قبل لا يطير زوجك منك بسبب الاطفـــــــــــــــــال شوفي تجربتي !!!!

بسم الله الرحمن الرحيم


بنات المنتدى الغاليات


راح ادخل في الموضوع على طول

خبركم تذكرون اول ايام الزواج وشهر العسل كنت انام واصحى واطلع مع زوجي بحرررررررررررررية تامة بدون ضوابط ولا قوانين وكنا في قمة الرومانسية من ناحية الكلام الحلو واسويله حركات بالشموع واللبس وكل كل شي واهتم فيه بزيادة حتى كان يقول لي احس اني ولدك مو زوجك من كثر الاهتمام.............



المهم وصار الحمل وشرف شيخ الشباب وفرح زوجي فيه كثير ويلعب معاه يعني ... تعرفون غلاة البكر الولد


بس طبعا صار اهتمامي كله بالولد يعني اهتم بكل اموره من الالف الى الياء صج عندي خدامة بس كنت اعتمد عليها في الغسل والتنظيف فطبعا صارت الرعاية لطفلي من الدرجة الاولى و كانت تربيته صعبه يعني كان من العيال الي وايد يصيحون :angry:


المهم قام زوجي ينبهني باني صرت ما اهتم فيه مثل قبل وصار عصبي فاخيرا اكتشفت انه يغار من الولد ويبغي وقتي له اهوه بس حتى لما نطلع يصر علي نوديه عند ام زوجي عشان ناخذ راحتنا المهم انا ما تغيرت وحسيت ان ولدي اولى بالاهتمام


فتغير زوجي علي بشكل فضيع صار يتاخر لما يطلع وحسيته مو اهوه الكلام غير الكلام


فقلت لا والف لا ما بسمح بان اضيع زوجي وقمت اتسائل ليش مو قادرة اوفق بين زوجي وولدي ؟؟؟؟؟؟مع اني اقعد مع زوجي لما ولدي ينام بس ولدي وااايد يتوعى على اقل صوت فيهتاج زوجي ويقول يعني ما نقعد مع بعض:qaq:

ففي الاخير اكتشفت ان سوء تنظيم الوقت هو السبب


شوفوا بعدها شنو سويت:


1. اقوم الصبح مع زوجي ارضع الولد وينام واروح الجامعه وارجع قبل ما يرجع زوجي من الدوام ب 3 ساعات

2. ابخر الغرفة واهيئ الجو الرومانسي وبعدين اغير ملابسي واتعدل مثل ما يحب يعني في 3 ساعات اشتغل بالسريع واهم اهم ملاحظة ان الولد يكون صاحي العبه ليما يتعب وبعدين اغديه وآخر شي انومه قبل لا يجي زوجي من الدوام :ok:

3. يدخل زوجي ويشوف كل شي على كيف كيفه وطبعا (( وقت الرومانسيه)) :shy:

4. وبعدين ينام زوجي وقت الظهريه وانا اكون مع الولد من يصحى من النوم وبعدها يصحى زوجي على المغرب واتعمد ان يكون الكوفي جاهز واخليه يشربه وبعدين اخلي الولد معاه عشان يحس بالابوة ويحس بالاسرة ....

5. يروح زوجي للشباب وانا في هالفترة العب مع الولد الى وقت العشاء لازم لازم اسبح ولدي لان الاستحمام يساعد على النوم والراحة وبعدها انيمه ونفس الطريقة يجي زوجي البيت ويلاقي كل شي :ok:

6. وخلاص رومنسيات في رومنسيات ونوم العوافي





وبعد هالتجربة حسيت بثمرة جهودي بان زوجي اعترف لي بانني تغيرت واحلى احلى عبارة قالها لي


(((( تدرين ليش تزوجتج؟؟؟؟ لانج ذكيه وحكيمه))))


والسموحة طولت عليكم بس حبيت افيدكم ولو قليل تقبلوا تحياتي

غلا البحريـــــــــــــن