مقهوره من الشغل بالبيت لوحدي ... ومرض اخوي اتعب نفسيتي

السلام عليكم

خواتي مدري وش فيني من ثاني رمضان ونا مقهوره على نفسي لاني اشتغل بالبيت

لوحدي مامعاي احد يساعدني ابد ..

غير كذا جالسه بلحالي بالبيت محد يكلمني ولا احد يتصل علي ..أصدقاء مايتصلون

وان اتصلو حدهم بس هلا كيفك وش اخبارك وكلها 3 او 5 دقايق ومع السلامه

مافيهم وحده قريبه مني زي الأصدقاء الحقيقين اللي تكون مره مع صديقتها

تزعل لزعلها وتسمع لها وقت حاجتها حاسه نفسي محرومه من كل شئ

من نعمة الأهل ومن نعمة الأصدقاء ومن نعمة الخوات البنات مافيه حد قريب مني

يعني حاسه نفسي دائما كئيبه ومهمومه وصدري ضايق موحاسه انه فيه حد

يحبني لامن الأقارب ولا من الأصدقاء الكل علاقتي معاهم صايره سطحيه مره

مافيه تآلف زي ما أسمع من بعض البنات وهم يتكلمون ويقولون والله انا أمس

رحت مع بنات عمي ولا خالي ولا اي حد من اهلهم او حتى كلموهم بالتلفون

او حتى وهم يتكلمون عن أصدقائهم وهم يقولون والله أمس جلست أسولف

مع صديقتي يمكن ساعه او يذكرون مواقف تقديريه حصلت بينهم وبين

أقاربهم او اصدقائهم انا هذا كله محرومه منه تصدقون فيه إنسانه مثلي

24 ساعه جالسه بالبيت صحيح انه ماعندي شي ويمكن تقولون اجل ليه

متضجره من الشغل او الطبخ بالبيت وبرمضان الان دامك فاضيه هالقد

راح اقولكم انا تعبانه نفسيا لأني مو حاسه اني طبيعيه مثل هالعالم انا

إنسانه اجتماعيه مقدر أعيش الا مع الناس مع أصدقاء مع جماعات ماحب

أعيش لوحدي عائلتي ناس موعارفه وش أقولكم عنهم من جد حتى لو كان

عندهم بنات من عمري فاهم مايستاهلون وحده بطيبتي وأخلاقي تحتك فيهم

لأنهم سيئين المعامله معي عشان طيبتي لأنهم لما يشوفون طيبتي يبتدون

يهينون فيني ويغمزون ويلمزون علي في وجهي مو بس من ورى ظهري

يعني الأبواب مقفله من كل جهه ..

والأصدقاء للأسف احس ماعاد عندي طاقه اكون صداقات جديده واتعرف على

اخلاق بنات تناسبني اخلاقهم وبنفس الوقت ماأخطئ خطئي في صداقاتي

اللي الآن اللي الوحده فيهم تجلس بالشهور ماتسأل عني واذا تذكرت وأتصلت

قالت يا الله والله على بالي من زماااااااااااااااان بس الان فضيت وقلت أكلمك مع

انهم عارفين بظروفي واني ماعندي أصدقاء من عائلتي بس مافيهم وحده تحس

بس دائما اقولها لهم صدقوني لو تغيبون عني سنين راح ترجعون تكلموني

وتسمعون ترحيبي وتحسون ببتسامتي لأني انا أنسانه مايغيرني الزمن

بس للأسف هم مايرجعونلي الا وقت مايكون في حاجه لي بس ويبغون يرتاحون

نفسيا اما وقت ما انا أحتاج لهم ماألاقيهم ..

غير كذا لان أصدقائي كلهم من عوائل الحمدلله طيبه بس بعكس عائلتي انها معروفه

وكبيره بمنطقتنا فامايزال داخل أنفسهم خوف من أني أرفع نفسي عليهم عشان كذا

مايبغون يتعاملون معي بشكل عادي عشان هم يبغوني انا اللي أكون بحاجتهم وانا

اللي أجيهم .. وش أصعب من كذا شعور إحساس بالوحده مع وجود ناس كثيره حواليك

وطبعا جا وكمل ضيقة الصدر عندي مرض أخوي خلى نفسيتي تحت خلاص مو قادره

تعبت نفسيا .. انا أفكر فيه ولا أفكر باللي حصله وخايفه عليه ... وودي برجعته اليوم

قبل بكره سالم ومعافى يارب العالمين ..

يعني أحس نفسيتي زي الزفت ومن كثر ما أنا مقهوره احس جالسه اطلع قهري بالأكل

ونا هذا اللي خايفه منه لأني تعبت على نفسي كثير عشان أنحف والان أحس مع هانفسيه

ان كل شئ بيخرب فعشان كذا جلست أبكي الآن حسيت بضيقه مو طبيعيه ..

قلت لازم أجي وأفضفض هنا كل اللي بخاطري دام مافيه حوالي ناس تسمعني

وتاخذ بخاطري .. على الأقل بالنت فيه عالم كثير ممكن تسمعني وتشاركني وتخفف عني

انا عارفه اني كل مره أثقل عليكم أكثر من المره اللي قبلها بس والله يابنات

الله لايحطكم في مثل اللي انا فيه من تعب .. يمكن فيه ناس تقول عادي مافيها شي

اما اللي عايش مثلي وفي وضعه وحبه الأجتماعي اللي مو حاصله وان حصل

راح يكون هالوسط ماهو مريح لأنهم هم نفسيات مريضه تتكلم من خشمها وعلى أيش

مدري ... فعلا مو عارفه ليه بعض الناس تستخسر انها تتكلم بمحبه واحترام مع الآخرين

ولاكأنهم الا بينقص شي منهم .. انا لأن قلبي مو مثلهم فعشان كذا هالفئه من

الناس ماتناسبني حتى لو أنهم من عائلتي ولكن انا اخلاقي مو مثلهم اذا أحنا

ضدين مانجتمع مع بعض ...

وبكذا أكون فقدت التواصل مع الناس... والله يكون بالعون يارب :sad: