شنط من لبنان

مرحبا الغاليه

أنا عندي رقم راعية محل كركبه في لبنان
جان تبين بطرشلج رقمهم .. واتواصلي وياهم بيطرشون لج إلي تبينه
وجد متعامله وياهم .. مره في لبنان
ومره طرشولي البضاعه إلي اباها إلين عندي في البلاد

هلا بنات

طرشتلكم الرقم وبالتوفيق انشالله

الغاليه دهن_الــــورد
هالشنط ممكن تلقينهم في محلات هنيه عندنا
حتى اذكر كانوا كمن وحده من المواطنات إلي يسون عبي يبيعن هالشنط
لأنه يستوردونهم من لبنان
لكن للأسف كانوا يستغلون الناس بمضاعفة الأسعار بشكل كبير
الشنطه إلي 500 وإلا بـ700 يبيعونها بألف و500 وأكثر بعد
ويوم مريت المحل فلبنان انصدمت :mad2:
حتى اذكر إني كلمت راعية المحل قلتلها المفروض ما تبيعين عليهم بكميات
وتفتحين لج فرع في الإمارات .. كانت توها باديه مشروعها
وقالت لي انه يبالها وقت لين ما تفكر تفتح فروع
فأنا أشوف افضل إنه الواحد يتعامل مع صاحبة المحل
حتى بالشحن ما توصل بهالأسعار إلي يبيعونها علينا

:smile:

خواتي كريستالة قطر و katkooota

هذي صوره لشنطه من شنطي من عندهم
بس هاذي حق المناسبات يعني مب عملية وايد
تمسكينها بس بالأيد



هيه تستخدم قطع مطرزه مثل قطع الستاير الفخمه
وإلي تحسينها ترد على لونين
وما غير الميداليه إلي على شكل سلاسل فيهن أحجار .. لازم تركبلج اياهن
الشنط إلي عالجتف بنفس الفكره
لكن يكون حجمها أكبر وعلى شكل بيضاوي وتركب لج ميداليتين

أختي "كريستالة قطر"
هذي الماركة هي ماركة لبنانية مب عالميه
يعني كله شغل يدوي
بس ما شفت تقليد منها للحين

أختي "دهن الورد"
يبالها الصراحه تسوي ويب سايت .. بس أحس جيه بيسرقون أفكارها!!