زوجي يحب وحده غيري

السلام عليكم ورحمه الله

بنات يمكن مشكلتي ماتكون بهاا حل بس مجرد فضفضه ماادري

بنات راح ادخل لكم بالموضوع

انا بنات متزوجه صار لي الحين ثلاث سنين وشووي وعندي بنت ومتزوجه ولد عمي ماكاان بينا حب ولاشي عادي زواج الاهل اهو احسه طيب فعلا ويحاول مايقصر معاي بس دايما سرحان مهموم يفكر اغلب وقته عالكمبيوتر من يوم تزوجناا لحد هالثلاث سنين وانا عادي كنت احسب الوضع كله يقول لي مع الاسهم لحد مايوم مااكنت اسولف لصديقتي وانا ماقعد عالكمبيوتر ولاعالنت ولاافهم شي وصديقتي جدا مقربه مني وشكيت لها الحال وهي ماشاء الله تفهم في هالسوالف والكمبيوتر والانترنت وقالت لي زوجج جلسته موطبيعيه عالنت اكيد وراه شي مومعقوله ليل نهاار اسهم وشغل وقالت لي ونزلت لي برنامج يحفظ اي حركه اتصير بالجهاز مخفي اوشي زي كذا موفاهمه بالضبط وان سوت صديقتي اطار محادثات الماسنجر يتخزن في ملف والملف هو ماراح يدري عنه ولايشوفه وبعد مانزلت صديقتي البرنامج تقريباا شهر صار ماقدرت تجي صديقتي وانا اخاف اسوي شي انكشف لان خبرتي قليله وايد وبعد ماجات صديقتي بعد شهر بعد مانزلنا البرنامج انصعقت يابنات من هول اللي شفنااااااه بنات اكتشفت زوجي يحب وحده مو يحبه الايموت فيهاا وهي اتحبه وتعشقه بشكل جنوني قرينا كل المحادثات انصدمت فعلا كلام حب وغزل كبير وشوق ووله وانا عمري ماسمعت هالكلام منه ماكنت ادري انه مفتون بحب وحده ثانيه لهالدرجه وصديقتي كانت اتصبرني ماتقصر الله يجزاها خير اتهديني واتقول لي صبري خلينا نصبر وانشوف شنو اللي بينهم بالضبط يمكن علاقه عابره ولالعب وتمينا فترره طويله انراقب المحادثات والبرنامج اللي خاشته صديقتي يسجل كل حركه بالجهاز وبقوول لكم شنو اللي عرفناه وقريناه بعد فتره المراقبه الطويله وحرق الاعصاب زوجي يعرفها من قبل مايتزوجني بفتره بسيطه والمشكله اللي عرفت ان زوجي اللي حبها مو هي بنات البنت اتقول له مابي اخرب عليك حياتك خلنا نفترق وماكنت تدري بالاول انه متزوج من الكلام فهمنا جذي اتقول له ليش ماعلمتني خدعتني حرام عليك استاهل جذي احنا لازم نفترق وزوجي اللي متمسك فيها يابنات كان ودي ادعي عليهاا بس ماقدرت تتخيلووون ماقدرت وانا اشوفها اتقوول خلنا نفترق انا مابي اخرب على حد حياته شوف نصيبك ومستقبلك حتى لوماتحبها مع الايام بتحبها يمكن بس عط نفسك فرصه اتحبها وانا مسامحتك على كل شي غلطت فيه بحقي عورني قلبي يوم اقرى كلامها وكلام كثير قريته كاتبينه لبعض وزوجي متمسك فيها بشكل جنوني ويبي يتزوجها وهي تبيه بس وايد امور صعبه يقول لها زوجي ابي اتزوجج ويشرح لهاا وضعه الماادي وهو مفلس زوجي صدق وحالته الماديه زفته وهي بديره ثانيه واحنا بديره واقرى الكلام اللي يكتبونه لبعض وانهم يبون بعض بس صعب ومايقدرون احس اني بموت ماقدر استحمل وبغيت اموت اكثر يوم البرنامج سجل كل حركه بالجهاز بنات اتعرفوون شنو شفت هو مشغل لها كميرا الكمبيوتر وهي بعد بنات قطعه البنت جمال وربي جمال موطيبعي وزوجي منهبل عليها وهي ميته على زوجي واتحبه واتقول له حتى لوبعدنا بتم احبك وعد ويقول لها وانا اوعدج لوبعدنا عن بعض بيوم انتي اتعرفين حبج وبتم احبج لومهما يصير وربي مستحيل احب غيرج واتقول له لازوجتك يقول لها ولاهي الحب مب بكيفي حتى لوماعرفتج بحياتي وماكنتي مابحبها يعني انا مابحبني لومكانت هي بحياته حبيبته بعد مابيحبني وانه تزوجني عشان يرضي ابوه وعمه لاني بنت عمه بنات دموعي اذبحتني ماعرف اكمل بنات يقول لها لاتعذبين نفسج اكثر وتلومين نفسج صدقيني انتي مالج ذنب نصيبا جذي تخيلوا لاي درجه بنات يوم قريت مره انهم هدوا بعض وخلاص طريقهم مسدود شفت زوجي في البيت بينجن سرحان ويفكر وحالته حالته مايناام عدل صار له اسبوع على هالحال وانا احترق وانا اشوف هاي كله وخايفه في نفس الوقت يكشف ان احنا نتجسس عليه بس صديقتي فنانه وهي مهندسه كمبيوتر وتفهم واتقول لي لاتخافين ماراح يدري انا تعبت بنات اهو للحين على علاقه معااهاا
ادري مافي حل حتى لوهدها ماراح يحبني بعد الكلام اللي قريته ماراح يحبني بعد الحب اللي بينهم تاكدت انه بيعيش عمره كله معاي عادي من دون حب وقال لها هالكلام مابقصر معاها بشي وبسوي لها كل اللي تبي مو كل المتزوجين يحبون زوجاتهم

بنااات انا تعبت تعبت خلاااااص