يبا يسمي بنتي عليهــــــــــــــــــــــــــــــا ......

لاحول ولاقوة الا بالله


طيب رمسيه قوليله ما نبا هالاسم .............بالكلام الدلع والرومنسيه يمكن يحس حسسيه انج تغارين
مثلا قوليله انسميها على اسم امك والا اي احد ثاني حاولي فديتج ولاتضيقين خاطرج ترى السالفه كلها اسم وبعدين اهي متزوجه يعني خلاص مافي امل لا تخلين الشيطان يلعب براسج وادعي الله يهديه ان شاء الله


الله يسهل امرج اختي

والله قهر يااختي شنو هذا لا تواافقين ابدا ابداا

بعدين تاهمي معاه شنو على اسم حبيبته مايحترمج ريلج وين مشاعرج واحساسج اسمحيلي

مايحترمج ولا يقدرج وهذا وانتي زوجته ام بنته 000

والله قهر هالرياييل 000

تفاهمي معاه يالغاليه ولا تسببين مشاكل فقط بالتفاهم


كاسكو

انا لو ريلي فكر يسويها بذبحه شو الدنيا فوضى هي !!!!!!!!!!!!! يخسي و يعقب هذا اللي قاصر بعد يسمي بنتي عليها .. جان اتزوجها يوم كان يباها .. ولو هو ياهل كل شي بيمشي على شور الاهل !!!!! استغفر الله استغفر الله .. حبوبه انتي من حقج اتعصبين و تتنرفزين وقوليها بالفم المليان لا لهذا الاسم .. بنتج و انتي تتعبين عليها و هو حضرته مستانس على الاسم .. الله يعينج والله

والله حبيبتي ماتنلامين شي يقهر وردة فعل زوجك غريبه شلون يتجرأ ويقول هالشي ؟؟
انا من رايي تكلمينه تقولينله انت لازم تحترم شعوري وماتسوي شي انت متأكد انه بيضايقني وبيخلي الناس تتشمت فيني اسأليه قوليله حط نفسك مكاني ترضى اسوي نفس اللي انت تسويه وياي؟وانت عارف كرامة زوجتك من كرامتك واي اهانه بحقي هي اهانه لك
اهم شي لا تخلينه يسميها باسمها لان هذي اهانه ولو فعلا كان جاد بكلامه مو مزح بصراحه هذا متبلد ماعنده احساس
لكن احتمال يكون مضايق منك ويبي يقهرك بس مو اكثر

رايي من راي الاخت عاشقه شانيل

اذا لزم الامر خلي امه تطلب انكم تسمون عليها او وحده من خواته خالاته عماته اهم شي لايسمي عليها ...والله قهرني زوجك هذا اللي ناقص تتعبين وتحملين وتسمين على اللي يحبها

شئ غريب بس لاتوافقين ابد حتى لو ماكان هالشئ بباله

يمكن الشيطان يزين له الموضوع ويرجعهم الاسم لبعض


الله يعينك اختي

ههه مادري اضحك مادري انقهر حبيتبي تفاهمي معاه مثل ماقالو خواتي العزيزات
والله يهديه ويوفقج وتولدين بالسلامه ^_______^

ما عليج منة لا تسمينها هالسم لو شو ما يكون قوليله بسميها على أمك عيب ما نسمي عليها أخاف أتحط في خاطرها ...................

أنا قلت له لا تحلم اسميها مريم هي اسمها مريم ...........

هو يعرف اني اعصب واغار بس بعد يغايضني كل يوم لدرجة اني كرهت الي في بطني بسبته .......... لا والقهر ان اخته تقول لي عادي سميها مثل ما يبا وهي عارفة الموضوع كله ...........

انا اول حملي يبت له بنتين وانا الي سميتهن وما قال شي ..... بس هالحمل اشوفه مهتم بالاسم ..... والله قهر يوم اقوله لا تحلم يقول منو الي بروح يسوي شهادة الميلاد أنا ..... يعني هو يقولهم يكتبون اسمها في شهادة الميلاد مريم .............

طولت عليكم عالعموم شكرا لكل الي ردوا علي وما تقصرون وفعلا كلامكم صح ....
والسموووحة منكم
أختكم
أم مهرة

لو انا منج مستحيييييييييييييييييييييييييييييييييييييييييييييييييل ارضى يسمي بنتي عليها لا والف لا طيب قولي له بسميها على اسم امك خخخخ وتكلمي قدام عمتج انج تبين تسمين على اسمها بهالطريقة مايقدر يكسر خاطر امه خخخ

لا صعبه صراحه لا توافقين

واذا تقدرين تكلمين امه او احد من خواته يقوله انهم مشتهين مثلا يسمون البنت اسم ثاني غير هالاسم

والله حاسه فيج
مع ان ماعندي ريل :(
بس حبيبتي لوشنو لاتوافقين . بس حبيبتي اهو يمكن بس بيطفرج لان اني عندج بنتين من قبل الله يخليهم لج انشاءالله
لو مهتم ليش ماسمى من قبل يمكن حبيبتي بس بيطفرج ويشوفج اتغارين عليه لاتاخذينها عناد وصراخ عشان مايعاند ويسمي عليها
تدلعي عليه وفهميه انج اتغارين عليه موت وان هالشي يمس كرامتج وان كرامتج من كرامته مثل ماقالت الاخت عاشقه شانيل
والله يعينج انشاءالله

انا مع االخوااات صج قهر!!! لاتوافقين بس حاولي تحلين الموضوع بهدوء واجهيه قوليله ليش تبي تسميها مريم ؟؟ اذا تحبني انسى الموضوع وسمها اي اسم ثاني بالدنيا ....... ترضى علي الناس يقولون زوجها لين الحين يحب فلانه ؟؟ كلميه بالعقل والله يهديه انشالله

ما عليج منة لا تسمينها هالسم لو شو ما يكون قوليله بسميها على أمك عيب ما نسمي عليها أخاف أتحط في خاطرها ...................

انا رايي من راي لب الفواد...يوم بيقولج اسمعها قولليه لا ..وقولي اسم عمتج او الاسم لاي تبينه...وتحملي يوم بتربين هو يسوي شهادة الميلاد لان اكيد بيكتب اسمها وانتو ما تدرون وعقب المفاجاة...

واذا اصر ..صارحيه وواجهيه...وشوفي رده...

لاتعاندينه

بس كلميه وتفاهمي معاه بالعقل

وقولي له يعني انت ماتهمك مشاعري ؟؟

لان شكله بس يبي يعاند

وحاولي لين تكلم في الموضوع تطنشين ولاتحرقين اعصابج

شكله يلعب بأعصابج
فطنشي أحسن وبيني انه الأمر عادي عندج
بتلقينه روحه يهون ^_^

لاحول ولاقوة الا بالله

الله يعينك من جد

قولي له هذي بنتنا وانا اللي بربيها وبهتم فيها

لاتخليني اكرهها واهملها والسبب الاسم

حاولي تضغطين عليه وقولي مب راضيه ابد على هالاسم

وحاولي تفهمين منه احرجيه قولي ليه شمعنى هالاسم

وقولي لاتخلي بينا مشاكل والسبب اسم هالبنت !!











تـــجــــمع لبنات التقويم (اللي حاطين تقوووووويم اسنان)

طريقة السينامووووووون وبالصووور

البنات ما قصروا وعطوك حلول
اهم شي ما يسميها على اسمها
والمفروض سواء يمزح لو يتكلم جد ما يقول هالكلام قدامك مراعاة لمشاعرك خاصة انك حامل
الله يتمم لك على خير ويقومك بالسلامة وتسمين البنت بأحلى الاسماء الا مريم

ترى أختي الزعل مو حلو عليك وعلى بنتك ...


أختاري اسم وأطبعيه على الكمبيوتر ووزعيه في كل أرجاء البيت وقولي الاسم لبناتك الكبار قولي لهم ماما بتجيب لكم أخ اسمها كذا ... وخليهم هم يحفظوا الاسم ..


تصرفي بهدوء حتى لا يؤثر عليك الزعل.

قولي لكل الناس إنك حامل ببنت وسميتيها كذا ....

مو هو يقول إنه هو اللي بيروح يسجلها ؟؟

طيب قولي له لو ما اتكتبت كذا ما راح لا تشوفها ولا تشوفني ولا خواتها ...

وإذا زودها قولي له : إنك بتروحي من الحين لبيت أهلك وما انت راجعة لغاية ما يتعلم يراع شعورك والكلمة اللي تضايقك ما يعود يكررها.

ترى شكله زوجك بس يحب يشوف الغيرة عليه ...


وفي ساعة صفا قولي له إنك بتغيري عليه لكن لما يتعمد يضايقك بالكلام راح تحسي بتبلد في مشاعرك والحب والغيرة راح يطيروا ...

قولي له كمان ... إذا اتسمت البنت بهذا الاسم ما راح ترضعيها ... ما راح يجبرك على إرضاعة ولا أي أحد يقدر ...

واقترح عليك .. إذا استمر لما تولدي بالسلامة ... أرضعيها قبل ما تطلعي من غرفة الولادة قبل ما يشوفها وما تخليه يعرف إنك أرضعتيها (حرام هي تدفع ثمن غلط أبوها) وبعدين قولي له ما راح ترضعيها إلا إذا جاب شهادة ميلادة بالاسم اللي اخترتيه .. وقولي له من الحين إنك واخدة الموضوع جد .. وإذا تكلم تاني في موضوع الاسم (هذا بالذات) لا تردي عليه وقولي له بس اللي عندي قلته لك. وبكرة تشوف.