خواتي اذا واحد دق عليج وقالج ابي؟؟؟ شو بتكون ردة فعلج ضروري ابي ارائكم

السلام عليكم


خواتي صارلي موقف ابي رأيكم فيه لو كنتوا مكاني شوبتسوون؟؟؟


انا اشتغل في شركة صارلي شهووور

وشغلي مختلط ويدخلون وايد علينا زباين يخلصون معاملاتهم

دق على المكتب واحد المهم سلمت ورديت عليه قالي ممكن سؤال شخصي انا ارتبكت هنيه بعدين قلت له تفضل

قالي متزوجة؟؟؟؟؟
انا عرفت هنيه مغزاه
بس ماعرفت شو ارد عليه لاني ماعرفه ولا اسمه ولا شكله ولاشئ

قلت له ليش تسال وانت منوووو ؟ظليت ارد عليه نفس السؤال انت منو كنت حاده شوي بنبرة صوتي ؟ ؟؟؟؟قلت يمكن اعرفه

قالي انتى ماتعرفيني بس انا شفتج وعجبتيني

بعدين قلت له انا مخطوبة وانا مومخطوبة اصلا

حسيته هو شوي مومصدق قالي مخطوبة قلت اي

المهم اخر شئ قالي الله يوفقج قلت له امييين وسكرنا

يمكن بتستغربن ليش تصرفت جذه وجذبت عليه لاني ماعرفه ولا حتى قالي اسمه ولا شكله ولا عمرره يعني انا ماريد اتزوج واحد بمجرد انه شافني وماعرف شو ظروفه

وخفت اقوله مومرتبطة يقولي عطيني رقم الوالد او بييج المكتب او شئ جذيه استحي بصراحه اواجه

بس انا مقتنعة الزواج نصيب ياتصيب ياتخيب

بس بعدها اتضايقت قلت الريال لو موهدفه شريف جان ماياني سيده جان رقمني ولا كلمني بويهي بس يمكن يستحي ولاشي


المهم انا ماخبرت حد الا صديقتي قاتلي اذا هو صدق خلص بيعرف انج ماتبينه وصديتيه واذا كان متمسك فيج يمكن يدزلي اخته او اي وحدة تكلمني يتأكد اذا كنت صدق مخطوبة او قلتله جذيه بس عشان اهرب منه ومن مواجهته


انتوا شورايكم لو بدالي شو كنتوا بتتصرفوون؟؟؟؟؟؟؟؟