تبييض الأسنان

:D:cool:بنات أنا قرأت فى المنتدى من كام يوم مواضيع عن تبييض الأسنان و أحب أحذركم لأنى فى كلية طب أسنان
أولا ممنوع منعا باتا انك تستخدمى أى شىء لفرك أسنانك سواء الفحم أو الليمون لأنها مش بتبيض الأسنان دى بتبرد طبقة المينا الى بتغطى الأسنان :confused: و طبعا ده خطر جدا لأن الأسنان بتتكون من ثلاث طبقات enamel ( طبقة المينا ) و Dentin و Cementum و كل الطبقات لو اتبردت ممكن انها ترجع تانى الا طبقة المينا لأنها مالهاش خلايا ممكن تكونها تانى يعنى عاملة زى الأعصاب الى فى المخ لو تلفت عمرها ما ترجع تانى :(
و على فكرة لون الأسنان بيتدرج من الأبيض الرمادى و حتى الأصفر الفاتح :)يعنى مش لازم كل الناس تكون أسنانها بيضاء و لون الأسنان بيعتمد على لون البشرة يعنى كل ما كانت بشرتك فاتحة كل ما أسنانك كان لونها مدى على أصفر و كل ما كانت البشرة غامقة كل ماكان لون الأسنان أفتح و دى حكمة من ربنا عشان الشكل العام يبقى مقبول و لو تلاحظوا دايما الزنوج بتوع أفريقيا تكون سنانهم بيضاء جدا
يعنى تبييض الأسنان ده وهم و بيضر
أهم شىء تكون الأسنان نظيفة و خالية من التسوس ومن الصبغات بتاعت الشاى و السجاير و القهوة
أتمنى انى أكون أفدتكم و أى سؤال عن الأسنان أنا فى الخدمة(l)
أختكم مروة ;)