حوامل الإمارات...خلونا نفيد بعض..

يا ريت اقدر افيدج والله جان ما قصرت و ما عندي افكار عن التجهيزات للبيبي اليديد بما اني بعدني آنسه بس استفدت من وضوعج وان شاء الله الخوات ما يقصرون معاج

ادري بتقولي فضوليه ....اسمحيلي لأني اموت في اليهال عشان جي حبيت اشارك في موضوعج و استفيد

ادعيلي يا اختي الله يسهل عليه اموري ويرزقني يالزوج صالح و بالذريه صالحة


:salam: :clap: :salam: :clap:

مشكوووووورة فديتج أختي al 3zezh على الرد،،،،،
ردج كفاية، والله يارب يسهل أمورج ويرزقج الزوج والذرية الصالحة، وتجهزين لولادتج أحلى من ها التجهيزات......

الله يسهل عليكم باذنه..

ويرزق كل محروم..

الله يعطيكم الف عافيه..

موضوعج وايد حلو .... تجهيزاتي كانت من محلات متعددة .. مذر كير ... اوكايدي ... ومحل ناسية اسمه في برجمان .... عندهم اشياء وايد حلوه للبيبي خذيت من عندهم سليب باج 2 في 1 يعني تكون شنطة وسليب باج في نفس الوقت .... والبيبي شوب .....

عن نفسي فصلت قمصان نوم فيها دانتيل في فريج المرر عند محل الريف ... تقريبا سويت 6 قمصان اما عن الفراش للمستشفي اشتريته جاهز من محل في الكرامه ...

الصدريات من ماركس سبنسر ... والملابس الداخلية بعد ... والمشد (اللي يكون على شكل كورسيه) ومن غير المشد العادي اللي ينلف على البطن ماخذتنه من الصيدلية

... اما للبيبي كنت ماخذلته عند حرمه اتسوي مفارش وجلاليب لليهال وقمطات ...

الاوفرول - قياس نيو بورن (new born) وقياس (0-3) و (3-6) ... واشياء تهم البيبي مثل الترمومتر الحراري لازم يكون في كل بيت ....

اتمني اني ضفت شئ .....

الله يسلمج أختي العهد
وتسلمين ع الرد الطيب......

أكيد أختي عروس جميرا ردج مفيد جدا جدا.......وبغيت أعرف أكثر عن الحريم اللي يسوون ملابس لليهال.......ياليت حد يفيدنا.....

هذا حملي الثاني ولله الحمد يعني صار عندي خبرة أحسن في تجهيزات الولادة والبيبي، في المرة الأولى بعد نوعت وايد وشريت بدل وملابس طلعة من بريمان وأوكايدي وأدمز وغيرهم، بس لما ربيت يتني وااااااايد ملابس هدايا، قلت حرام ليتني ما كثرت......عشان جي هاالمرة أكتفيت بأشياء خفيفة..جلابيات وأوفرولات....

بالنسبة لي الملابس الداخلية نوعت، من ماركس وسبنسر ولاسنزا، وأخر مرة رحت سبلاش بعد كان عندهم أشياء زينه.....
وخذت جهاز مراقبة للبيبي ، في حملي الأول كنت ماخذته من مذركير ماركة Tomy بس كان واايد يوشوش، بعد ماولدي كبر عطيت وحده ياه، هاالمرة شفت عند أخت ريلي واحد واايد زين وماكان يوشوش أبدا، وأرخص من مال مذركير، من محل الطفولة، بس بعدني ما جربته..أتمنى يكون زين..

في أشياء مثل الترمومتر عندي ياها من قبل...شؤيته من ماركة براون،دجيتال وماشاء الله وايد دقيق....حتى المشد عندي ياه وخذته من معرض أيوب.......

شو هذا فقر حوامل ؟؟؟؟؟؟؟ :) :) :)
مافي غيرنا حوامل في الإمارات؟؟؟ والا محد يجهز للولادة؟؟؟؟؟!!

لوول اريااام بيبي شوب مسوي تنزيلات جان ناقصنج شئ سيري.. اشوف الااغراض اللي ماخذتنها كافيه فكري في توزيعات البيبي اذا ناويه تسوين ^_^

مشكووووووورة أختي endless hope ، من متى مسوي تنزيلات؟؟ بداية الأسبوع كنت عندهم وماكان في تنزيلات......
بالنسبة للتوزيعات ناوية ان شاء الله وقاعدة أدور أفكار......

اختي في محلين في الخان حذال بعض يسوون جلابياات المرابي وارخص من العافيه
واحد اسمه كادو والثاني الطرواده سيري شوفي شو عندهم يمكن يعيبج شي

أختي عيون سعيد مشكورة ع الإفادة.....
وبحاول أخذ لفة ع المحلات وأشوف شو عندهم...

اريام انا اشوف الاعلانات في الجرايد بس ما سرت لهم لاني مخلصه كل شئ الخصومات 70%

عن منكم يعرف حرمة تسوي طقم للبيبي...مثل جلابية وقماط..وشنطه ....؟؟

ياليت تطرشون لي رقم على الخاص والأفضل لو تكون في دبي أو الشارقة:shy:

هلا والله بكل الحوامل والله يسهل علينا

انا الصراحه بعدني ماجهزت شيء وماا اعرف شيء بس احاول اتثقف لاني اول مره احمل

وفخاطري اتشرى للبيبي

بس ف اي شهر احسن شيء ابدا اجهز؟

ومشكووره الغلا ع الموضوع القيم

بس بغيت اسال بالنسبه للخياييط اللي يفصلوون للمرابي تكوون القطعه من عندهم ولا تكوون
من عندنا
ويعطييكم الف عافيه

ام حمدان القطعه طبعا من عندج بس الدانتيل عليهم لكن انا الصراحه اخاف من ذوقهم على لون قطعتي فاشتري القطعه والدانتيل اللي يعيبني وبجذا ارتاح اكثر

انا بديت اجهز للبيبي وانا في الشهر السادس بس ما خذت وايد اشيا لاني كنت اعرف ان بيبي شوب بيسوون تنزيلات فقلت اتريا واوفر لي كم بيزه


باجر ان شاء الله بسير وبدور لي منز لاني تعبت الصراحه ومب محصله شي يدخل خاطري للحين:(

في محل في برجمان عنده اطقم مفارش وهالسوالف للبيبي وبعد جلابيات للمرابي وااااااايد حلو بس للاسف ماشفت اسمه ان شاء الله المره اليايه وانا سايره بشوف اسمه وبخبركن:)

مشكووورة endless hope، بحاول أمر ها اليومين وبخبركم.....

أشكرج أختي حبي الإمارات (اسمج رهيييييييب :)) الله يتمم لج على خير...
التوزيعات سويتها بنفس الطريقة في حملي الأول، شريتهم ووديتهم عند باتشي يلفونهم، بس المرة هذي أبا كل شي من مكان واحد، مافيني على اللف في المحلات، بس بصراحة المحلات المعروفة وايد يبالغون في أسعارهم..ماأدري على شو؟!
بالنسبة لحد يسوي أطقم الأطفال والشنط، قالتلي ربيعتي عن محلين هي جربتهم، الأول اسمه (تاليد للتحف والمنسوجات في الشارقة) والثاني (صباح النور في دبي)، وأنا بما أني من بوظبي سويت عند بريتي مذرز (الشنطة والسليب باج) واليوم خلصوا، قولوا ان شاء الله يكونون حلوين..

هلا فيج أختي أم حمدان ، بالنسبة لي جهزت للبيبي لما كنت في الخامس لأن وقتها معظم المحلات كانوا مسوين تنزيلات، فاستغليت الفرصة وفكيت عمري، خصوصا أن أشياء البيبي الأساسية موضتها ما تطيح.......وحق عمري لين ألحين ما خلصت، بس تقريبا في التشطيبات..
وبالنسبة للخياييط أنا عني وديت بس القطعة، ومعظمهم يتركون لج حرية الاختيار، بس بصراحة مافيني أروح وأدور دانتيل بعد، خصوصا أن مرات الموديل يكون فيه أكثر من نوع دانتيل..

مشكورة أختي عيون سعيد على ردج المفيد، والله صدقج مرات الوحدة تخاف من ذوقهم، بس عني أنا مافيني ألف وأدور، وديت القطعة بس والله يستر شو الدانتيل اللي بيحطلي ياه :)
وزين سويتي انتظري التنزيلات أحسن.....

أشكرج الغالية فوانيس على مشاركتج في موضوعي، وأتمنى فعلا أنه يكون مرجع مفيد...بس مثل ما تفضلتي ما بيكون مفيد إلا بمشاركة الحوامل..وزين أنج دخلتي ويانا اللي ربن لأني نسيتهم :) عشان نستفيد أكثر

اسمحولي طولت عليكم، بس حاولت أفيدكم باللي عندي......

موضوع رائع

انا بعدني ماكملت الشهرين

يعني بعدني على التجهيزات

بس الصراحة استفدت وايد من ردودكم

الله يتمم لج على خير أختي اوبرا وتجهزين أحلى تجهييز،،

أنا أمس رحت أييب البيبي سليب باج والشنطة من المحل، الحمد لله طلعوا جنان ما شاء الله، بس خليته عندهم يسوون في تعديل بسيط....وأخر الأسبوع إذا الله راد يمكن أروح ألشارجة أييب الجلابيات، وبخبركم عنهم........

ننتظر الإفادة من باقي الأخوات :)