قاعة الدفنه الشيراتون أو المرقاب الفورسيزون؟

$$هتان$$ 22-09-2006 20 رد 1,741 مشاهدة
$
السلام عليكم ورحمة الله وبركاته

اشحالكم بنات ؟؟

حبيت تساعدوني في اختيار قاعه لعرس اختي

هي محتاره بين الشيراتون وبين الفورسيزون؟

الدفنه او المرقاب ,,

هي محتاره بينهم ..قولو لي اش الاحسن والافضل والمميزات الي في هالقاعتين ..؟

:shy:

والمعازيم تقريبا 400-450

وجزاكم الله الف خير ..
ش
ارشح الشرتون

لان سويتاتهم بعد التجديد ارقى

واكلهم حلو
$
مشكوره حبيبتي عالرد السريع ...

بس بعد اكل الفورسيزن يجننن.

اهم شي الاكل هههه
ع
مبروك زواج اختج اختي هتان بس انا انصحج بعد في الشيراتون لان قاعه الفورسيزنز صغيره و ماتصلح حق معازيم وايد يدوب عالقد يعني انا حضرت فيها عرسين بس لان مدعوينهم شوي فسووها فيها بس ما ادري احسها ما تناسب عرس احس الشيراتون احلى و اكبر ..

هاي رايي :)
Q
اختي هتان


اذا المعازيم 400-450 اتوقع ان الفورسيزن بتكون مناسبة للعرس .. وبعدين قاعة المرقاب وايد راقيه والتعامل معاهم وايد يريح ...ان سويت حفلة في شهر 6 وكان العدد تقريبا 250 وكل شي فيها صراحه اوكي .. مثل ماقلتي الاكل و حتى الخدمة ...

اما عن الدفنه هي ماعليها كلام بس يبي لها معازيم اكثر ... لان 450 وحتى 500 شوي عالقاعة ... يعني لو بتسوي في الدفنه لازم تتفنن في الديكورات عشان ماتبين القاعه فاضية ...
انا رحت كذا عرس في الدفنه والمعازيم شوي حتى ترتيب القاعه والديكوريشن مابين فيها ...

وانشالله اكون فدتج ... والسموحة عالاطاله
M
هتان فديتج قاعة الفور سيززززززززززززززن صغيررررررررررررررررررررررررررررررره

الشيراتون احلى :)

والله يوفقج ياربي ويهنيج انشالله
س
شوفي حبوبه اذا المعازيم 400 او 450 ما انصحج بالمرقاب

لانها صغيره بس هي تشيل 450 ما اقولج لا بس تحسين المكان

مب شررح مع انها راااااااقيه وعشاااهم لذيذ ..

سووها في الشيراتون سمعت انه ممكن تتصغر القاعه ...!!!

انتي اسئلي وشوفي ...
$
QaŦaя βαβё

انتي يوم سويتي حفله شهر 6 ماكان في ضيق في المكان 250 كان في سعه يكفي ل 400 والا المكان ضيق لدرجة ان الطاولات لين الباب ؟

لان يقولون ضيقه ؟

ومشكووورين بناااااااااات يعطيكم الف عافيه
ش
اولا خلنا على ارض الواقع
فرق بين السما والارض بين الفورسيزان ودفنه الشيراتون
اولا في الاسعار ..
الدفنه اقل شي معازيمهم 500 .. وبــــــ 100000 ريال على اقل قائمه طعام .. واكبر بثلاث مرات عن المرقاب

المرقاب سعرهم تقريبا نفس الريتز.. 400 شخص بـــ 70000 ويعطونج 50 مجانا


حبيبتي .. قاعه المرقاب بالضبط كبر قاعه سلوى او اكبر بشوي

فيعني صعبه المقارنه بين المرقاب والدفنه
لو المرقاب وسلوى ممكن

وعموما دام انها محتاره بين هالثنتين .. وفيها شده على تكاليف شيراتون الدفنه
ارشح شيراتون الدفنه .. وايد ارقى واحلى

وياربي يتمم فرحتكم على خير
س
عزيزتي هتان جبت لج رد لاختنا قطر بيبي قي تجهيزات عرايس 15جزاها الله الف خير ..

عن اسعار (التقديم على الطاوله وهو بالنسبة لي احسن نوع لان تقدرين اتسوين المينيو بروحج اذا خذتيه كامل يعني المقبلات و الشوربات و الاطباق الرئيسية و الحلو و الشاي و القهوة بيكون 285 للشخص و اذا نقصتي شي واحد يعني بدون شوربه مثلا بيكون 205 و اذا خذتي 3 انواع بس بيكون 185 للشخص
وعلى فكرة هم ياخذون 12% على الخدمة و 5% ضرايب على كل انوع الاكل
..

اختي شمعة جلاس قطر مستحيل 400 شخص ب 70000 الف في المرقاب !!!!!!

لان الاخت هتان تبي تقديم عالطاولات ,,ويمكن السعر الي كتبتيه تقصدين فيه البوفيه واناما عندي

فكره عن اسعار البوفيه ,,.
س
اي نسيت اقولج ان قائمة الاسعار لقاعة المرقاب ,,
س
اختي شمعة جلاس قطر انتي قلتي :

المرقاب سعرهم تقريبا نفس الريتز.. 400 شخص بـــ 70000 ويعطونج 50 مجانا

يعني ال 50 مجانا قصدج 5 طاولات ...؟ ولا ايش ؟

وشكراااااااا
ش
ايه حبيبتي .. خمس طاولات مجانا
وبالتوفيق
س
مشكوره عزيزتي شمعة جلاس قطر ..
Q
مرحبا اختي هتان ...
اولا مبارك عليج الشهر ...

و بالنسبة لكلام البنات ممكن يكون صح لان في الحفله ماكان فيه كوشة و لا السيتيج مال الرقص كان فيه مكان كبير حق الرقص بس كان وايد نازل وبعدين انا ماكنت حاطه طاولات بس كنت مسويه قعدات كنت حاطه سوفات وطاولات صغيره جدامها ...

بس اذا تبغين تتأكدين كلمي الفور سيزن وقولي لهم انج تبين اتشوفين القاعه وقولي لهم ابغي اشوفها لما يكون فيها عرس ..." انا شفت القاعه 4 مرات كل ماروح اقولهم باشوف القاعه" <<< يننتهم
وحده من صديقاتي تزوجت في الفور سيزن وكانو معازيمها 500 خذت منهم الخارطة مالت القاعه اللي فيها المقاسات وعطتها حق المناسبات صمم لها كل شي على مقاس القاعه بحيث ان يكون في مكان وما كان عرسها زحمه وضيق ... بس بعد اقولج انتي شوفي بنفسج احسن ...

واسمحي لي عالاطاله
$
مبروك عليكم الشهر وما قصرتوا يا بنات قطر ..فديتكم والله

تسلمون لي كلكم ..اولكم اختي qatar babe فديييت قلبج

تسلمين عالمعلومات الوافيه ,, وجزاج الله الف خير ..

خواتي شمعة الجلاس و سحر الشرق ما قصرتو فديتكم ..

بنكلم الفورسيزن وبنشوووف القاعه وفيها عرس ..وشكلنا بناخذ

خريطه احسن لنا واضمن ...الله كريم ..
Q
شمعه جلاس قطر

حبيبتي المرقاب لايمكن اتكون 400 شخص ب70000 واسعارهم تختلف عن الريتز

400 شخص في المرقاب ب في حدود 90000 هاي اذا بتاخذ اقل مينيو وفي وايد اشياء غير المينيو الضريبه والخدمه وحتى السكيورتي اللي على الباب
وبعدين هم مايعطون 50 كرسي مجانا ... انتي ممكن تبلغينهم انج ممكن تحتاجين كراسي في العرس ويجهزونهم لج اذا طلبتي ... بس في نهايه العرس لازم تدفعين

في الحفلة اللي سويتها 250 شخص 8 كان العشا ب285 للشخص ووكنت انا مسويه المينيو طلع علي في حدود 70000وغير الخدمه و طلبت ان المشروبات تكون طول الحفله واتكون كلها فرش باقي الاشياء اللي من غير المينيو كلفتني الحفله في حدود ال 81000

السموحة ... ومبارك عليكم الشهر
$
صح كلام اختي qatar babe اقل منيو مع الضريبه والخدمه240 هذا السعر انا متأكده منه لانه احنا مكلمينهم .. وبتطلع على اختي اغلى من الدفنه لان الدفنه بيعطونها خصم حلو..ويعطيج العافيه اختي ..
س
اختي هتان الشيراتون الدفنه اقل شي 500 شخص واقل منيو 220 شامله كل شي .

الفورسيزون المرقاب ما تشل اكثر من 500 و اقل منيو 240 شامله كل شي.
يعني الاغلى الفورسيزون .
ب
الشيراتون وبس
X