ممكن مساعده .. لا تردوني بليييييييييييييز

:angry: :angry: :angry: :angry: يعنى شي طبيعى البنت عنيدة وتصرخ ووووو وانتى تجين تزيدين عليها وتعقدينها ليه تضربيها وتصفعينها هى لسة صغيرة وما تفهم شي لازم تعاملينها بالطيب مو بالقسوة ياربي اشلون قلبك يهون عليك انك تضربين طفلتك انا الإسبوع اللي فات بنتى الله يحفظها كسرت لي غرضين كان عندى من 6 سنين بس اعرف ان مو قصدها ويمكن انا وضعتهم بالمكان الغير صحيح وكانت خايفة مسكينة وفيها الصيحة من الخوف بس ابدا ما قلت لها شي لأن اعرف مو قصدها بس كنت اقول لها خلاص ماما انتى ما كنتى تعرفين ، اقول بقلبي دفعة بلا عن عمر عيالي ........ وانتى تضربين بنتك هاي العمر ما ياكلون يصرخون ويعاندون بهالسن شي طبيعــــــــــى جدا وصعب انك تعلمينها بالضرب اوكى شوى شوى لين تتعلم لكن انك تبينها الا تفهم والا تتعلم من هالسن اعتقد توها صغيرة ، ارجوك لا تخلينها تتعقد وتكرهك من الحين .... لآن الأطفال يتعقدون ويحطون ببالهم....... فأتمنى تغيرين اسلوبك معاها وتضغطين على اعصابك .... اوكى اذا انجبنتى انشاءالله الثانى والثالث شنو بتسوين الله يحفظهم لين صاروا لك عصابة مع بعض ......

حراااااااااااااااااااااااااااااااااااام انتي على شو ناويه حبيبتي

لا تضربين البنت في هالسن
بعدين و الله بتعقدينها من حد ايي صوبها بتخاف و بتشرد بتصير انطوائيه و خوافه من ابسط شي
لو حد بيمد ايده علشان يمسكها و لا يعطيها شي بتخاف و بتنخش

لا تعقدين بنتج و هي توها ما تفهم شي
هاديها لعبيها
ارفعي الاشيا الخطيره عن متناول ايديها

سكري الأدراج و ارفعي الاشيا فوق و في اماكن مرتفعه علشان ما تطولها

حطيها في مكان فاضي و حطي لها العابها بتشوفينها شوي شوي بتهدى

بس تحملي تضربينها

من تشوفين نفسج عصبتي
خليها مع ابوها او مع اي حد و ابتعدي عنها او تعوذي من بليس

هالحركه و النشاط لازم في هالسن و لو تعدتي على ضربها ما بتقدرين تردين عمرج عنها و بتصير هاذي طريقتج في تربيتها

انتبهي لعمرج حبوبه و الله يبارك لج فيها

عوديها تجلسين معاها و تقولين لها قصص و تسمعينها اناشيد و تطالعين معاهعا التلفزيون

لانه البنت فيه هالسن لو حست بالفراغ تلجأ لتخريب اي شي لانها ما تعرف تقول انا ضايجه

موفقه

نادوو قهرتني مرة فرت اللاب توب بالقو على الارض و ما قلت شي .. بس امس فرته مرة ثانيه كان بيطيح على ريلها .. زاعجت عليها و ضربتها

ابا يوم اقولها لا تتركه هيه تعاند و يوم اخليها بعد ما تتركه يعني اللي تباه تباه

سحايب انا 24 ساعه وياها و حتى اسجل لها الاشياء اللي تحبها بالتلفزيون ..
من كثر ما هيه لاصقه فيني ما تتحرك بدوني و ما تشوف التلفزيون الا و انا وياها ..
و هذا بعد انا ما اباه ..

انا والله ما ابا امد ايدي عليها و لا اضربها بس صرت ما اشوف اسلوب ثاني .. يعني يوم تمسك شي اقولها لا لا ما ترضى تخليه اخذه من ايدها تعصب تسير تاخذها اضربها على ايدها ..


انا ما اابا حد يلومني بروحي متلومه فيها و اعرف ان اللي اسويه غلط ..

انا ابا حد يعرف كتاب او شريط .. ابا طريقه او أسلوب .. لا كلمه لا فايده و لا كلمه هيه فايده .. لا تقولون ما تفهم

معليش طولي بالك والله في اطفال طلع الواحد عن طوره بصرااحة يعني الله يكون بعوونك يااارب

صدقيني انا مابعرف كتب تفيدك بس ممكن تلاقي في المكتبات الكبيرة انا شفت هيك شي يمكن بمكتبة جرير اذا ماعنكم هي المكتبة روحي للمكتبات الكبيرة هناك باذن الله تحصللي طلبك

ممكن كمان يفيدك البرنامج اللي اسمه ناني او المربية ناني على ما اعتقد عن جد مفيد وحلو

وربي يكون بعونك وتشوفي بنتك متل ماتتمني

أختى هدي بالك،، هذول العيال لازم نتحمل شقاوتهم، الحمد لله على النعمة غيرنا يتمنى ومو محصل..

المهم لما تعصبك لا تصرخين وبيني لها الغلط وأنك راح تمنعينها من أشياء معينة..

تابعي مساء كل أثنين super Nanny على الـ mbc4 روعة،، أنا تعملت منه أشياء كثيرة والله، لأن عيالهم كلهم يسوون هالحركات يكسرون ويحذفون الأغراض...

جوفي سوبر ناني وتعلمي ...انا اشياء واايد تعلمت منهاااا

مشكورات خواتي ..
بس هذه عمرها سنه .. و هذه اصعب مرحله اخاف اخليها تصير دلوعه و اتكاليه

انا اشوف سوبر ناني احيانا بس مب دوم ...

ياليت لو تعطوني بعض المعلومات اللي تلعمتوها ..

السلام عليكم ورحمة الله وبركاته

أقول لك على حل كويس أختي ؟

ودّيها حضانة...يوم أو يومين في الأسبوع...لمدة ساعة أو إثنين...

و شوفي كيف بتتغيّر بعدها...بتصير إجتماعية...و تضرب الناس اللي يضربوها...

و كمان ما بتلصق فيكي...و بتعتمد على نفسها...

ممكن تمرض شويه في الأول..بس مناعتها بتقوى بعدين...

و الحضانة بتمص طاقتها و توفر لها الألعاب و الأشياء اللي تحبها...

حتى لو مرتين ثلاثة في الأسبوع...تلعب شويه...

مرموم فكرت في هيه الفكرة وايد ..

بس المشكله اني في منطقه ما اعتقد فيها حضانه ...

لاني برع بوظبي .. و صعب ادخلها بوظبي عسب حضانه ..


انا كل اللي ادور عليه هو علم نفس الاطفال في سن 0 حتى 3 سنين للي يعرف كتب ..

خيتواااااااااااااا

انتبهي لهالحركه انك تسوينها للطفل وهو عز النمو

اياك






واياك






واياك






واياك ضرب الطفل على راسه





انا لااخوفك

بس انتبهي من جد لانه هالمنطقه حساسه

ممكن يجي للطفل شي انتي في غنى عنه




تحياتي لك

يحليلج يا ام سلامه

ههههههههه عيل انا اصفع صار لي زماااااااااااااااان .. اظن من عمره شهور ..

بس تراني ما اشجع لها الشي .. بس انا فعلاً بالي مب وايد طويل على اليهال اتعب منهم بسرعه ..

وريلي دوم يهاوشني على هالشي .. ومهددني اني ما افكر في العيال لين ما اعرف اتعامل مع الي عندي ..

بس نفس سالفتج صياح وصريخ وفوق دراستي اكره عمري واوصل لمرحله اني اضربه بسبب عناده ..

وديه حظانه نفس ماقالت مرموم وايد بتتغير شخصيتها نص خواتي ريلي جي مسوين ..

او وديها بوظبي مول وين مال الالعاب شي يهال وايد هناك بتستانس على الالوان والالعاب ..
يعني هالشي وانتي سايره تتمشين بوظبي دخليها فيه .. انا جربتها مرة ووايد استانس عليها صبوحي .. وناويه اوديه كل اسبوعين مرة (تبين امر عليج ) ههههه

اما عن الكتب .. الصراحه مادري غير انج تسيرين المجمع الثقافي وتشوفين ..

وبعطيج فكره .. يبي لبنتج السبوره الي تكون لونها جي وردي .. الي يكتبون عليها بقلم بس مافيه حبر حتى بالصبع تكتبين .. ولا يوصخ ولا شي اتمنى فهمتي قصدي .. وينمسح الي انكتب بمجرد انج ترفعين السبوره ..بتلقينها في جرير ..

وايد بتستانس عليها من ناحيه انها تتعلم تكتب ..وتشوف هيه شو تسويها ..

انتي بنفسج علميها اشغلي وقتها في التعليم.. يعني علميها تعد .. بعض الكلمات .. وشويه حركات ..

بس ترا اليهال يفهمون والله .. ولدي يوم يسوي شي غلط واضربه على ايده واقوله اح .. يعرف انه المرة اليايه لو سار وشافني يايه صوبه يضرب عمره ويقول اح هههه يعرف انه غلط بس عناد
والله يعين عيالنا علينا هههههههه

عندي لج طريقة للعناد اهي ماتقصد تعاند لانها تبي الشي لا اهي تبي انتباهج يمكن او انها متظايقة من حد ظربها وبقة الصورة بالها وكل ماتذكرها تتظايق .

اذا شفتي حد يظربها دافعي عنها جدامه لاتسكتين مافيها شي هذي بنتج منتي يايبتها بساهل
ثاني شي صحيح دخليها حضانه او مثل ما قالت الاخت عيون-اد
وديها للالعاب وخليها تفرغ طاقتها
يبيلها البيانو الصغيرة راح تستانس على الاصوات
لعبة التركيب وااايد مسلية وحلوه.
والله يخليها لج يارب.

اختي حاولي تمسكي اعصابك وحاولي لما تسوي شي غلط
ان تعدي من الواحد للعشرة علشان تهدأين وماتضربينها وبعدين روحي لها وكلميها ترى الصغار يفهمون للكلام
وقولي ليها هذا غلط ومرة مرتين بتفهم ان هالشي غلط

والله يكون بالعون

مجنونة زماني:
السلام عليكم و رحمه الله

بنات بليز ابا كتب او اشرطه تعلم الاهل التعامل مع الطفل في عمر السنه

بنات انا قمت افقد اعصابي مع بني و امد ايدي عليها مع ان عمرها سنه و 4 شهور

اعرف بتقولون حرام و هيه ضعيفه و ما تفهم .. بس هيه عنيده و تحب تاخذ كل شل و احيانا تخرب و هذا الشي بتقولون انه طبيعي بس انا ما اقدر اسيطر على اعصابي

ساعدوني اللي مضايقني اني قمت اصفعها بلييييييييييييز ادعولي احس اني كرهت عمري صح ما اصفعها صفع قوي لانها تضحك بعدها بس نا ابا ايدي تتعود على الصفع ..


ارجوكم محتاجه كتب تساعد على التعامل مع هالسن اغلب الكتب للاطفال في سنه 4 و فوق


بنتي عنيده و تحب تمتلك كل شي و تقعد تصرخ اذا ما عطيتيها اللي تباه
و دايما تلصق فيني و اذا ما شافتني تقعد تصرخ صراخ مزعج
احسها انطوائيه ما تلعب ويا حد .. و خاصه ولد عمها لانه دوم يضربها فأحسها صارت تكره جود حد .. لدرجه ان في كذا ياهل في البيت تخليوا قعدت تصررررررررررررررررررخ لين طلعت الصغاريه سكتت ..

سوري بس ابا اعلمها كيف تدافع عن نفسها ما تتخيلون الضرب اللي تلاقيه من عمرها شهور و هيه تنضرب على راسها و انا ساكته و صابرة بصراحه ابا اعلمها كيف تاخذ حقها بأيدها مب تلجألي دايما ...

ساعدوووووووووووووووووووووووووووني ما اعرف كيف اعلمها ولا كيف اسيطر عليها بهذا السن ...

هاتي لها مكعبات وقصص ملونة واقرأي لها .. هاتي لها دمية وملابس لها وخليها تجلس معاها ...

هاتي لها دراجة ..

خلي لها بعض العلب الفارغة البلاستيكية وأكواب بلاستيك وما شابه وخليهم في كرتون في ركن معين وخليها تعرف إن هذي أغراضها


هاتي لها الكمبيوتر اللي بيحفظ الآيات وقصار السور ولما تجي تشتغلي على الاب توب بتاعك عطيه لها تنشغل فيه


اللي تبي تلعب بيه وتخافي عليه منها أرفعيه بعيد عنها (هذا الوقت هو وقت الاسيتكشاف)

طبيعي الأطفال بيلتصقوا في أمهاتهم في هذا السن ..د

لا تتركي أحد يضربها أمنعيهم وانهريهم .. لا تتركي ابنتك تضرب فتشعر بالذل وتعتاد ضياع حقها

هدي بالش

الله يهديش

كل شي بالهداوه

حتى لو أنتي معصبه فل

ريحي نفسش وهدي شوي

وبعدين تعاملي مع بنتش بأسلوب هادي وأحضنيها

وقولي لها هذا التطرف مش زين وكذي يعني علميها

وبعدين أعطيها شي تحبه

وأهم شي تحضنيها بحنيه وبقوه شوي مو تضغطين عليها بالقو

يعني خفيف

والله يوفقش أختي

والله يصبرش

قطرات الندى انا ما اضربها على راسها .. و كل اللي اضربها تقعد تضحك ..

انا اقول انها انطوائيه لان الضرب اللي على الراس من عيال عمها .. شو اسوي النتقل ؟؟؟

و بليز انا اعرف ان الضرب اللي اضربها خفيف و ما يأثر فيها بس انا اقول ما ابا يصير عاده و بعدين يصير دايم ..

عيونو .. هههههههه ضحكتيني ..بس عيبتني سالفه السبورة .. بشتريلها مع اني شريت لها لاب توب و ناويه اشتريلها كتاب .. ..

المشكله احس محد قادر يفهم بنتي هاااااااديه بس عنيده .. و انا اسليها و العبها بس يوم تبا تمسك شي ما ترضى الا تاخذه .. و اليوم زين ما كسرت خشمي هذه ثالث مرة تسوي فيني هالحركه ..

عصبت عليها و قلت لابوها وخرها عن ويهي صج بضربها ..

روز .. اكثر عن هذا الاهتمام ؟؟؟ هذه بنتي و اعرف عنادها من الدلع ...
شوفي شو درجه عنادها انا هيه تشوف التلفزيون و انا رحت لمكان ما ترضى تخليني و تبدا تصرخ و تصيح لين ارجع و اقعد اطالع التلفزيون