ما في حد حاس فيني تعبت

السلام عليكم ورحمة الله وبركاته

مش عارفة كيف بدي احكي لكم عن معاناتي لكن بعد ما ضاقت فيني الدنيا حبيت اكتب لكم انشاء الله بحس بشيء يريحني .

انا متزوجة من اربع سنوات تقريبا وعندي ولد وبنت الله يخليهم لي ويحفظهم انشاءالله انا قبل ما اتزوج تعرفت على زوجي قبل الزواج يعني دامت العلاقة بيني وبنه تقريبا خمس سنوات وكنا من احسن ما يكون حتى كنت اذهب عند اهل زوجي قبل الزواج وكانوا كثير كويسين معايه لانه زوجي حبني حب كبير ما قدر يتخلى عني ومن كثر ما حبني انا حبيتو كثير وبطلت استغني عنه المهم تزوجنا وكانت ظروف زوجي صعبة وانا موظفة طبعا من قبل وتساعدنا على اتمام زواجنا لاني بحبه كثير المهم هو انسان هادي ورائع وحنون ومسكين لكن عنده ام الله لا يعطيها لاحدا بتغار مني كثير لانه ابنها الكبير سكنا في نفس المنطقة اللي كانوا ساكنين فيها تقريبا بجانب بعض والله كانت تدخل كثير تفتعل المشاكل باي طريقة وحتى وانا عروس جديدة عمري ما حسيت منها اني انا مرت ابنها او كنتها عمري ما شعرت انها حنونة كانت تخرب علية كثير وتحكي عني لازوجي ولكل الناس وانا موظفة كنت اطلع من الساعة الخامسة والنصف وارجع الساعة الخامسة مساءا كنت اجي على البيت تعبانة عمرها ما حكت معاي بطريقة تحسسني انها شاعرة معي بالعكس كانت اتحسسني انو هذا واجبيس لازم اروح الشغل واشتغل عشان ابنها يعني انو هذا مش كثير علية. اما بالنسبة لزوجي فكان يسمع منهم كثير يعني كل كلام اهله هو الصح والمشكلة حتى زوجي ما كان مشعرني انو واقف بصفي حتى قدامهم عمره ما وقف معي عشان اهله يبعدوا عني او على الاقل احس انو في رجال واقف معايه على الاقل بالحق والله ثم والله اني خلال السنتين اللي كنت ساكنة معهم عمري ما اسئت لأي احد لكن ظروف العمل كانت تبعدني عنهم لكن همه مش مقتنعين بالحكي مع انهم شايفين ظروفي بعينهم بس ما بدهم يبينوا اني على حق دائما انا على باطل حتى زوجي اقتنع اني انا على باطل لانه الكل متخلي عني مش عارفة ليش تدخل اهلة بحياتنا خصوصا مع زوجي اول ما يجي من العمل بروح لعندهم وبقعد وبعدين بيجي عندي يعني شو ما احكي معاه باي موضوع طبعا ما في قناعة ما بسمعني حتى لو سمع بطنش كلامي انا بصراحة لما شفت الوضع هيك يا بجيني ضغط او سكري بسببهم وبسبب زوجي اللي صاف معاهم مع انو بحبني كثير قلت لازم اشوف حل فوري خططت مع زوجي اني ارحل من عند اهله طبعا هو رافض الفكرة تماما لكن استغليت ظروفه المادية وعملت معاه صفقة اذا بدك اساعدك بدك اترحلني من هون المهم وافق على الرحيل عشان اساعده انا على طول باشرت بالموضوع لانها فرصة ولازم استغلها بعد هيك ساعدته بالمبلغ اللي كان محتاجه لنه كان في ورطة كبيرة بعدها لاقيت انا بيت عند اهلي طبعا اهلي بعيد عن اهل زوجي يعني منطقة ثانية وحارة ثانية لما نويت احضر اغراضي غير زوجي الاتفاق اللي اتفقنا عليه بخصوص الرحيل انا جن جنوني بعد ما اعطيتك الفلوس بطلت ترحل انا ما احب حد يضحك عليه مهما كان حتى لو كان زوجي قمت انا اتفقت مع زوج اختي ورحلت وهو في العمل حملت البيت كامل ورحت في على البيت الجديد طبعا زوجي انحط تحت الامر الواقع لحقني بعد ثلاث ايام من رحيلي المهم انا الحين راحلة من عندهم تقريبا سنة المشكلة انهم مش تاركيني في حالي صارت كل جمعة تتفق مع زوجي ويوم اجازتي واجازتو من العمل يقضي كل النهار عندهم طبعا مش لحالوا زوجي ولولاد انا قلت مش مشكلة خليهم يرحوا عندها عادي يغيروا جو المهم افتك منهم ومن شوفتهم لكن الحال ما ضل على هيك زاد الوضع وبطل زوجي يحس انو انا لازم كمان نقضي الجمعة مع بعض صار يفكر انو انا بدي ابعدوا عنهم فسار يعاند وياخذ اولادي معاه ويتركني بعد معاناة طويلة اقتنع انه مقصر معايه وخفف اشوي من الذهاب يعني صار يتغذى بالبيت ويروح بعد الظهر لكن شو بدي اسوي عشان زوجي بدي اتحمل المشكلة انو زوجي بنقلب مرة منيح ومرة عاطل الظاهر انهم مسيطرين عليه لانه انا مش مقصرة معاه ابد والله اني مدلله اخر دلال بيكون كويس معايه فجأه بتغير مش عارفة شو اسوي مع زوجي المتقلب لاني انا تعبت وحاسة انو مش معطيني حقي اغلب الاوقات بروح عندهم اذا روح من الشغل بدري او عطل عن الشغل او يوم الجمعة بصراحة صار مفيش وقت نحكي او نطلع او اشكي ما بدوا يسمع اي اشي وانا تعبت وانا في البيت الجديد بدفع اجرة البيت وحضانة الاولاد ومصروفي الشخصي يعني ما باخذ اي اشي لنفسي بس بصرف على البيت بس حتى اليوم طلبت منو دينارين اتخيلوا المبلغ اللي انا طلبتوا مبلغ تافه ما بجيب حق ساندوش والله كسر خاطري ورفض يعطيني المبلغ حتى ما اتصل عليه وحس انو غلطان وانا مقصوره منو حابة ارسلوا رسالة على الجوال انب ضميرو حترت معاه والله اني كثير كويسه معاه مش مقصرة معاه باي اشي على العكس هو كثير مقصر معاه بس انا بطنش عشان بيتي وولادي بدي انسان يحس فيني ويشعر معاه اصعب شيء انك تكون عايش مع اقرب الناس عندك وما يكون حاسس فيك خصوصا اني موظفة وحامل واذهب الى العمل مواصلات وعمري ما شكيت انا اسفة طولت اكثير علكم بس والله اني رح اختنق ساعدوني الله يجزيكم الخير يا رب .

ملاحظة بجوز انتو رح تستغربوا شو سبب الكره اللي اكره لاهل زوجي لاني ما ذكرت المشاكل اللي كانوا يسوها معاه والله بعلم اش سوا معاه ما حبيت اذكرها لانها طويلة.