كريم الأساس , اللي الكل يسألني عنه ..

مرحبا بنات ,
شلونكم ؟ :)


أدري ان موضوعاتي وتواصلي قليل وياكم , لكن اللي تسمح لي فيه الظروف , والأهم اني ما أحب أحط شي ما أكون مجربته شخصيا .. وضامنه نتيجته ..

ويمكن اللي بأقوله مو شي جديد , لكن كتجربة حبيت أقولها يمكن أحد يستفيد منها ..


وآنا والله العظيم كل مره أحطه لازم أحد يسألني عنه , شنو حاطه لـويهج

وهو : دير ماكول (رقم 212)
أحط براحة يدي بكبر حبة الحمص
وأحط فوقه كريم اساس برجواز ( haapy light) - (رقم 10)
اخلطهم مع بعض حتى يصيرون كريم واحد وهم براحة يدي .. وأوزعه ع ويهي ..
وبعدها أحط بودرة سمايلنق اللون الطبيعي (رقم 6) ..

وآنا اختار هالرقم من سمايلنق لأن الديرماكول فاتح وايد ولما أخلطه وأحطه بويهي ,,أهدّيه شوي ببودرة لونها طبيعي ..

بجد : يطلع رهييييييييييييييييييييييييب
وصرت ماستخدم غيره ,,رغم ان عندي كريمات وااايد ومن كل الماركات
بس تسيح وتبقّع وتبان الخطوط بسرعه خاصة بالصيف ,
لكن كريمي هذا ..بجد بجد من أحطه لين أمسحه وهو مثل ما هو ثابت ما يتغير ولا يخترب ..
.
.

ياربي ما أكون طولت عليكم , وان شاء الله اكون كتبت شي يفيدكم ..