ممكن تساعدوني ..الآيه < ان الله لايغير مابقوم حتى يغيروا مابأنفسهم>

السلام عليكم

ياجماعه انا حبيت أسأل عن معنى الأيه وعن بعض الأستفسارات بخصوصها

اولا انا اللي اعرفه من معنى الآيه ان الإنسان لازم يغير من نفسه فايتقرب من الله

عشان يعطيه مايتمناه ...

يعني انا مثلا جالسه ادعو رب العالمين انه يهديني ولكن انا

حاولت مع نفسي كثير ومع كذا أرجع أسوي هالخطأ مع معرفتي

انه خطأ فعشان انا صار عندي إحساس بالفشل مع عصيان نفسي

وعدم رغبتها في الإنصلاح فاصرت دائما أتوجه لرب العالمين بأنه

يهديني لأني أنا مو قادره على نفسي فهل في حالة عدم صلاحي

ان الله سبحانه وتعالى ماغير من حالي لأني أنا مو جالسه أسعى للتغير

بس والله انا أحاول كثير في مجاهدة نفسي لأن كلي يقين ان ربي

متى ماأراد عقابي راح يعاقبني والأنسان مو ظامن نفسه انه بعيش

لبكره فعشان كذا أنا أبغا اهتدي خاصة واني أعيش في وحده

لاعندي أحد من عائلتي لاأصدقاء ولا تواصل ولا حتى صديقات كلهم بعاد

فكان نفسي بأحد يكون قريب مني أتعلم منه وأستحي من نفسي

إني أسوي هالأخطأ خاصة مع الصلاة فأنا مفرطه فيها جداً وأكاد ماأصليها

فدائما أتوجه لربي في الدعاء مع صلاة الفجر ودائما ونا أصليها وأدعو ربي

بأنه يهديني وانه يحقق لي ماأتمناه أحس اني مو مرتاحه لأني دعيت ربي

بأنه يهديني وبنفس الوقت دعيته بأنه يحقق لي أشياء دنيويه انا أتمناها

فهل معنى كذا أن رب العالمين ماراح يستجيب دعائي مع اني أتوجه له بالدعاء

انه يهديني ... يعني انا ممكن أقول ان الأمور الثانيه اذا ماستجيب دعائي فيها

فهذا لأني عاصيه في أمور ولكن أنا الآن خايفه منه سبحانه فأدعوه

لأني بحاجه أنه يهديني لأني أخاف منه ووالله لما أدعوه أجلس أبكي من كل

قلبي لأنه ربي هو اللي خالقني كيف أقصر بحقه وهو متفضل علي بكل شئ

انا أعيش فيه الآن واولها ولله الحمد والمنه الصحه والعافيه والعيشه الكريمه

وغيرها حاجات كثيره ... أنا أستغرب من نفسي هذا ربي مو شئ عادي

اللي خلقني بكلمه وقادر انه يمحيني بكلمه فكيف أسوي كذا ...

انا ياجماعه ماأنكر اني معلقه هدايتي بالزواج كيف ؟ يعني انا لأني

أعيش وحيده في بيتنا مع اهلي ومشاكلهم وأسلوبهم اللي موكويس

وايضا بعدهم عن ربهم فعشان كذا دائما أدعو سبحانه انه يرزقني بالزوج الصالح

اللي يتقي الله فيني ويعوضني عن كل مافات من عمري ولأني دائما

أقول بنفسي انا ان طلعت من هالبيت وتزوجت انسان على خلق ودين فراح أتأثر فيه

لأني من جد دائما ادعو رب العالمين انه يرزقني فيه ويعففني بحلاله عن حرامه

وانه يرزقني بإنسان يكون عون لي في أمر ديني ودنياي من أجل آخرتي

ومعاه تكون هدايتي وتغيري ...

وبعدين اذا جلست أفكر أقول طيب أفرضي ان الله موكاتب لك الزواج

يعني معناها راح تجلسين على أمل انه متى ماجا راح تغيرين من نفسك

وتتقربين لربك طيب انا وش يظمني أعيش لهليوم وان ربي ماكتب لي وش أسوي

فهذا اللي موجع قلبي دائما اتعوذ من الشيطان ووسوسته واحاول اقبل على ربي

بالطاعه ومرات اتصدق واطلب من ربي انه يهديني بس دائما دعائي لربي

بالهدايه يكون معاه دعاء لشئ دنيوي انا أتمناه واولها الزواج عشان كذا أقول

أستغفر الله العظيم ليه لما أدعوربي انه يهديني مايستجيب لي مع اني أبغا

رضاه وطاعته وجنته انا عارفه ان ربي مو بحاجتي بس انا في حاجته

وش أسوي لنفسي اللي موقادره تقبل عليه سبحانه مع معرفتها بخطأها

أتمنى تقولي الحل ... الله يجزاكم خير