أباكـــن ضروري .. أهــل الامارت

B

Bent RAK

عروس مشاركة

24-09-2006 | 04:03 PM

السلام عليكم ورحمة الله وبركاته

أنا عروس يديده عندكم .. من راك عزكم الله :gum:

بغيد أتنشد عن محلات تأجر فساتين العرس ؟؟ و بعد الصالونات ..؟؟

أنا اريد محلات التأجير و الصالونات .. تكون بـدبي أو الشارجة ... مب بوظبي (بعيد عليه)

بالنسبة للصالونات ما اعرف شو أختار ..

عاشة البحرينة .. مادونا خوري .. ( للمكياج )

ايمي الفرنسية .. مــــاتيلد .. ( للشعر )

أريد حد يقولي عن تجربة .. لأني بصراحة عرفتهن من عندكم .. ما ادري بشغلهن !!
و بعد أريد أعرف عن اسعارهن ؟؟ يعني كم يعدلن العروس .. ؟؟

لأني سمعت عاشة البحرينية تاخذ اكثر من 10000 درهم ..

و بعد سمعت عن صالون ايمان في دبي ، يعدلون كشخة .. شو رايكم ؟؟؟؟

معلومة صغيرة .. أنا تناسبني الكشخة اللنانية :shy: ..

و أنا محطي في بالــي ( تأجير فستان العرس + الصالون ) يباخذ مني 10000 درهم مب أكثر ..

فالو سمحتوا ساعودنـــي ، لأنــي صج متوهقه :sad: ..

و يزاكم الله خير :salam:

ا

العروس سوسو

عروس فضية

24-09-2006 | 04:25 PM

يارب يفيدوك البنات والله يوفقك ويهنيك

o

ox3xo

عروس مشاركة

24-09-2006 | 04:35 PM

إختي شوفي أنا من العين و من شهر مخلص عرسي و فستاني مفصل عند وليد عطا الله و الفستان وااايد حلوو و هاديء و فيه فخامه إذا مهتمه فالموضوع طرشيلي عالخاص

B

Bent RAK

عروس مشاركة

24-09-2006 | 08:14 PM

العروس سوسو .. تسلمين خويتــي الغالية

ox3ox .. إختي الغالية طرشيلي صورة الفستان ، و إن شاء الله يصير خير ^_^

د

دمدماني

عروس مشرقة

24-09-2006 | 08:18 PM

شوفي منى الحمادي مكياجها روعه

ن

نوووسهUAE

عروس ماسية

25-09-2006 | 01:15 AM

صالون ايمان يمدحونه البنات

عندهم وحده اسمها زرينة ونيدو

وعندج ماغي لبنانية حلووو مكياجها

وعندج ندى بس للاسف ماعرف رقمها

ومادونا خوري حلو بس لاحظت انه كله تستخدم الالوان الترابية والبرونز للعروس

وصالون هستي شفت الصور في موقعهم عجبني شغلهم

وعندج بعد فاطمه ال علي يمدحونها البنات وهي من الشارجه

بس اهم شيء انتي لازم تشوفين مكياجهم لانه الناس اذواق

اما عن الفساتين انا بس اعرف ام جاسم وفساتينها حلووه
وهي من الشارجه

وبالتوفيق

f

feedback

عروس ماسية

25-09-2006 | 01:20 AM

للاسف ما عرف غير في بوظبي

b

b7o0or_ashoq

عروس مبدعة

25-09-2006 | 02:10 AM

هلا والله بنت راك أول شي بالبركه ان شاءالله ........ ثاني شي صالون ايمان يمدحونه

وبصراحه اذا كنتي سمره والا حنطيه روحي مشكوبار لانه مكياجهم حلو للسمر شفت كذا وحده سمره متعدلين عندهم فاعراسهم بس طالعين روعه

وللفستان استاجري من عند الحريم الي يأجرون فساتين يراعون شوي فالمبلغ والتعامل

انا قاعده اقولج كل هذا وعرسي شهر 12 وللحين انا الي ماجهزت شي ابدا

الله يوفقج ان شاءالله

B

Bent RAK

عروس مشاركة

25-09-2006 | 04:09 AM

دمدماني .. تسلمين إختــي ، من وين ؟ .. و عندج رقمها ؟

نوووسه .. تسلمين و الله عزيزتــي .. الصراحة احترت ، ما اعرف وين اروح ؟؟
بالنسبة لصالون ايمان مكياج رزينة ، لكن الشعر منو ؟؟
وين بالضبظ صالون ايمان .. عسب اطالع شغلهم ...
ممكن تعطيني رقم أم جاسم ... ؟
انا روحت عند ام محمود ، فساتينها مب لين اهناك .....؟؟ :confused:

feedback .. تسلمين الشيخة .. مرور طيب

b7o0or_ashoq .. أهلين .. الله يبارك فيج .. صدق !!!!
أنا يناسبني المكياج اللبناني و أنا بشتري بيضه تقرييبا ..
انزين ،، منو من الحريم ألي تعرفينهم يأجرن فساتين اعراس ، بس اتكون وااااايد حلوة ؟؟

B

Bent RAK

عروس مشاركة

25-09-2006 | 04:12 AM

أنتظركــــــــــــــــــــــــــــــــــــBent RAKـــــــــــــــــــــــــــــــــــــــن

ع

عيون_المهـــا

عروس مشرقة

25-09-2006 | 05:10 AM

ألف مبروك حبيبتي ..

وان شااء الله تتيسر كل اموورج .. وتطلعين أحلى عروس ..

حبيبتي .. انا أنصحج تتعدلين عند عذبه ... بصراحه ميكبها خباااال وتغيرج 180 درجه ..

وهيه عندها كوافيرات تتعامل معاهن وشغلهن حلو ..

أما بالنسبه لايجار الفساتين .. عندج ريم من الشارجه ,,

بس شي معلومه بسيطه ابا اوضحلج اياها .. اذا انتي محطيه بس 10000 حق الفستان والصالون .

الاحسن لج انج انتي تسيرين عندهم الصالون وماتيبينهم عندج لانه هالشي بيكلفج وااايد وخاصه انج من راك ..

وان شااء الله تحصلين فستان حلو ,, وبسعر زين .. وربي يوفقج ^_^

B

Bent RAK

عروس مشاركة

25-09-2006 | 07:57 AM

هلا و غلا إختـــي

الله يبارك فييييييييييييج يا رب :shy:

تسلمين إختــي على الرد الحلو

إن شاء الله بروح اطالع شغل عذبة .. إذا الله راد و كتب ..

بالنسبة لفساتين ريم .. ما تعجبنـــي

روحت لها هذك اليوم ، عسب فستان ملجة .. ما حصلت ولا شي عدل

إذا تعرفون حد يأجر فساتين حلوة .. فلا يبخل علينا

و أسأل الله لنا ولكم التوفيق ^_^

م

مــوظي

عروس مبدعة

25-09-2006 | 11:30 AM

(f) اولا مبروك اختي

انا من بوظبي وما اعرف حد الا في ابوظبي كنت اتمنى افيدج

السموحة:shy:

ا

الــوافــيــه

عروس مبدعة

26-09-2006 | 11:15 AM

السلام عليكم ورحمة الله وبركاته..

هلا بنت راس الخيمه.. ألف ألف ألف مبروووووووووووووك

وأنا باخذ واحد منكم وفيكم يعني من راس الخيمه أنا مخطوبه وإن شاء الملجه

يا بشهر 3 أو 4.... أدعيلي إن الله يتممه على خير....

بالنسبه لطلبج هني عندنا في دبي صالونات كثيييييييييييييره..مب شرط إنج

تروحين عند خبيرة تجميل خاصه بالعكس حتى اللي يشتغلون في الصالون

شغلهم رووووووووووعه تراج اول شئ بتسوين بروووووووفه عالشعر والميكب

عقب بتحكميييييييييييين...

أكيد تعرفين سوق حمريه المركزي إللي عندنا حتى إللي من الفجيره يون

عندنا... في هاسوق شئ صالووووووونات بالنسبه للحنه صالون باديه

روووووووعه والشعر صالون فلورى و رد دور..

أما الميكب فالصراحه مب عارفه منو أحسن...

أما بالنسبه للفستان.. في شارع الرقه محلات بالهبل سواء لفساتين العرس

أو للملجه.. بنت خالتي أجرت فستان العرس من محل شارم في شارع الرقه

وهالفستان قيمته للتأجير 8000درهم والفستان يهبل وااااايد حلو...

حتى مب لازم تلبسين عقد في العرس بس حلق وسواره لأن الفستان صوب الرقبه

فيه شغل كأنج لابسه عقد حت إللي كانو يايين في العرس تخبلوا عالفستان...

ليش تسيرين عند مصممين وتخسرين فلوس زياده مدام المحلات متوفره...

أتمنى إني أفدتج والله يوفقج....

د

دار زايد 2

عروس مشاركة

27-09-2006 | 02:45 PM

بنت راك متى عرسج لازم تحجزين من وقت ؟؟؟؟؟؟؟؟؟؟؟

ف

فراشة الشارجة

عروس رائعة

30-09-2006 | 01:02 PM

مرحبا خيتوو

اذا تبين فستان العرس او الملجة

انا عندي فستان العرس وملجة

في بيت خالتي في عيمان انتي تعالي وجوفي الفستان

رقم تليفوني اذا تبين اتجوفين الفستان بطرشلج على الخاص

بأجرلج الفستان ب 4500 درهم

وماكياج عند نجلاء النعيمي مكياجها رووعة

والشعر اكثر من رووعة و بسعر حلوو

اي استفسار على الخاص

اختج فراشة الشارجة

ا

الامـــارات

عروس مبدعة

30-09-2006 | 08:18 PM

Bent RAK:
لأني سمعت عاشة البحرينية تاخذ اكثر من 10000 درهم ..

هـــالكـــلام غلــط ..!!!

اتصلي بهــا واسئلي وهيهـ بتخبرج كم السعــر ..