الي عندها طفل بالروضه وعندها خلفيه مسبقه تتفضل

هلا بج ومبروك عليكم الروضة وعقبال الجامعة امين
طبعا انتي اكيد عمر ولدج بين3-5
انزين اول ايام بالوضة اكيد ما بيرطز وبصيح وبيدلع بس اذا شديتي عليه وخليته يعتمد على نفسه بيسمع كلام المعلمة
واذا تبين تعلمين ولدج مثلا
ابدئي له بسورة الفاتحة طبعا بتقولين توه صغير وما يفهم ولا يقدر يحفظ بس صدقيني اذا اخذتي تقرين له سورة الفاتحة 3مرات باليوم خلال اسبوع بحفظها وبتفرحين وايد منه
علميه الارقام من خلال لقمات العيش قوليه كل خمس لقمات وخليه يسوي رقم 5 بيده بعدين كل ما كل ينقص وحده
وديه حديقة الحيوانات او اشتري العاب حيوانا صغار علميه منه الالوان اسماء الحيوانات بالعربي والانجليزي
خليه يقول دعاء النوم و التسميه وشوي شوي بتعلم
بس طولي بالك عليه وايد لانه صغير
والله بعدين بتندهشين منه
كفأيه بشي يحبه
وبس هذي الطريقة انا استخدمها مع عيالي ونتيجتها مضمونه

هلا خيتوا

مشكوره على مرورك

ولدي عمره حاليا 5سنوات وشهرين
يعني السنه الجايه مدرسه


وأفكارك مره حلوووه

بس حبيت أسال شنو تنصحيني أشتري بعض الكتيبات
وياليت تحددين لي نوع الكتيبات التعليمه
اتوقع هم هذي لها دور في طريقة التركيز

لانه كل يوم أساله شنو علمتكم المدرسه او شنو عطتكم يقول لي ماعطتنا شي
بس لعبنا وجلسنا وعطتنا صلصال وبس
أما شنو درستكم بالسبوره أو شنو أخذتوا شي ثاني
مايقول شي أو احيانا يقول حروف عطتنا
وشغلت لنا السبوره فيديو((البروجكتر))

حابه ولدي يجي يقول لي كل شي ويخبرني بكل شي تقوله المدرسه

وأنتظر البقيه

وين بقية الاخوات؟؟؟؟؟؟؟؟


معقوووووووووووله !!!!!!!!!

لي عودة

اسماء زكي الدين


شاكره لك المرور

وأتمنى عودتك تكون


احلى من رائعه


والرد الرائع


تحياتي لكم

مبروك الروضة وعقبال الجامعة، لا توقعي اختي انه يركز ما اول الايام، لان مفهومه عن الروضه كان لعب وصحبة لكن هو تفاجأ بشي غير. اصبري عليه شوي هذا رايي وما ادري شتقولين

أكبر قلب:
مبروك الروضة وعقبال الجامعة، لا توقعي اختي انه يركز ما اول الايام، لان مفهومه عن الروضه كان لعب وصحبة لكن هو تفاجأ بشي غير. اصبري عليه شوي هذا رايي وما ادري شتقولين

الله يسمع منك يارب

كلامك خيتوا ممكن يكون صحيح ومن طفل لطفل يختلف نوعية تركيزه بالروضه
وطبعا ماأقدر اقيس جميع الاطفال أنهم كذا يخبرون أهاليهم بكل شي
كل طفل وله شخصيته
بس على الأقل أبغاه ينتبه ويركز شوي
وإذا فيه حلوول ياليت تساعدوني


احياتي لكم

نسيت أخبركم شغله راحت عن بالي
وأحسها مشكله بالنسبه لي ومضايقتني مره


المدرسه تبع ولدي أحسها شينه وأسلوب تعاملها مع الآطفال ماهو لائق بمدرسه روضه أكتشفت هالشي مؤخرا مع أنه في بدايه دخول الطفل الروضه
طلبت من المديره انها تنقل طفلي لفصل أخر رفضت بحجه أنه العدد مكتمل
وبعدما تيقن لي أسلوب هالمعلمه ماهو جيد بالمسبة لطفلي قررت أني اذهب وأنقل طفلي
بس ياليت ترضى أنها تنقل الطفل
وأنا راح أحاول بقدر الأمكان نقل الطفل لفصل أخر بحجة أنه المعلمه أسلوبها جاف مع الطفل
أدعوا لي أنه يتم نقل طفلي
لآني ماني مرتاحه لهذه المعلمه
وإذا فيه طريقه أخرى لكي أقنع بها المديره ليتم نقل طفلي

ياليت تساعدوني
وبكون شاكره لكم

طبعا السبت راح يكون اجازه

ياليت أشوف ردودكم قبل يوم الاحد

المحتاره باأمر طفلها

نسيت أخبركم شغله راحت عن بالي :sad:
وأحسها مشكله بالنسبه لي ومضايقتني مره


المدرسه تبع ولدي أحسها شينه :down: وأسلوب تعاملها مع الآطفال ماهو لائق بمدرسه روضه :angry: أكتشفت هالشي مؤخرا
مع أنه في بدايه دخول الطفل الروضه
طلبت من المديره انها تنقل طفلي لفصل أخر رفضت بحجه أنه العدد مكتمل
وبعدما تيقن لي أسلوب هالمعلمه ماهو جيد بالنسبة لطفلي قررت أني اذهب وأنقل طفلي
بس ياليت ترضى أنها تنقل الطفل :sad:
وأنا راح أحاول بقدر الأمكان نقل الطفل لفصل أخر بحجة أنه المعلمه أسلوبها جاف مع الطفل
أدعوا لي أنه يتم نقل طفلي
لآني ماني مرتاحه لهذه المعلمه
وإذا فيه طريقه أخرى لكي أقنع بها المديره ليتم نقل طفلي

ياليت تساعدوني :sad:
وبكون شاكره لكم

طبعا السبت راح يكون اجازه

ياليت أشوف ردودكم قبل يوم الاحد

المحتاره باأمر طفلها

السلام عليكم اختي انا عندي 40 ولد بالروضة مو ولادي طبعا انا مدرستهم وكتير يواجهنا من مشكلة طفلك وعادة هي المشكلة تحسيها اختصاص الصبيان بس اما البنت فترجع مبسوطة وتحدث امها بكل شي والصبي صدقيني حتى داخل الصف ما يتفاعل زيادة مع المعلمة اتخيلي لما احفظهم انشودة دائما الصبيان ما يغنو ويستحو ومفكرين انه الاغاني والرقص للبنات بس لكن صدقيني يستوعب كل شي الطفل لكن بيجوز يخجل يقلك او بيلاقيها كبيرة عليه انو يحكي كل شي لكن انتي فيكي تتفقي مع معلمته انو تحكي بشكل عام كل طفل لازم يرجع البيت يقول لماما شو درسنا وانا بدي احكي مع الام واسألها والطفل عنده كلام الانسة مقدس وعلى قدر ما بيحبها بيخاف منها لكن المشكلة هون انو المعلمة تتفاعل معك بعدين لو كان كتير حركة عارفة انا الولد يلي يكون كتير حركة بحطه عريف الصف فيبدأهو يخفف من حركته علشام ما قيمه من عرافة الصف وبعدين تخف حركته شوي شوي اختي العزيزة مشكلتك حلها بايد معلمته والا انقليه احسن نصيحة لان المعلمة اذا ما حبت الطفل وكأنه ابنها ما رح تقدر تعطيه شي ورح تأثر على شخصية الطفل والله يختارلك الخير يارب والله قلبي معك وما بتمنى اسمع الا اخبار حلوة عن طفلك

فرح الشام

شاكره لك المرور
ةاشكرك على هالمعلومات القيمه

الله يعطيك الف عافيه

بس عندي استفسار

المفروض مدرسة الروضه

تكون تصرفاتها مع الاطفال بشكل لائق وتبتعد عن الاسلوب الجاف ؟؟؟؟؟؟؟؟؟؟؟؟؟؟؟؟

من وجهة نظري مدرسة الروضه المفروض تطول بالها
وماتعامل الطفل معامله سيئه
أو شبه تحطيميه
وخصوصا على اطفال بسن ماقبل المدرسه

أدعوا لي ربي يوفقني
ويساعدني
على نقل طفلي من هالمعلمه

اللهم امين

تحياتي لكم

حبيبتي النقل مو حل .. يعني يمكن تطلع الثانية أوحش منها ...


شوفي أنت تروحي للمديرة وتحكي لها على مشاكل ابنك ..كلها ..


طيب انت كيف عرفت إنها سيئة وتعاملهم معاملة سيئة؟!

شوفي يا أختي .. قبل كل شي .. اسئلي اللي تعرفينهم من قرايبج وربيعاتج عن أحسن مدرسه ..
وبامكانج انتي شخصيا تحضرين عند المدرسه في الفصل وهي تعلم الاطفال وتشوفين اسلوبها ..
عمتي كانت تعاني مع ولدها لانه ما كان يحب يروح الروضه ابداااااا وكله يصيح و المدرسه تشتكي منه انه مشاغب و فوضوي .. وكل ما توصله امه الروضه يصييييييح .. فقامت تروح وتنزل معه الصف وتحضر معاه وشافت انه المدرسه اسلوبها قاسي في المعامله وتعاملهم على اساس انهم كبار مب أطفال توهم يبدون حياتهم التعليميه ..
وقررت تنقله والحمدالله احين توصله على باب الصف وتروح عنه وهو عادي يسير وهو مستانس والحمدالله صار يرجع البيت ويرمس بروحه ويخبر امه شو قالت حقهم المدرسه وشو سووا ..

نصيحه انقليه اليوم قبل باجر عشان ما يتعقد من الدراسه من صغره ..

وحاولي تيلسين وياه وتعلمينه بروحج بعد .. حفظيه السور القرآنيه القصيره مثل الاخلاص والناس والفلق والعصر ..... وحفظيه اناشيد قصيره ومع الايام ان شاء الله بيتحسن اكثر واكثر ..

وعسى الله يحفظ لج ولدج ويوفقه ان شاء الله ..

يا عزيزتي الاطفال ما بيعرفو يكذبو واذا ابنك قالك انو المعلمه مش لطيفه فهي كذلك. انا مثلا حطيت ابني في روضه ضمن شروطي وما أريد كوني ادفع لهم وكل الروضات هيك ليست مجانا .فكون المديره لا تستجيب لطلبك فلا تخلي ابنك عندها بكره اذا انضرب الولد ولا صارلو شي بيحطو الحق عليه كونهم مش متعاونين معك من البدايه. وديري بالك عليه الروضه كأساس وبناء للشخصيه أهم من المدرسه

شاكره لكم المرور والتوضيح


واشكركم من كل قلبي عالتوضيح
بس أدعوا لي لاتنسوني

أنه يتم نقل ولدي

أبغى ارتاح من التفكير

بس ولدي من نوعيتة مايقول كل شي لي

او شنو صار وياهم أو كيف المعلمه عاملته

أنا عن نفسي ماأرتحت لها
وأحيانا الانسان مايرتاح لآشخاص من اول مره تشوفينهم
وبعد فتره يتبين طريقة تعاملهم وتكون نظرتك صحيحه

أدعوا لي أنه ربي يوفقني لنقل طفلي
وخبركم شنو صار ويااي
لاني ماأقدر أنتظر تمد يدها على ولدي


هذا كل ماأتمنى
وكل عام وانتم بخير

أعاده الله علينا بالصحه والسلامه

اه والله مشكلتك شغلت بالي والحق معك معلمة الاطفال المفروض تكون حنونة عالطفل تقريبا كامه لكن شو نقول على انعدام الضمير والعمل لاجل الراتب بس انا من رأي الاخت اسماء جربي احكي مع المديرة وشوفي شو بتقلك واذا ما ارتحتي لكلامها انقلي طفلك نصيحة وطمنيني شو بصير معك

فرح الشام


شاكره لك المرور
ويعطيك الف عافيه


فرح الشام

حطي نفسك بهالموقف ولدك يعامل بهالطريقه

راح ترضين طبعا لا

وانا عن نفسي أكره الشخص الي يسئ لولدي حتى لو كانت هالاساءه صغيره

فرح راح أكلم المديره مع أنه ماراح استفيد منها شي لانه المديره ماتشوفهم على طوول

وتحكم عليهم

أحنا بشهر رمضان ورمضان كريم

وماأحب ادعوا على احد

غير الله يسمح دربها وتغير من أسلوبها


أحس راحتي أكثر أنه أنقل طفلي للفصل الثاني

بحاول بقدر الآمكان

تحياتي لكم

والي يدخلووووووووووووووووون

على الموضوع

ويطلعون

يدعون لي بقلبهم

أنه ربي يوفقني
ويسهل دربي

لنقل طفلي

ولي عوووووووده

الصراحة ماعندي فكرة لأن ولدي بعده مادخل الروضة...

بس ودي آقول لج حاولي انك تحببينه أنت من البيت في الروضة، أشتري له كتب تعليمية وشرحي له وقولي له بالروضة راح تتعلم أكثر من البيت،، الولد الشاطر واللي يسمع الكلام يكافؤنه بهدايا مميزة ومن هذا الكلام، سوي له حفلة في الروضة وخليه يوزع هدايا على الأطفال وأشتري هدية كبيرة وخل المدرسة تقدمها له وقولي له أن لو تعلمت أكثر بنسوي لك من هالحفلات أكثر وأكثر.صدقيني بيبتدي يحب المكان ويرغب به أكثر..