لوك على الموضه ،، مني لكم بالصور

مرحبا بنوتات ركن المكيااااج(f)

واحشيني موووووت ،، ومبارك عليكم الشهر مع اني متأخره لكن اعذروني ..


امممم في لوك مسويته من فتره ..

وكنت حابه انزله لكم ،، وقررت انزله لما افتريت في المحلات ولقيت اغلب الملابس من الكولكشنات الجديده بنفس هاللون ،، اتمنى يفيدكم او يعطيكم اي فكره بخصوص لوك العيد ..

خصوصاً اللي اختارت يكون لوكها باللون البنفسجي ..

قبل ماسوي اللوك بفتره ،، كان خااااااطري احط شادو بنفسجي ،، لكن ماكان في بالي اي طريقه ..

الى ان شفت صوره عيون عجبتني وايد وايد فحبيت اطبقها .. والخطوات وايد سهله ،، وبطريقة السموكي ..:ok: اللي احبها وايد ..


اعذروني لو الصور مب واضحه ،، لكن هذي اوضح صوره لقيتها للوك اللي اقصده
واحسن من ولاشي ،، صح :shy:

نشوف الحين شلون طبقت اللوك


بعد ما نظفت بشرتي ،، حضرتها للمكياج بأني حطيت :
الستروب كريم
والمثبت البخاخ
من ماك

في هاللوك حبيت تكون المنطقه حول عيوني افتح ومضيئه اكثر من باقي الوجه ..

وزعت فاونديشن كانيبو على كامل الوجه بفرشاة الفاونديشن من ماك 190
اعذروني في هاللوك كثير من الفرش نسيت اصورها لكم ،، لكن كلهم فرش ماك يعني ما يحتاج اكيد تعرفونهم
على منطقة العيون وزعت select cover up من ماك باللون الاصفر
وهو كونسيلر وبنفس الوقت هالدرجه تعطي اضاءه حلوه للمنطقه ..


استخدمت درجتين من البودره من كانيبو
اللي على اليمين درجتها كراميل على كامل الوجه
والثانيه درجتها 101 وهي افتح ،، لمنطقة العيون ..


مشطت حواجبي
رسمتهم بالتاتو من ميك آب فور ايفر
وثبتهم بالماسكارا الشفافه


على عظمة الحاجب حطيت من القلم : high brow من بينيفت و وزعته
وفوقه وزعت الستار باودر من ميك آب فور ايفر


بفرشاة 219 خذت من الكحل الكريمي الاسود و وزعته على الجفن المتحرك


بفرشاة الشادو خذت من باليت الشادو اللون الذهبي اللي في النص ،، شوفوه شلون حافرته هههههه :qaq:
وزعته على منطقة الجفن الثابت و موهته ..
رشيت على الفرشاه شوي من المثبت البخاخ و خذت من الجليتر الذهبي و وزعته على الشادو الذهبي اللي حطيته على الجفن الثابت ..
باليت الشادو من بورجوا
الجليتر الذهبي من سيفورا


بفرشاة ماك 219 خذت من الشادو سوشي فلاور و وزعته على القوس بين الجفن الثابت و المتحرك
ودمجته على فوق شوي


بفرشاة الشادو وزعت الشادو البنفسجي jeweltone بعدين دمجته بفرشاة الدمج على منطقة الجفن المتحرك ،، اللي في البدايه وزعت عليها الكحل الكريمي الاسود


رسمت عيني من داخل بالكحل الاسود
وبنفس الكحل رسمت عيني من تحت و موهت الكحل بالاسفنجه اللي مع الكحل ..
بفرشاة 266 المشطوفه ،، وزعت الشادو البنفسجي فوق خط الكحل ..


عقصت رموشي و حطيت ماسكارتي الحلوه من ايف سان لوران

وبجذي نكون خلصنا ميك آب العيون


بفرشاة ماك 187 وزعت البلاشر على خدودي


علبة ديور المسكره فيها شادو لونين بيج وبني ،، حددت فيهم خشمي ،، مع اني ماحب هالحركه لكن سويتها ههههههه جذي طفاسه :qaq:
و وزعت اللمعه من ماك على خدودي وعلى عظمة الانف عشان اخفف من حدة تحديد الانف بفرشاة 129


المعصاره السودا هي مثبت للمكياج يستخدم للوجه او الشفايف ،، ويعطي ملمس مخملي عشان جذي وزعته على شفايفي
وبعدين حطيت روج نينا ريتشي وقلوس ماك

وبجذي نكون خلصنا اللوك و النتيجه جذي




سامحوني على الخربطه في الصور ،، ونسياني لتصوير بعض الفرش المستخدمه

لكن اتمنى ان الشرح يكون واضح ،، وان اللوك يعجبكم

(f)
(f)
(f)