كيف اعرب قوائم الويندوز

أختي ماتقدرين تعربي القوائم الا بوجود CD لتعريب قوائم الويندوز .... وتلاقيه عند محلات الكمبيوتر لاكن اكيد بيقولون لك لاازم تعملي فورمات للجهاز إذا الويندوز عندك هو Home .. لاكن انتي اطلبي من المهندس يعمل لك ترقية للويندوز للاصدار Professional علشان ماينحذف اي شي من جهازك ..

ان شاء الله اكون قدرت افيدك أختي :)

اخوك الهاوي

فمان الله ................

شكراً اخوي الهاوي على الرد
انا عندي نسخة من cd التعريب اسمه: multilanguage
لكن ما عرب لي كل شي يعني مثلا.. قائمة ابدأ موجودة بمكانها بالعربي (على اليمين) لــــــكن ماتعربت الكلمات!!! وصاير نص انجليزي ونص عربي؟؟!!
وبالنسبه للفورمات انا سمعت انها تضر الجهاز خصوصا الي توه جديد؟؟

هلا فيك اختي ..

بالنسبة للتعريب فهو يصير كذا نصف انجليزي ونصف عربي أو بعض الوقائم انجليزية لاكت الاغلب عربي وإذا كنتي تبغي التعريب يكون كامل بالمره .. فجيبي CD ويندوز Home أو Professional ويكون عربي بالكامل يعني Local وتحصليه عند محلات الكمبيوتر بكثرة ... وسوي تحديث يعني Upgrade للجهاز بواسطة الـ CD هذا وراح يتعرب بالكامل بأذن الله ...

أو اعملي فورمات للجهاز وركبي نسخة عربية كاملة بدون تعريب ....

بالنسبة للفورمات فهو انواع ... فيه نوع مايضر ابدا بالجهاز واسمه Quick يهني فورمات سريع وهذا مايأثر بالجهاز لأنه يعمل مسح لمسارات البرامج فقط ....

وفيه نوع من الفورمات يسمى Low Level وهو ثقيل .. وهذا يأثر بالجهاز إذا سويتي اكثر من مره لأنه يمسح في كل عملية للفورمات جزاء من الـ Sectors للهارديسك وبكذا يتأثر الهارديسك بعد فترة ثم يتعطل ...

اتمنى اكون افدتك أختي وأي سؤال انا حاضر ..:)

مبروك عليك الشهر ..

فمان الله ...........

شكرا اخوي الهاوي على التوضيح...
بس عندي سؤال
ممكن اضيف ويندوز عربي على الويندوز الي عندي؟؟. بدون عمل فورمات لنسخة الويندوز الاصلية الي في جهازي؟؟
وهل فيه فرق بين ويندوز الاصلي وويندوز التجاري يعني الي منسوخ؟؟
مع العلم ان جهازيProfessional

هلا فيك اختي ..

اكيد تقدري تضيفي ويندوز على ويندوز من دون عمل فورمات للجهاز ...

الفرق بين الاصلي والتجاري هو فقط في عملية التحديث لاأكثر .. لأن الاصلي يقبل التحديثات أما التجاري فلا ..

لاكن الان صار فيه نسخ منسوخة وتعمل تحديث بشكل طبيعي جدا وبدون اي مشاكل ..


اختي بما ان نظام التشغيل عندك هو Professional .. فأعملي له تحديث بـ CD ويندوز عربي بالكامل وراح يصير عربي بدون اي برامج تعريب ...

ربي يوفقك دوم واي حاجة مو واضحة اتمنى تقولي لي :)

فمان الله ...........

شكراً الله يجزاك الف خير
اذا استصعبت اي شي برجعلك..

اكرر شكري

يووووووووووه اكتشفت ان جهازي مو بروفيشنال !!!!!!!!!!!!!!
ميديا سنتر؟؟

ممكن توضحلي الفرق بين البروفيشنال والميديا سنتر؟؟
واسفة على الازعاج اسئلتي كثيره

هلا فيك اختي .. مو مشكلة حتى لو كان ميديا سنتر .. تقدري تسوي عملية تحديث أو Upgrade للويندوز للنسخة Professional العربية بالكامل وراح يكون جهازك عربي بالكامل وبدون فورمات

وميديا سنتر مثل اي نظام xp لاكنه يتميز بزيادة في برامج الفيديو وغيرها يعني برامج الميديا ومركب فيه اخر النسخ لهذي البرامج بس لاأكثر ...

اختي خبرينا ايش اللي يصير معاك وربي يوفقك دوم :)

فمان الله .............

وديت جهازي عند محل كومبيوتر والي يشتغل هناك هندي!!!
الله يستر مدري وش بيسوي فيه والله مره شايله هم
ويقول لازم فورمات بعدين يضيف ويندوز العربي وانا استسلمت لاني خلاص مليت
انا مشكلتي اني ادرس حاليا دورة icdl
وقاعدين ندرسها بالعربي والاختبارات بالعربي ومضطرة اذاكر واطبق هاليومين عشان كذا مضطره للعربي باقرب فرصه

الله يعينك اختي ويوفقك في دراستك :)
بالعكس لاتخافي وماراح يصير الا كل شي حلو بأذن الله ...

وإذا بغيتي بعض الاسئلة لدورة icdl فأنا حاضر لأنها راح تساعدك في دراستك وتسهل عليك ..

خالص احترامي وتقديري لك أختي ...

فمان الله .................

اسئلة icdl ياسلااام
ياللليييييييييييييييييييييييييييت احنا من زمان ندورها
طلعت لنا من السماء
الله يجزاك خير اخوي الهاوي تعطينياها بأقرب فرصه ممكنه لأننا في امس الحاجه لها
ومن زمااااان واحنا والاستاذةندور لها موقع بس ما لقينا
انتظرها
مشكووووور والله يجزاك خير مقدما

تفضلي اختي بعطيك اكثر من موقع راح يفيدوك كثييييير في هذا الاختبار ...

http://go.3roos.com/Cay5xreMfzp

http://go.3roos.com/K4FimyDvCv5

اختي جري هذي المواقع لأنها من افضل المواقع اللي تخدم شهادات ICDL الدولية .... واي حاجة انا حاضر ..

اخوك الهــــــــاوي ..:)

فمان الله ...........