رؤى بعد الإستخارة أجهل تفسيرها ومعناها

السلام عليكم ورحمة الله وبركاته

أعانك الله على تفسير رؤيا العضوات

أتمنى أن تفسر لي الحلم في أقرب وقت ياشيخ لأنه يؤرقني منذ فتره طويله

رأيت هذا المنامات بين شهر أبريل ومايو من هذا العام وكنت وقتها أصلي الإستخارة بإلحاح وبشكل يومي .. عدة مرات باليوم

والسبب وجود شخص يود التقدم لي ولكنه من غير قبيلتي
توكلت على الله
وصليت الإستخاره .... وهذا مارأيته

شفت نفسي في بيت عمي وواقفه على الدرج و لابسه ثوب صلاة لونه أخضر (كانت بنت عمي أهدتني هالثوب في عيدميلادي) ومعاي بنت زميلتي بالدراسه واسمها (نصره) كنا واقفين وكأن البيت زحمه أو في مناسبه مادري!!
انا و البنت كنـــا نتكلم ... فجأه شفت مجموعة رجال جايين يبون يمرون من جنب الدرج.. كانوا كلهم أعمامي ووالدي وأخواني وأبناء أعمامي... واطرقت برأسي للأسفل حياء منهم ... بس ظليت بمكاني
حسيت في واحد منهم يطالعني و لما رفعت راسي شفت شاب بينهم ماعرفته وكأني أقول بداخلي من هذا!!
وليش هو غير عنهم!! كان مبتسم ويطالعني وهو ماشي معاهم.. ورجعت نزلت راسي لتحت حياء منه..
بعد كذا شفت نفسي قدام بيت عمي ... خارج الحوش وشفت خواتي و بنات أعمامي متجمعين حول رجال من أهلنا اسمه (مبارك) ويسألوه عن شخص وده يتقدملي .... ويقولوله ان مذهبه غير عنــا ... وجاوبهم بما إنه ينطق الشهادتين ... مافي مانع ياخذها ...

بعدها بكم يوم وانا مستمره بصلاة الإستخاره


شفت منام ثاني

شفت والدي يدق علي باب غرفتي ولما فتحت الباب شفته حامل بيده طفل رضيع (ولد)
تفاجأت و سألته من وين هالولد قاللي لقيته بالمسجد خليه عندك
وبالفعل فرحت بالولد كثير وقمت أعتني فيه كأنه ابني بس لاحظت اني ماني قادره أعتني فيه أبد.. مع اني فالحقيقه أعرف كيف أهتم بالأطفال وأعتني فيهم
بعد كذا شفت الولد ميت وشكله مشوه ومخيف

والله وانا مستمره بالصلاه يوميا بالليل و الدعاء

شفت بمنامي انا و بنت عمي عندنا حلق ذهب كبير ( للعلم بنت عمي في هالفتره انخطبت ومن أسبوع تزوجت)
المهم الحلق كان كبير و مليان نقوش .. يوصل للكتف بس ما كنا لابسينه
وكنا انا وياها قاعدين نقول لبعض اننا نبي نبيعهم


أنتظر التفسير جزاك الله خير ... ومشكور مقدما