عندي مشكلة ساعدوني بحلها

هلا حبيباتي
الله يسعدكم ساعدوني
راح أحكيلكم مشكلتي و ربنا لا يوقعكم بمشاكل
بس ما تقولولي إنسي لأني ما قدرت
نبدأ بالقصة اللي أدمت فؤادي و لهلأ
أنا فتاة عمري 30 سنة أحببت شابا و أحبني و هو يصغرني بعام
و مستواه التعليمي أقل من مستواي بكتير
و أنا عمري بحياتي من حبيت شب و هو عن جد أمل حياتي كلها
اتواعدنا إننا نكون لبعض
لكن المشكلة أن أهله رفضوا القصة قالوا أن الفارق في المستوى التعليمي راح يعمل مشاكل
أهله ما بيعرفوني بس أخته اللي أكبر منه بتعرفني من خلال الهاتف
بس هو عاندهم و قاللهم " أنا اللي راح أتزوج و هاد اختياري" بالأخير أهله قالولوا نحن بننصحك و انتا اعمل مصلحتك لكن مش راح نساعدك و بنفس الوقت مش راح نعاديك
و رغم أن ظروفه المادية مش كل هالقد قال لي احكي لأهلك إني بدي أخطبك (و هم لا يعرفوه باعتبار أنه في بلد آخر، و كان نفس المشكلة أن المستوى الثقافي كان عائقا أمام موافقتهم، لكن المشكلة أن والدي كان موافق و طلب مني أجيب اسمه و عنوانه بالكامل عشان يسأل عنه، فأعطى لأصدقائه عنوانه ليسألوا عنه و سألوا و كان الإجابو ايجابية و شكروا في أهله و أخلاقه، لكنهم حكولو بنتك متعلمة و واصلة بالعلم بدك تزوجها لواحد مش متعلم منيح و بيشتغل سواق تاكسي؟
اخربته أن اهلي مش موافقين بس أنا راح ظل معه و بلكي الله فرجها و سافرت إمي على بلده و قابلته من ورا أهلي و عزمها على بيت أهله ما قدرت لان اختي معها و خافت إذا صار نصيب تتعرف عليه أختي و تصير مشاكل بين والدي و بينها و قبلها والدي وافق بعد جهد جهيد و طلب أن يجي والده عالبلد و لكن والده مريض ما قدر يجي، فاقترح والدي أن يأتي لأمي عندما تسافر و يطلبني لكن الظروف ما سمحت يتقابله نظرا للحرب في لبنان، و أنا بلغت أهلي إني غيرت رأيي و بطلت، بس أنا بحبه و طلبت منه أن نؤجل الموضوع للسنة الجاي، اتهمني أني بتسلى فيه و أن القصة طولت، و أهلي عن جد أهانوه كل مرة برأي، و إمي ما رضيت تروح معه عالبيت، و كان دتئما يتصل فيها و يحاول بشوفها لكن ما قدرت و صار سوء تفاهم بينهم.و هو هلأ ما بدو يحكي معي
معلش طولت عليكم
بس أنا بحبه
الله يرضى عليكم لاقولي حل، كرمال الله، و ما تقولولي أنسيه
عم بحاول اتصل فيه مو راضي يرد علي
حكيت مع صاحبه و مع اخته
هو عنيد جدا و عصبي
أنا عم أموت كل لحظة
من شان الله لاقولي حل لأرجعه إلي
و ما تقولولي كرامتك و ما شابه لان أهلي أهانولو كرامته و تحمل كرمالي
و انا مستعدة انفذ الحل المهم يرجعلي
و شكرا لكم
ارجو الاهتمام بالله عبليكم الله لا يوقعكم في زنقة
استودكم الله الذي لا نتضيع ودائعه