فكره ..نفذتها واسعدت خطيبي

مرحبا بنات وعرايس المنتدى

اذكروا الله (ماشاء الله تبارك الله) تم كتابتها بواسطة المشرفه

اول شي .. ادعوا معاي يارب يرجع خطيبي لي بالسلامه ويحميه من كل شر
ويوفقكم .. لما فيه الخير لانفسكم ولأحباؤكم

هاي فكره نفذتها.. قبل ما يســـــــــــافر خطيبي عني:sad: :sad:


اللي استخدمته

طاوله دائريه
مفرش لونه احمر، مفرش لونه ازرق .. (( اصغر حجما من الاحمر))
ورد احمر + ورد ازرق
كيكه عليها صورته+ عصير خطيبي المفضل
مأكولات بحريه
قواقع وصدف
اوراق على شكل قلوب(حمراء)
خيط ابيض
اوراق على شكل اسماك( زرقاء)
شموع
معطر للجو

طبعا بما انه خطيبي .. ماله قعده الا في الميلس:gum:


اول شي
سويت له مأكولات بحريه(( شوربه روبيان+ سلطه تونه+كوكتيل ربيان مشوي+ << استكاوزا>> طلبيه طبعا :shy: هههههه ما عندي وقت


رحت الصالون سويت شعري .. وبدي كير ومني كير

رجعت البيت واستلمت التنسيق في الميلس
حطيت الطاوله المستديره في الوسط ..
وفرشت الشرشف الاحمر .. وفوقه الازرق(( بس بشكل متموج))
حطيت مزهريه الورد في وسط الطاوله وبين شمعتين
رتبت الاكل البحري
ونثرت اشويه قواقع على الطاوله كتبت على قصاصات السمك مقاطع شعر ونثرتهم ايضا (( خذهم معاه قبل ما يطلع))ونسقتها بالملاعق والشوك

دخلت الابره مع الخيط على طرف القلوب الحمر .. بحيث ان تكونت لي سلسه من القلوب الحمراء
كتبت فيها بعض الكلمات الرومانسيه مثل(( انت اغلى الناس .. و.. , ..... واخر قلب كتبت فيه .. ربي لا يحرمني منك .. ولا من حبك لي))

علقتهم مثل ما يعلقون الزينه .. من الباب لين الطاوله الدائريه
(( اول ما فتح الباب انصدم .. وقعد يتتبع الاوراق لين اخر ورقه اللي وصلته للطاوله.. ))
كان الخيط ملزق بالضبط على المزهريه))

بخرت الميلس وعطرته

ورحت اكشخ .. فتحت شعري .. وتمكيجت ولبست ازرق .. وعدسات زرق >> حركات ها :shy:


اول ما جا .. طبعا اتصل .. وقلت له ادخل .. فتوقع اني في الميلس.. بس كنت انتظر رده فعله اشوي قبل ما ادخل

دخلت والا شيخ الشباب (r) ابتسامته .. واصله اذنه.. واااايد اعجبته الحركه:smile: :smile:

طبعا قلت له تفضل على العشا .. وتعشينا وسولفنا


وقلت له اش رايك نحلي(( قال لا وين . خلاص بطني متروس ما فيني حيل اكل زود )) قلت صبر .. بتشتهي الحلا دامه مني
و وديته طاوله الطعام الكبيره

عاد انه كنت مجهزه الكيكه اللي فيها صورته .. ومنسقه الطاوله .. ومجهزه الشاي بانعناع والزعفران وماي الورد





الحمد لله .. حلينا .. احلى حلى واللي بطنه متروس قدر ياكل زود ههههه..


وعقبها ودعني .. وسافر عني :confused: :cry: :cry: .. وكل مره يتصل لي فيها يذكرني .. (( حبيبتي .. تذكرين الربيان .. حبيبتي .. تذكرين الكيكه .. حبيبتي .. تذكرين .. ريحه الميلس اول ما دخلت ولا غابت عن بالي.. حبيبتي .. .. .. .. ))
ومن هنيه عرفت ان خطيبي اعجبه هاليوم لدرجه ان مب قادر ينساه من الفرحه
الله يحفظه ويرجعه لي بالسلامه




حبيت انقل لكم .. فكرتي .. وتجربتي .. الاولى مع الرومانسيه .. واتمنى ان الكل يستفيد ويدعي لي

وبالتوفيق جميعا ..(f) :flower: :flower: