بعد ما أنقهرت من لياليكم الرومانسية شوفوا شو سويت

بصراحة أنا أنصدمت لما قريت قصص البنات مع الليالي الرومانسية وريايلهم لأني أبدا ماتخيلت أن في أحد يسوي مثل هالحركات واللة أني ماعرفت بهذي الأشياء الآ من المنتدي وتبون الصدق حسيت أني أبي أصيح من القهر وحسيت أني مب عايشة حياة رومانسية مع زوجي مع أني متأكده أن ريلي شراتي مايعرف بها السوالف ,وانا من النوع الي ماأعرف أعبرله عن حبي

و تبون الصدق ترى أنا من النوع الخجول واااااااااااااااااااااااااااايد بشكل ماتتصورونه مع ان صار لنا خمس سنوات منزوجين و عندي بنتين أوووووووووووووف والله عيب صح :sad: أتخيلوا ساعات يترجاني علشان أسبح معاه بس من خجلي أرفففففففففففففففففففففض , واحس أن هذا الشي يزعله ويضايجة وساعات يقولي لين متى بتمين تستحين؟؟؟؟؟؟؟؟؟؟؟؟؟؟؟؟؟؟؟؟؟


بس من الحين ورايح راح أحاول أ سوي ليالي رومانسية حق ريلي فديتة لأنه واااااااااااااايد طيب وأنا متأكدة أنه راح ينصدم لأنه مثل حلاتي مايعرف بهذي السوالف بس أكيد راح يستانس وااااايد

أنا الحين بديت أطبق بعض الأشياء اللي كتبتوها مثلآ بما أن ريلي صار له أسبوع في الدوام دزيتله مسج عالموبايل "أشتقتلك حبيبي" فديته وااااااااايد فرح واتصل فيني وصار كل أشوي ايقولي انه مشتاقلج ويقولي لما أرد من الدوا م بعد كم يوم أبيج تكشخين حقي واتحطين مكياج مالت علي أحس أنه رومانسي أكثر عني :angry: ترى ريلي من النوع اللي يحب أني أدلعة وأكشخ له بس أنا أستحي

المهم في نفس اليوم قبل مايرقد طرشلي هذا المسج "أشتقتلك حبيبي" واليوم الثاني قالي أنه مشتاقلي :shy:

أدري بتقولون هذا مسج عادي لكن المهم أني أنا تجرأت وكتبتله هالكلام بعد ما عيز المسكين وياي وهو يحاول يسحب مني كلام حلو أو فعل حلو ""دايما يقولي خاطري مره أنت اتيين وتبوسيني أو اتقوليلي كلام حلو بروحج !!!!!!!!!!!! صج أستاهل ضرب صح

والله يا بنات أنا ريلي مو من النوع الي يشتري هدايا لي بشكل وايد ولا من النوع الي يذكر عيد رواجنا أو عيد ميلادي بس هذا مو معناته أنه بخيل لا والله بالعكس أنا ريلي واييييييييييييد كريم مع الكل وأذا طلبت منه أي شي والله مايقصر معاي بشي لا بفلوس ولا غيره بس ريلي مايعرف حق سوالف الحريم واذا بغى يشتريلي طقم ذهب كهدية حقي ياخذني معاه السوق ويقولي اختاري الي تبينه هدية مني لج

المهم يا بنات أنا من بعد هذه التجربة البسيطة مع ريلي تأكدت أنه من النوع اللي يحب الرومانسية بس مش من النوع الي يعرف يسوي ليالي رومانسية أقصد ريلي مو من النوع الي بيشتري ورود وينثرها علي الفراش ولا يعرف يولع شموع لأنه مايعرف بهذي السوالف أصلآ بس أكيد ريلي راح يفرح وااااايد ا ذا سويتله ليالي رومانسية لأني راح أحسسه بحبي وأهتمامي له بطريقة وايد معبره

وفي النهاية اشكركم من أعماق قلبي لأنكم فتحتوا عيوني عاى أشياء كنت ماأعرف بوجودها
وهذي مقولة وحده كتبتها في المنتدى "اذا ريلج مايعرف الرومانسية أو غشيم بهذي السوالف مو عيب أنج تبدين فيها وتعملمينه "

ومشكورييييييييييييييييييييييييييييييييييييييييييييين