مادري لي متى هالانسانه بتم تظلمني حسبي الله عليها

ما يت اشتكي لكم الا محتاجه ردودكم اللي ان شاء الله بتبرد قلبي

انا يا ناس من تزوجت ام ريلي وراي وراي ما تهدني حاطه دوبها ودوبي تطلع لي المشاكل من كل صوب ودايم تشوه صورتي جدام ريلي وتبيه يطلقني بأي طريقه لأنه هو ولد عمي وهي ما اداني اهل زوجها وهي اصلا جاهله وموش متعلمه وغير ذي كله مع عندها ذمه ابداااااااااااااااا مع الناس ومن يومها ظالمه

ظالمه كل حد اعيالها ريلها خدامتها تذبحهم من الطق تخليهم ياكلون اكل خايس ومبيت بالثلاجه بالايام والاسابيع وما تخليهم ياكلون من الاكل اللي يستوي بنفس اليوم يعني هالخامات عندها هم والزباله واحد

وهذا غير ظلمها لنا احنا حريم اعيالها مافي وحده عاجبتها منا كلنا سوت لنا مشاكل ومشاكل الله العالم ابها لو اتم اتكلم عن المشاكل ما بتكفيني صفحات النت كلها بدون مبالغه والله

والقهر يا بنات انه احنا نعاملها احسن معامله تعرفون شنو يعني احسن معامله نحبها ونحاول نكسبها بأي طريقه ولو اتكلم من اليوم لي باجر ما بخلص وبالمختصر المفيد يا عزيزاتي ام ريلي ما ادانيني ابــــــــــــــــــــــــــــــــــــــــــــــــــــــــــــــــدا وطول عمرها لين تموت بتم جذي ما ادانيني

مع انه والله ثم والله يا بنات انه نيتي زينه وياها والحمدلله اني انسانه طيبه وكل يشهد لي بالهشيء وما استاهل منها هالجحد ذي كله حسبي الله عليها ولو اقولكم اشكثر اظلمتني والله ما باخلص وغير انها دايم تشوه سمعتي على ريلي وغير الاعمال اللي سوتها لي وانا صاااابره على شان اعيالي

واخر مشكله هي اني جايبه خدامتين لي وبتموت هي ومحتره ليش انه عندي خدامتين ودها تخلص من وحده منهم والود ودها بعد تخليني بدون خادمه مره قالت لزوجي ابي خدامه من خدامتك لبنتي لبنتي فلانه ومره تبيها لها وخر مره تبيها لبنتها فلانه يعني تبي تخلص من الخدامه بأي طريقه

لأنها بس محتره وما تحب تشوفني سعيده ومرتاحه وغير اني مريضه ودايم تعبانه وهي مب حاسه فيني تحسبني مخليه خدامتين عندي بس جذي بدون معنى حسبي الله عليها وكنا عندهم من يومين وفتحت الموضوع جدامنا وقالت انه بنتها ما عندها خدامه وتبي وحده من اللي عندي لبنتها

اوكي ما قلنا شيء تخيلوا هذا كله ما يقولونه لي يقولونه لزوجي عشان يحطوني امام الامر الواقع
وغصبن عني اوافق ولمه يت البيت خدامتي على طول تكلمت قالت لي انا ما احب اشتغل عند ناس غيركم انا تعودت عليكم وانا قلت مستحيل اجبرها لأنه بعد مهما يكون هاذي انسانه ومايصير اخليها تروح تشتغل عند ناس ظالمين وما يخافون من الله

لأنه على فكره حتى بناتها ما عندهم ذمه نفسها وهم ما يبون وحده من خدامتي الا لأنه خدامة بنتها اشردت من كثر الظلم ولهواش اللي ايها من البنت واللي عندي قالت مستحيل اشتغل واذا ما تبوني اتم عندكم سفروني ولا تخلوني اروح اشتغل عندهم

معليش عورت راسكم بمشكلتي بس شاسوي اطلع ربي ثم انتو وادري فيكم ما بتقصرون

وبعدها انا طرشت مسج لبنتها قتلها فلانه ما تبي تشتغل عندكم اللي خدامتي ومره ثانيه اذا تبون شيء مني بيتي حتى لو كانوا خدامات تعالوا قولو لي انا مو تقولون لزوجي لأنه زوجي مستحيل يجبرني ولازم يشاورني يعني لو ياو بطريقه احسن جان علقل بفكر في الموضوع مع انهم ما يستاهلون وقليلين ادب وماتمت كلمه ما قالوها عن امي ليش انه هم محترين من امي واااايد

مع انه والله يا بنات امي ما ضرتهم في شيء ابــــــــــــــــــــــــــــــــــدا وبعد ما وصل لهم المسج
كلموا زوجي وهم محتررررين واااايد من الكلام اللي كتبته بالمسج وقامت امه اتيييب مواضيع ملها خص بموضوع الخدامه وقالت انها بتاخذها بالقوه منه وقالها زوجي يعني شبتسوين بتشتكين روحي اشتكي ما انتي متعوده تتشكين على ابوي وقالها اللحين انا مستحيل اعطيكم الخدامه ولو يوصل معاشها 5000 ريال

وفجأة قالت له انه موش مرت عمر لازم يعرس علي والكلام واااايد ما بخلص والله لو تميت اتكلم عن ظلمها يا ناس حسبي الله عليها وتخيلوا بعد هالكلام جاني زوجي الي صبرت عشانه على ظلم اهله لي يقولي انا ابي اتزوج

مشكلتي غريبه وتعور الراس صح تدرون ليش لأني صبرت وسكت من البدايه وجافوني هم اني انسانه طيبه ومتسامحه دايم وصابره فهم طولوها معاي فعشان جي يقولون الحقوق تبي حلوج وباقولكم باقي مشكلتي مع الردود ان شاء الله واتمنى يا بنات تتفاعلون معاي وتعتبروني وحده منكم وفيكم

والله على ما اقوله شهيد

والسلام ختام وحسبي الله ونعم الوكيل على كل ظالم