حوامل الإمارات...خلونا نفيد بعض..

Aryam

بالعكس تعلمت من حملي الاول ... كنت ماخذه اشيا حق 10 سنوات جدام .. ولكن للاسف فالنهاية ما لحقت البسه كل الي ماخذته ..

نصه سار للفقارة ونصه هدايا ,,

اما هاي المرة بالعكس ما كثرت ... وخاصتا لاول 3 شهور قلييل ماخذه

بصراحه موضوع مميز يا اريام و تستحقين انتي ايضا التميز

إلى الامام

مرحبا اخواتي ....

قلت اضيف اشياء كنت ناستنها ... بخصوص المنز الصغير كنت ماخذتنه من الدراغون مارت مع الكبت ... نفس اللي يبعونه في البيبي شوب ... وارخص .. اما عن المنز الكبير ماخذتنه من الشارجه من محل الطفوله ....

بخصوص الجلاليب .. واللي كنت امخيطنهن من محل الريف (فريج المرر) .. ماخذه القطع من محل أسد اللي بصوب الخور .. عدال سكة الخياييط .. والدانتيل من محل ازرار (السوق المسقف) عدال سوق نايف .. ومن غير محل داخل السوق ... والخياط نفسه يتعامل مع محل ازرار ويكون السعر ارخص من انج تشترين من عنده.. بس الناس اذواق ....

بعد الربي .... كنت استخدم زبدة الكاكاو الصبح .. والليل زيت الزيتون او اللوز ... وبخصوص الخطوط اللي بجسمج راح اتخوز مع استمرارج باستخدام الليفه والعنايه ....

ولاتنسون تودنون نفسكم بالماي والملح الفارسي .. مب الملح العادي (مال الاكل) .. عشان تبرا المنطقه ... ويطيح الخيط ... والماي والملح له فوائد انج تستفيدين منه في الطهاره ...

الرياضه ... رياضة كيجل .. والكل يعرفها .... ومن غير رياضه الشد للبطن والاسترخاء للجسم ... ولاتنسون الحرمه اللي تمسح (دورت وماحصلت وحده تمسحني .. بس ان شاء الله يوم بطلع من الاربعين راح ادور لي وحده اتسويلي في بيت ريلي) ....

اريام زين يوم ان الجلابيات طلعن اوكي وانا مووول ما اثق في ذوق اي خياط لاني اعرف الهنود بيخبصون الدنيا لو خليتهم على راحتهم وذوقهم:)

بس انا للحين ادور لي مفرش لتقديم النونو ومب محصله شي حلو بالدانتيل
حد منكن تعرف وين الاقيه مب ناقصني الا هو الحين واحس احلى المحلات في بوظبي بس ماروم اسير بعيده عنا وانا ما بقى لي شي واربي

على فكره انا سمعت ان الملح مش اوكي لمكان الخياطه لانه يشدها والدكتورة نصحتني بالبيتادين واذا بيلس في الماي يكون ماي دافي مافيه شي وقالت كلها 10 ايام بالكثير وتطيح الخيوط وانا ارتحت لكلامها وقلت بجرب لان واايدين شجعوني عليه
حد فيكن جربته اذا كانت والده قبل ؟؟

في البداية بصراحة حابة أقولكم أني واااااااايد استانست لما دخلت وشفت حاطين لموضوعي أنه مميز :clap: مشكوووورين واااااااايد (f)

مشكورة الغالية bj3a على الإفادة، صدق أن الحمل الأول كله تجارب في التجهيزات وعلى النونو المسكين.....وحلو أننا نذكر تجاربنا في التجهيز عشان الأمهات الجدد يستفيدون وما يغلطون غلطتنا....:ok:

ألف شكر عزيزتي فوانيس على الرد الرائع، ما تتوقعين شكثر استانست......(f)

مشكوورة عزيزتي عروس جميرا على التواصل، وعلى أنج ما بخلتي في إضافة جديدة للموضوع.. تدرين عاد أول مرة أعرف أن الدراغون مول عندهم منز وكبت مال البيبي.. يبي لنا ناخذ لفة ونشوف بدل خساير ها المحلات اللي فقرتنا :down:
والجلابيات خاطري أروح دبي أسويهن، بس ما فيني أخذ القطع من مكان والدانتيل من مكان، السالفة يبغيلها لها لف وأنا ما أدل، وريلي يقولي سوي هني لو دبل السعر ولا نتم رايحين رادين ع الخياييط :cry: ..... وأشكرج على نصايح ما بعد الولادة، لازم نتبعها عشان ترد الرشاقة والجسم الحلو..

هلا أختي عيون سعيد وأشكرج على التواصل.....ياختي شو نسوي لو ذوقهم ردي محتاجين لهم :dd: أحب أحصل كل اللي أباه في مكان واحد عن الصدعة واللف في الأسواق...
بالنسبة لفراش التقديم ممكن تحصلين عند بريتي مذرز في بوظبي، خبرتكم عنه قبل، أسعاره مناسبة وشغلهم حلو.......بس قمصان النوم الدانتيل عندهم غالية،، 600 وطالع......
وبالنسبة للملح عن نفسي كنت أخاف أيلس فيه، أكتفي بالماي الدافي، بس تصدقين تمت عندي الخياطة قريب الشهر :( وما أدري من تجاربكم في البيبي الثاني يسوون خياطة والا لا؟؟؟

بالنسبه لتجهيزي للتوزيعات طلبت هذي من أخت في المنتدى

http://www.3roos.com/forums/attachment.php?attachmentid=61382&d=1158583636
شورايكم؟؟ قلت بحط فيها حلاوة من باتشي وهي بنفسها مزينه مو محتاجة تزيين......

أريام .. التوزيع راقي وحلوو وبالتوفيق ..

ومشكورين على الافادة .. انا بعدني ما بديت .. يالسه ايمع افكار ..

موضوع فعلا مميز

ما شاء الله

ان شاء الله بس أحمل بستفيد منه

أختي بنت جميرا 6 عيونج الحلوة.....وأتمنى تستفيدين من الموضوع في تجهيزاتج...
وأي سؤال أو استفسار نحن حاظرين

أشكرج أختي ريم81 ،،
وان شاء الله يارب تحملين وتحطين لنا تجهيزاتج

أقول بنات، محد فيكم راح المعرض اللي بأرض المعارض في أبوظبي؟؟؟؟
أنا رحت خذت لفة ع السريع..ما لفتني شي لتجهيزات النونو..بس عندهم الجلابيات اللي بالدانتيل لكم أسعارهم بصراحة غالية....اللي عجبوني كلهم 400 وطالع...واللي أسعارهم 150 - 200 وايد عاديات، ودانتيلهم خفييييف....

أنا كنت مفصله جلابيات عند خياط الفردوس اللي الخالدية، مادري تعرفونه والا لا، القطعة والخياطة من عنده ويسوي الحدة بـ150 درهم،، .....ينفعون لبعد الولادة وللاستقبال، ناعمات في منهم تطريز خفيف وفي بالفولك وأشياء ثانية..المهم في محل في المعرض عنده نفس القطع وتختلف أسعارهم، من 60 وطالع...خذت وحدة وقالي الخياط بيفصلها لكن ما بتخلص إلا بعد العيد باسبوعين لأن عنده زحمة وايد...
عاد بانتظاركم، اللي راحت المعرض ولقت شي حلو تخبرنا......

وينكم يا حوامل.....أخاف كلكم ربيتوا وخليتوني بروحي :)

Aryam:
وينكم يا حوامل.....أخاف كلكم ربيتوا وخليتوني بروحي :)

انا هنيييه كل يووم ادش ما القاكم

جنهم ربوا صدقج اريام وتمينا انا وانتي برووحنا

ويينكم يا كروشات

شحالكم؟

موضوعج وايـــد حلوووو..
اختـــي تسلميــن عليــه..

انا بعدني هــذا اول حمــل...
لي وبعدني مطوله عالولاده..
استفدت منكم كثيــر..

هلا فيج أختي أم حمدان
ومشكووورة على متابعتج للموضوع......ما خبرتينا شو جديدك في التجهيزات؟؟؟؟
الله يقومنا جميعا بالسلامة،، بيني وبينج أنا خلاص أبي أربي،، ميته من التعب،، بس بعد وااااااااااااايد خايفة :)

مرحبا فيج أختي عيناوية حتى الموت الله يثبته ويقومج بالسلامة.....
أقري كل الردود في الموضوع وان شاء الله بتستفيدين في التجهيزات وبتتجنبين أخطاءنا اللي سويناها في المولود الأول، خصوصا أن ما عندج خبرة....

Aryam:
هلا فيج أختي أم حمدان
ومشكووورة على متابعتج للموضوع......ما خبرتينا شو جديدك في التجهيزات؟؟؟؟
الله يقومنا جميعا بالسلامة،، بيني وبينج أنا خلاص أبي أربي،، ميته من التعب،، بس بعد وااااااااااااايد خايفة :)

مرحبا فيج أختي عيناوية حتى الموت الله يثبته ويقومج بالسلامة.....
أقري كل الردود في الموضوع وان شاء الله بتستفيدين في التجهيزات وبتتجنبين أخطاءنا اللي سويناها في المولود الأول، خصوصا أن ما عندج خبرة....

هلا بالغاليه اريام

ولاشكر ع واجب وتسلمين
وانا الصراحه ليين اللحين ماجهزت شيء

وجان عندج ارقام حريم يجهزوون مثلا للبيبي وللام ويفصلوون جلاليب دانتيل واسعارهم للجلاليب فحدود 150 واقل

طرشيلي الارقام

والله يسهل علينا جميعا

هلا عزيزتي أم حمدان ........
الله يقدرج وتجهزين أحسن تجهيز......
بالنسبة للحريم اللي يسوون جلابيات الدانتيل ما أعتقد بتحصلين ها الأسعار....معظمهم يبدأون من 250 وطالع...حتى الخياييط صارت أسعارهم غالية....أنا سويت ثنتين عند الخياط الوحدة بـ 180 بس شغلها خفييف مرة...ما تنعطى ها السعر....
ع العموم بسأل عن الموضوع وإذا لقيت شي بخبرج...:)

خواتي حوامل الامارات

دايما اسمع عن حريم يسون مساج معين بعد الحمل أو إللي يساعد على الحمل أسألكم إذا اتعرفون حرمه مأمونه تسوي هالمساج فديتكم لاتبخلو عليه برقمها وإذا تعرفون حرمه في أبوظبي يكون أحسن ؟؟

ماعرف هل هالنوع من المساج يسهل الولاده ولا مايخصه؟؟

الله يرزقج الذرية الصالحة أختي أحبه الغالي
بالنسبه للمساج اللي سألتي عنه أنا سامعه عنه، بس للأسف ما أعرف حد يسويه...ويقولون فعلا أن في حالات صار وياها حمل بعد المساج هذا.......
أتمنى اللي تعرف رقم حد ما تبخل ع الأخت......
أما بالنسبه للولادة أعتقد ما يخصه، بس اللي عندها راس البيبي ما يكون نازل تحت في التاسع تسويه عند حرمه عارفه بها السوالف عشان ينزل.....
واللي أعرفه أنه مفيد وااايد لما بعد الولادة.......
وان شاء الله يارب تبشرينا بحملج قريب وتكتبين لنا عن تجهيزاتج.......

مشكوره أريام الغاليه عالرد أنا كنت أدرو رقم الحرمه لربيعتي فالتاسع ووايد تعبانه الله يسهل عليها
وانا إن شاء الله بعرس بعد شهرين و الله برزقنا وياكم الذريه الصالحه

حبايبي بنات الامارات بغيت استفسر منكم عن ماركات االاطفال اللي عندكم واللي يبيعون تدخيلة البيبي والاوفرولات مثل بربريز وكنزو وديور وين القاهم

حبايبي بنات الامارات بغيت استفسر منكم عن ماركات االاطفال اللي عندكم واللي يبيعون تدخيلة البيبي والاوفرولات مثل بربريز وكنزو وديور وين القاهم

Aryam:
أختي عيون سعيد صدقتي بالنسبة للدانتيل...مرات الخياط فعلا يمكن يألف على كيفه.. نسيت أخبركم، أمس يبت الملابس مال الدانتيل من الخياط، الحمد لله مسونهم حلوات، بس الله يسامحه وحدة منهم لونها وردي غامق حاط الدانتيل بنفس لونها بالضبط، مو مبين الدانتيل أبدا..المهم خليتها عنده على أساس بيغيره وبيحطه بيج.....بعدني مصرة أخليها في راسه وخله هو يتعبل ويدور:)
الله يستر ان شاء الله تطلع حلوة....

هلا اختي

ممكن اسم الخياط عالخاص لو سمحتي