تغيير الحفاض في الليل

[blink]السلام عليكم ورحمة الله وبركاته..[/blink]

عزيزتي لازم تغيريله ولا بيجيسه التهاب.. وهو بنفسه بيتاذى وبيصحى وبيصحيج.. لان اليهال ما يحبون شي مبلول يتاذون منه.. اتغيريله احسن مما يقوم ويصيح وتتاذون مع بعض.. بس نصيحتي لبسيه طفاره شرات البامبرز بس من بلاستيك اتغيرين الخلقه القطنيه الي داخل بس.. ويكون خفيف وااااااااايد.. ويتواجد بالجمعيه بكثره..
وعادي في هالسن النونوات تكرمين يبولون ورى بعض.. لانهن يشربون حليب يعني سائل..

أختى الله يكون بعونك ويحفظ لك حمودي،،،
عن تغيير الحفاض، آنه بصراحة ما كنت آقوم مع كل رضعة وأبدل حفاظة ولدي، لأن أحيانا مو متسخة كثير،، أنت حاولي قبل لا تنامين تبدلينها وعقب الرضعة شوفي متسخة وايد او لا،، طبعا إذا لا مايحتاي تقومين تبدلينها يعني إن شاء الله مافيه شي للصبح...

هلا عروستنا الحقيقة انا كنت احمم اولادي والبسهم حفاضة جديدة طبعا وانيمهم ولما يصحو ارضعهم وبس ينامو على طووول وما اغير الحفاضة الا على الساعة 4 او 5 الفجر

وانتي ممكن بخبرتك تعرفي ايش الطفل بده يعني اذا كنتي مغيرة الحفاضة مالك وقت طويل وبكى الطفل رضعيه اذا حسيتي انه هدأ ونام خلاص ماله داعي التشييك على الحفوضة وازعاج طفلك

اما اذا رضعتيه وضل يبيكي مثلا فشيكي على الحفوضة ممكن تكون مدايقته

وربي يخليلك ابنك ويحفظه يااارب

انا كنت اغير لهم الحفاظ وانيمهم وخلاص ابدلها على الفجر يعني يقعد مرة ومرتين يرضع وينام على طول بس الفجر ابدلها له وبعدين ارضعه وينام وبنتي نفس الشي

يزاكم الله خير

هذا اللي انا اسويه

ابدل له الحفاض عالساعه 12 و بعدين عالساعه 5 او 6 اذا بس بول
بس احاتي انه خلال هالساعات مب زين اخليه
مع انه والحمدلله يكون نايم مرتاح بعد ما يرضع فحرام اوعيه

حبيبتي الله يحفظ لج حمودي وحاولي بهاذا العمر تخلي الحفاظه عليه اربع ساعات وماتزيد واستخدمي ماركة بامبرز مريحه وتمتص البلل

حرام ولدج واااايد صغير تخلين الحفاظة عليه 5 أو 6 ساعات...أنا ولدي كان بصراحة كل ما ينش بالليل أغير له، ولا تحاتين ما بيطير نومه بعده صغير بيرضع وبينام...ترى البلل وااايد يضايق الطفل ويخرب نومته

انا بخبركم عن تجربتي مع عيالي و انتوا لكم حرية الاختيار

انا عيالي من يطلعون من الاربعين امتنع كمنعا باتا عن تغيير حفاظاتهم بالليل الا اذا صحوا و هم موصخين الحفاظه ابدلها
بس غير جذي اذا بول و انتوا بكرامه ما اغيرها لانه تغييرها يطير النوم من عينهم

بس اول ما يصحون الفجر اغسلهم بصابونة السيباميد و اخليهم ساعتين اواكثر من غير بامبرز علشا نجسمهم يرتاح من حرارة البامبرز بالليل و الحمد لله مرتاحه وياهم و لا التهاب و لا صياج بالليل

حتى الجليب بس يكملون شهرين اقطعه عنهم و الحمد لله الف مره من يكملون 3 شهور ارتاح و يرتاحون من ينامون ما يصحون الا الصبح إلا في حالة كانوا لا قدر الله تعبانين و لا فيهم شي


دمتم بود

Aryam:
حرام ولدج واااايد صغير تخلين الحفاظة عليه 5 أو 6 ساعات...أنا ولدي كان بصراحة كل ما ينش بالليل أغير له، ولا تحاتين ما بيطير نومه بعده صغير بيرضع وبينام...ترى البلل وااايد يضايق الطفل ويخرب نومته

شكرا على مرورج الغاليه بس اتوقع كل طفل غير عن الثاني لان ولدي حتى لو كان في سابع نومه من اغير له الحفاض وهو نايم خلاص يصحصح و ما يرد يرقد و يخترب نومه و مزاجه و نومي..اصلا اتذكر في المستشفى كانوا يقولون لي اذا بغيتي ولدج ينش عشان يرضع (لاني اول ما ولدته كان كله يرقد وما يطيع يرضع لانه راقد) غيري له الحفاض وهعلى طول بيصحصح و بالفعل هذا اللي كان يستوي..والحمدلله ولدي ما يضايج من البلل لاني احط له طبقه من سودو كريم كل ما اغير له ..فاعتقد يحمي جلده من الالتهاب

سحايب دبي:
انا بخبركم عن تجربتي مع عيالي و انتوا لكم حرية الاختيار

انا عيالي من يطلعون من الاربعين امتنع كمنعا باتا عن تغيير حفاظاتهم بالليل الا اذا صحوا و هم موصخين الحفاظه ابدلها
بس غير جذي اذا بول و انتوا بكرامه ما اغيرها لانه تغييرها يطير النوم من عينهم

بس اول ما يصحون الفجر اغسلهم بصابونة السيباميد و اخليهم ساعتين اواكثر من غير بامبرز علشا نجسمهم يرتاح من حرارة البامبرز بالليل و الحمد لله مرتاحه وياهم و لا التهاب و لا صياج بالليل

حتى الجليب بس يكملون شهرين اقطعه عنهم و الحمد لله الف مره من يكملون 3 شهور ارتاح و يرتاحون من ينامون ما يصحون الا الصبح إلا في حالة كانوا لا قدر الله تعبانين و لا فيهم شي


دمتم بود

شكرا على ردج الغاليه..والله يخليلج عيالج

بس قوليلي كيف تقطعين الحليب عنهم؟؟

قبل لا ينام غيريله ؟؟
بس مرات ما يضيق من الحفاظ اذا كان بس بول ؟؟

رايي من راي الاخت الدمشقية انا كنت كل ما تقعد بنتي اغير لها الحفاظ بعدين هي تعودت على جذيه صارت لو اقل بلل في الحفاظ ما تنام الا اذا بدلتها لانها تعودت على النوم المتقطع ، يعني انت رضعيه اذا ما رجع نام بدليه

الله يخليج ولدج أنشاء الله


من يبت ولدى وانا اسوى جى أسبحه قبل لاينام واحطله كريم اسمه سودوه وارقده ولما يصحى عشان الحليب اجيك أن البمبرز مو متروس اخليه واذا متروس اغيرله 0بول طبعا 0
ولما يقوم اعقله الحفاظ واغسله واخليه فتره بدون حفاظه عشان جلده يتنفس

لان الطفل جلده حساااااس ولازم تغيريله ولا بتعقين نفسج فى دائرة الالتهابات وانت فى غنى عنها لانه والله بيجننج من الصياح عن تجربه ولدى حسس منى وهو فى الاربعين وخبلنى لمدة 4 ايام
مو لازه تودينه الحمام وتعفسين عمرج حطى عدالج كم فوطه ودلة الماء طبعا عدالج لما يقوم مسحى بلفوطه المخرستنها ماى بدليه ورقديه

شكرا علئ هذا الموضوع