مـــــــــائدة ملااااذ الحب الرمضـــــــــانيه

المقادير :
لزاينااا
لحم مفروم
2 او 3 طماط
بقدونس
بصل مفروم
معجون طماط ( انا حطيت باكيت واحد من معجون الطماط ندى ))
وجميع البهارات
جبن مبشور

خلطة البشاميل اللذيذه ماستغنى عنها سوى بالمعكرونه او الازانيا او الباستاااا

المقادير :
علبه كامله حليب مراعي طويل الاجل
علبه قشطه
4 حبات كيري
شويه جبن مبشور
ملعقتين طحين متوسطين
دهن
ملح وفلفل اسوود

الطريقه :

تسوين اول شئ خلطه اللحم المفروم
بحيث تحمسين البصل بشويه دهن وعقب تحطين اللحم المفروم ولين مايستوي ويتبخر مايه تحطين الطماط والبقدونس والبهارات ومعجون الطماط وتزيدين الخلطه شويه ماي قد بياله وغطي الجدر وخليه على نار هاديه (( انا ازيده ماي شويه علشان تطلع الخلطه مثل المرقه الغليظه ))

خليه شويه لين ماتحسين انه اووكي طفي النار


والحين نبتدي بالزانيا

تحطين الماي والملح بالجدر مع شويه دهن علشان ماتتلزق قطع الزانيا

وانا احط بس 7 حبات لزانيا بس بكل دفعه علشان مايلزقون

وخليه قد 7 او 10 دقايق
او اما تحسينه استوى
عقبها شيلي حبه حبه من الماي وحطيه بالمشخال
وعلى طول صبي عليه ماي بارد

وعقبها كملي باقي الحبات بنفس الطريقه 7 حبات وهكذا بنفس الخطوات
وعلى حسب حجم البايركس اللي عندج سوي الكميه المناسبه للبايركس

والقطع اللي اجهزت
صفيها بالبايركس طبقه وحده بس بالتساوي
وعقب حطي شويه من الخلطه (( اللحم المفروم ))
وسوي سطحه ولا تحطين وايد منه لالا حطي كميه حلوه لانه بنحتاجه حق 3 طبقات
وعقب حطي فوقه جبن موزرايلا


وعقب صفي بعد طبقه من اللزانيا
وعقب حطي خلطه اللحم المفروم وعقب الحبن المبشور

وعقب طبقه من اللزانيا وعقب اللحم المفروم وعقب الجبن المبشور

وعقب طبقه اللزانيا وخلاااااص

صارت عندنا 3 طبقات من اللحم المفروم (( انا ماكثر عن ال 3 طبقات ))

وعقب تحطين البشاميل

وطريقه البشاميل :

تحطين دهن
وعلى طول تحطين الطحين فوقه وتخلطينهم بنفس بخفاقه البيض ( اللي كلها حدايد متداخله مع بعض علشان الطحين الطحين مايتكتل )
وعقبها صبي الحليب كلللله
وحطي القشطه والكيري والملح والفلفل الاسود وشويه جبن مبشور
واقعدي اخلطيهم عدل مدل بنفس الخفاقه علشان تنتفين الكيري عدل ومايتكتل عندج


وقبل ماتصبينه فوق اللزانيا

اخذي شوكه واغرسيها شويه بالزانيا علشان البشاميل يدخل داخل وهيك يمي يمي

وعقبها حطي البشاااميل بالكميه اللي تبينها
وشويه جبن مبشور
ودخليه الفرن على نار منخفضه شويه
وبس

جربوها ترها لذيييييذه

والبشاميل هاي لذيييذ بصراحه بس الاهم انكم تضبطون الملح

وراح احط لكم طريقه الباستاا ومع هالباشميل بس ازيد عليهم كريمه

المقادير
معكرونه اي نوع تحبين
فلفل بارد (( اصفر واحمر واخضر))
جزر
كوسا

وكلهم تقطينهم بشكل طولي ورفيع

البشاميل

طريقه وحده عندي للمعكرونه والزانيا والباستا بس الباستا اضيف عليه نص باكيت كريمه مالحه

المقادير :
علبه كامله حليب مراعي طويل الاجل
علبه قشطه
4 حبات كيري
شويه جبن مبشور
ملعقتين طحين متوسطين
دهن
ملح وفلفل اسوود
نص باكيت كريمه مالحه


الطريقه :

تسلقين المعكرونه بملح وشويه زيت

وفي هالاثناء
تحمسين الفلفل بالوانه والجزر والكوسا
لين مايستوون عدل مدل

وتكون المعكرونه استوت وشخلتيها
وردي حطيها بجدر وحطي فوقه الخضروات

والحين تبتدين بالبشاميل او الوايت صوص

وطريقه الوايت صوص :

تحطين دهن
وعلى طول تحطين الطحين فوقه وتخلطينهم بنفس بخفاقه البيض ( اللي كلها حدايد متداخله مع بعض علشان الطحين الطحين مايتكتل )
وعقبها صبي الحليب كلللله
وحطي القشطه والكيري والملح والفلفل الاسود وشويه جبن مبشور والكريمه المالحه
واقعدي اخلطيهم عدل مدل بنفس الخفاقه علشان تنتفين الكيري عدل ومايتكتل عندج

وتحتاجين تزيدين ملح اذا احتاج <<< خخخخخ انا اخلي خدامتي تذوق مع ويهها المنتفخ هههههههههه


التقديم :

قبل الفطور بشوي
حطي الصوص فوق المعكرونه والخضروات واخلطيهم وحلو لو كان الصوص اكثر من المعكرونه تطلع لذيذه
وعلى طول اكليه هم هم

والحلو انج تصبين الصوص قبل التقديم علشان الصوص مايصير كثيف وجامد

واتمنى يعجبكم

السلطه تتكون من
خس <<<بس ماكان عندي ماحطيت
وجزر
وخيار
وفلفل بارد
وطماط
وزيتون اخضر مقطع

والكميه بللي تبينه حبيبتي

وتقطعينهم صغار صغاااار
وتحطينهم بمله غزيره وتضيفين عليهم جبنة فيتااا وتخلطينهم يميع لين مالجبنه تسيح معاهم

وعقب تضيفين صلصله رانش <<<<< لذيذه مع السلطه

وبس لاتحطين ملح ولا شئ

وعقب كنوع من التزيين حطي على الويه جبنه فيتا وزيتون اخضر

وان شاء الله تعجبج

وهالطريقه ماخذتها من هند الغاليه
بارك الله فيها