اغلبنا عنده لوحات لتعليق الاوراق التذكيريه او الصور سواء بالمكتب او المنزل...
وطبعا عشان نعلق هالاوراق والصور نحتاج لدبوس ولكن هالدبابيس ممله وجامده..
فاليوم جبت لكم فكره نغير فيها اشكال هالدبابيس مثلا نضيف عليها اشكال للأطفال او ازارير بأشكال مميزه او كريستالات او حتى اصداف.. وهالفكره تعطيها اشكال مميزه .. مثل هذي الصور..
شوفوا معاي الطريقه...
-12 حبه من دبوس الالواح شفافه..
-12 قطعة زينه
-مقص او زراديه
-ورق صنفره
-صمغ
-فلين
-ورق تزيين
-صندوق صغير..
اختاري 12 قطعه صغيره متناسقه حجمها اكبر من حجم راس الدبوس البلاستيكي الشفاف..
اما لو اخترتي الزينه تكون ازارير، فقصي الحلقه اللي تكون من الخلف بالزراديه. صنفري الحلف حتى تصير ناعمه ومن غير نتوء واشياء بارزه..
حطي الصمع على رأس الدبوس البلاستيكي بصمغ قوي واكبسي القطعه عليها .. اتركيه الى ان يجف تماما يعني اتركيه طول الليل او اكثر..
وحتى تحتفظي بالدبابيس بشكل مميز وحتى ما تخرب جيبي صندوق وزينيه بشرايط او اي شكل يناسبك بحيث يناسب شكل الدبابيس..قصي الفلينه بنفس حجم الصندوق من الداخل.. وتأكدي ان يكون فيه مسافه بالارتفاع بحيث لو ثبتنا الدبابيس وسكرناها بالغطاء ما يكبس عليها..
غطي الجهه العليا للفلين ببأي ورق او تجليد وانا افضل التجليد المخمل لأنه افخم..وضعي الصمغ داخل الصندوق وادخلي الفلين حتى يثبت.. وبعدها اغرزي الدبابيس في الفلين..
وبس شفتوا كيف الطريقه سهله..
وبعد ممكن تسوون دبابيس للحب بقلوب حمرا وتصيرين تعلقين رسايلك الحلوه فيها
..اتمنى تكون عجبتكم الفكره..
