......


ولج كل الشكر

احلى بنت قوه حبوبه

على حسب ذوقج بالمكياج

ثنتينهم مكياجهم حلو

اذا انت من عشاق الستيل اللبناني عندج ريم

واذا اانتي من عشاق الخليجي عندج امنه

والله يوفقج

تسلمين فديتج شواقه .. انا بطبعي احب اللبناني .. بس ليحين ماعرفت اذا ريم تيي البيت او عندها صالون ..؟؟ فيلييت الي تعرف تجاوبني .. والي يجزيها خير

هلا اختي انا باقولج انا شفت مكياج ريم الكواري بصراحه روعه اذا انتي كنتي من النوع اللي مثلي يحب اللبناني

وانا تمكيجت عند امنه شاهين بصراحه هو كلش موب حلوووو علي بالمره يعني كانت مسيحه عيوني وايد على تحت مادري شلون والله حتى ريلي ماعجبه وتحطمت ذاك اليوم المهم

والله ومادري عن ريم اذا تبين بادز لج رقمها على الخاص وانتي سأليهااا اذا عندج اي سؤال

احلى بنت85


كان ودي أفيدج :(

وان شالله البنات مب امقصررين

مكياج ريم ماشفته بصراحه

بس امنه مكياجها روعه وحسب الطلب

انا شخصيا احب المكياج الناااااااعم والبناني
ومو اي حد يعجبني مكياجه ويطلع حلو علي

بس امنه جد جد فنااااااااااااااااانه

واذا تبين نصيحتي وانا ماتاكده انج ماراح تندمين لا وبتدعين لي بعد احجزي عند امنه

انا جربتها مره والحين بعد حجزت عندها حق عرس عندنا

وحتى امنه ضغط عندها يعني تحجزين قبل بمده

ومعاملتها حدها راقيه حبوبه وايد

والله ماعرفها معرفه شخصيه وماشفتها غير مره وحده لكن و ربي اكسبتني زبونه بمعاملتها الراقيه

اتمنى اني ماكثرت حجي عل الفاضي

وتحياتي
نونو قطر

تسلمووووون خواتي يعطيكم الف عافيه .............. بصراحه انا شفت مكياج ريم الكواري ..في مجله في جرير رووووووووووووووووووووعه .. ........بس ماقصرتو معاي ....

>>>>>>>>>>>>>>>>>>>> انا عرفت ان ريم مكياجها لبناني .. فهل امنه بعد مكياجها لبناني

هلا اختي
مادري ردي متاخر ولا في وقته
بس انشاءالله اقدر اساعدج
بالنسبه لأمنه شاهين الستايل الخليجي
الالوان وايد والاساس الثقيل الي يتغير لونه ويتقطع
وريم حلو واااايد حلو ميكاجها
بس اسلوبها واايد زفت
انا اتصلت ابي احجز عندها
تقول باشوف اذا انا فاضيه راح ارد عليج
يعني كلش ماعجبني اسلوبها
على العموم
انتي وحظج شوفيها ويمكن اسلوبها يكون
احسن معاج ويمكن يوم كلمتها كانت تعبانه
المهم انا لحين معلقه انتظر ردها علي
وكأني كثرت حجي السموحه

مرحبا...:shy:

غريبه اختي عروس قطر؟؟!!!

انا كذا مره مكلمه ريم وكان اسلوبها وايد راقي معاي :ok: , بس يمكن كانت مشغوله يوم تكلمج ولاشي , واذا انتي تبينها تمكيجج ارجعي اتصلي واكدي عليها , اغلبيه اللي يمكيجون يقولون بنرجع نتصل ومايتصلون لانهم مشغولين , يعني مدام الحاجه لج كلميها اذا تبين , بس انا الصراحه كلمه حق وحبيت اقولها لاني اعرف اسلوب ريم وايد راقي ومحترم ودايما اتعامل معاها .

وشكرا:shy: (f)

تسلموووون خواتي فديتكم وماقصرتو ,,,, بس حبيت اسئل ريم تيي البيت .. ول لازم اروح لها .. مع العلم اني مب عروس